Yɛdua ndoboa mɔɔ Gyihova Dasevolɛ ko biala ye la azo titili a yɛtua yɛ ewiade amuala gyima ne anwo kakɛ a. a Bɛva ndoboa nlɛka bɛziezie yɛ ayia ne mɔ abo yɛɛ eza yɛdua ndenle ngakyile mɔɔ wɔ yɛ Ndoboa foa ne abo la azo yɛye ndoboa. Foa ɛhye maa awie nyia adenle kpa kɛ ɔbaye ndoboa yeaboa yɛ ewiade amuala gyima ne, kakɛ mɔɔ asafo ne bɔ anzɛɛ ɔ mu nwiɔ.

 Gyihova Alasevolɛ ɛndua taete anzɛɛ bɛmpɛ bolɛ bie bɛmmaa bɛndua anzɛɛ bɛnlie bɛ ahatualɛ ne foa bie. (2 Kɔlentema 9:7) Yɛnlielie ezukoa wɔ yɛ ayia ne mɔ abo yɛɛ awie ɛndua ezukoa na yeara bie. Yɛ mgbanyima ne mɔ ɛnlie ɛzɔnenlɛ, ɛzɛneyɛlɛ, atɔfolɛlielɛ anzɛɛ ɛzonlenlɛ nu debie gyɛne biala ɛyɛlɛ nwo ezukoa. Yɛnlua harvest, appeal for fund, crusade ɛyɛlɛ anzɛɛ ninyɛne mɔɔ le kɛ ɛhye mɔ la azo yɛnlielie ezukoa, eza yɛnva ɛnvulopu yɛmmaa awie mɔ yɛnva yɛnlielie ezukoa. Yɛnga menli mɔɔ ye ndoboa la anwo edwɛkɛ yɛngile awie biala. (Matthew 6:2-4) Yɛnlua yɛ wɛbsaete ne nee yɛ mbuluku ne mɔ azo yɛmbɔ ninyɛne nwo nolo yɛnlie ezukoa.

 Gyihova Alasevolɛ asafo biala bu ezukoa mɔɔ bɛ sa ka ye la anwo mgbonda siane biala wɔ bɛ ayia ne mɔ mɔɔ awie biala kola ba bie la abo. Asafo ko biala ta neɛnlea kɛlɛtokɛ mɔɔ fale kɛzi bɛfa ndoboa mɔɔ menli ye la bɛyɛ gyima la anu amaa bɛanwu ye saa bɛlɛfa bɛayɛ gyima kpalɛ a.​—2 Kɔlentema 8:20, 21.

•   Ndoboa nlɛka: Ɛbahola wɔava ezukoa anzɛɛ kyɛɛke wɔado ndoboa nlɛka mɔɔ wɔ Belemgbunlililɛ Asalo, Nyianu Asalo anzɛɛ ɛleka gyɛne biala mɔɔ yɛyɛ yɛ ayia ne mɔ la anu.

•   Yintanɛte zo ndoboayelɛ: Ɛbahola wɔalua credit cards, debit cards, bank transfers nee ɛlɛtɔlɔneke ninyɛne gyɛne zo wɔaye ndoboa wɔ “Ye ndoboa boa Gyihova Alasevolɛ” azo wɔ maanle dɔɔnwo azo. b Alasevolɛ bie mɔ ye ezukoa “to ahane” amaa bɛalua ndenle ɛhye mɔ anu ko azo bɛayɛ ndoboa mɔɔ bɛbaye ye siane biala la anwo ngyehyɛleɛ.​—1 Kɔlentema 16:2.

•   Ndoboa ɛyelɛ nwo ngyehyɛleɛ: Ɔhyia kɛ ɛdimoa ɛsuzu ndenle bie mɔ mɔɔ bɛdua zo anzɛɛ mɛla adenle zo mɔɔ bɛdua bɛyɛ ndoboa ɛyelɛ nwo ngyehyɛleɛ la anwo. Ngyehyɛleɛ zɛhae bahola amaa wɔava debie wɔamaa mɔɔ ɛnrɛdua zɔhane deɛ ne anwo adwule bieko wɔ wɔ maanle ne anu a. Menli dɔɔnwo ɛnyia kɛzi bɛfa debie bɛkyɛ wɔ mekɛ mɔɔ bɛde aze anzɛɛ wɔ bɛ ewule nzi la anwo ndelebɛbo dɔɔnwo na yemɔ ɛboa bɛ kpalɛ. Yɛsɛlɛ wɔ, ɛ nee Gyihova Alasevolɛ ɔfese mɔɔ wɔ wɔ maanle ne anu la ɛdendɛ saa ɛkulo kɛ ɛdua ndenle ɛhye mɔ bie azo ɛye ndoboa a.

  •   bange ezukoa

  •   insurance nee pɛnhyɛne ezukoa

  •   azua nee azɛlɛ

  •   kyɛfoa wɔ gyima nu nee ezukoa mɔɔ bɛfa bɛbɔ bosea

  •   agyapadeɛ

 Saa ɛkpondɛ ndenle mɔɔ bɛdua zo bɛye ndoboa la anwo edwɛkɛ dɔɔnwo a, nea “Ye ndoboa boa Gyihova Alasevolɛ.”