Mukelɛ Ekyi, Aneɛ Dɔɔnwo
Ɔvi January 2013, bɛde Awake! ne nee maanlema Ɛzinzalɛ Arane ne azo, ɔvi mukelɛ 32 yera mukelɛ 16.
Bɛde edwɛkɛ ne azo yemɔti bɛhola bɛhile ɔ bo bɛhɔ aneɛ dɔɔnwo anu. Kɛ neazo la, bɛhilele December 2012 Awake! ne abo bɛhɔle aneɛ 84 anu, yɛɛ December 2012 Ɛzinzalɛ Arane ne abo bɛhɔle aneɛ 195 anu. Noko akee, bɛhilele January 2013 Awake! ne abo bɛhɔle aneɛ 98 anu, yɛɛ Ɛzinzalɛ Arane ne abo bɛhɔle aneɛ 204 anu.
Ɛzinzalɛ Arane ne mɔɔ debiezukoalɛ edwɛkɛ ne mɔ wɔ nu la bahɔ zo ayɛ mukelɛ 32.
Bɛpelente Ekyi—Bɛfa Dɔɔnwo Bɛgua Intanɛte Zo
Yɛ magazine ne mɔ anu edwɛkɛ ne mɔɔ yɛde zo la ka ninyɛne mɔɔ wɔ yɛ www.pr418.com gyimalilɛleka ne la wɔ ndenle nwiɔ azo.
Edwɛkɛ bie mɔ mɔɔ ɛnee finde yɛ magazine ne mɔ anu la wɔ gyimalilɛleka ɛhye ala azo. Kɛ neazo la, kɛkala edwɛkɛ, “For Young People,” “My Bible Lessons,” nee menli mɔɔ kɛwie Geleade la anwo edwɛkɛ mɔɔ ɛnee ba maanlema Ɛzinzalɛ Arane ne anu nee “For Family Review” yɛɛ “Young People Ask” mɔɔ ɛnee wɔ Awake! ne anu la, Intanɛte ne azo ala a bɛfa bɛgua a.
Bɛbava Ɛzinzalɛ Arane ne nee Awake! mumua ne bɛagua Intanɛte zo. Kɛkala bɛfa Ɛzinzalɛ Arane ne nee Awake! ne PDF bɛgua Intanɛte zo wɔ www.pr418.com ɛleka ne. Ɛnɛ yɛbahola yɛagenga magazine ɛhye mɔ wɔ Intanɛte zo, yemɔti ɔbamaa bɛahola bɛagenga ye wɔ kɔmputa nee moba fonu ngakyile zo. Eza ɛ sa bahola aha yɛ mbuluku ne mɔ bie wɔ aneɛ mɔɔ bo 400 la anu wɔ Intanɛte zo.