Gyihova Alasevolɛ Debiezukoalɛ Ne Mɔ
Kpondɛ yɛ debiezukoalɛ ne mɔ anwo edwɛkɛ. Kpondɛ ɛleka mɔɔ bikye wɔ la.
Duzu A Kɔ Zo Wɔ Yɛ Ayia Bo A?
Dapɛne biala Gyihova Alasevolɛ yia nu sonle fane nwiɔ. (Hibuluma 10:24, 25) Wɔ ayia ɛhye mɔ mɔɔ maanlema kola ba bie la abo, yɛsuzu mɔɔ Baebolo ne ka nee kɛzi yɛbahola yɛava ye ngilehilelɛ ne yɛabɔ yɛ ɛbɛla la anwo.
Yɛ ngilehilelɛ ne dɔɔnwo le adawubɔlɛ mɔɔ tievolɛma kola ka bie kɛ mɔɔ bɛyɛ ye sukulu nu la. Saa ɛkulo a yɛɛ ɛbava ɛ nwo wɔawula nu a. Bɛfa edwɛne nee asɔneyɛlɛ bɛbɔ ayia ɛhye mɔ abo na eza bɛava bɛawie.
Ɔngyia kɛ ɛyɛ Gyihova Alasevolɛ ne mɔ anu ko na wɔara yɛ ayia ne mɔ bie. Yɛto ɛsalɛ yɛfɛlɛ awie biala kɛ ɔrɛla bie. Mbia wɔ ɛkɛ maa awie biala. Bɛnlielie ezukoa wɔ ɛkɛ.
Bie A Eza Ɛ Nye Balie
KPUYA MƆƆ MENLI TA BIZA
Kɛzi Bɛhyehyɛ Gyihova Alasevolɛ Asafo Ne Mɔ Ɛ?
Sukoa kɛzi yɛdua ngyehyɛleɛ ɛhye azo yɛnyia adehilelɛ la.
