JW LIBRARY
Kpondɛ Debie Wɔ Baebolo Anzɛɛ Mbuluku Nu—Android
Search foa ne mɔɔ wɔ JW Library azo la maa ɛnwu edwɛkɛkpɔkɛ anzɛɛ ɛdendɛsinli wɔ Baebolo anzɛɛ mbuluku nu.
Dua adehilelɛ ɛhye azo fa kpondɛ:
Kpondɛ Edwɛkɛ Wɔ Baebolo Ne Anu
Ɛkola ɛkpondɛ edwɛkɛkpɔkɛ anzɛɛ ɛdendɛsinli wɔ Baebolo mɔɔ ɛlɛkenga la anu.
Ɛbuke Baebolo ne a, tinli Search sɛkɛlɛneɛ ne azo; akee bɔ edwɛkɛkpɔkɛ mɔɔ ɛkpondɛ la. Saa ɛlɛbɔ a, ɛbanwu nzuzulɛ dɔɔnwo. Tinli nzuzulɛ ne bie azo anzɛɛ Enter sɛkɛlɛneɛ ne azo amaa wɔanwu mɔɔ ɛkpondɛ la.
Top Verses maa ɛnwu ngyɛnu mɔɔ ɛta ɛfa ɛdi gyima na ɔ nee mɔɔ ɛlɛkpondɛ la yia la. All Verses ne maa ɛnwu ngyɛnu mɔɔ bɛ muala bɛle ko mɔɔ wɔ Baebolo ne anu la. Articles ne kile edwɛkɛ mɔɔ bɛle ko wɔ mukenye ne nee mokanwo ne anu la.
Saa ɛbɔ edwɛkɛ agbɔkɛ nwiɔ a, tinli Match Exact Phrase ɛlɛka ne azo amaa wɔanwu ɛdendɛsinli mɔɔ nee mɔɔ ɛbɔle la le ko ala la.
Kpondɛ Edwɛkɛ Wɔ Mbuluku Nu
Ɛlɛkenga buluku bie a, ɛkola ɛkpondɛ edwɛkɛkpɔkɛ anzɛɛ ɛdendɛsinli wɔ nu.
Mekɛ mɔɔ wɔbuke buluku bie anu la, tinli Search ne azo; akee bɔ edwɛkɛkpɔkɛ mɔɔ ɛkpondɛ la. Saa ɛlɛbɔ a, ɛbanwu nzuzulɛ dɔɔnwo. Tinli nzuzulɛ ne bie azo anzɛɛ Enter sɛkɛlɛneɛ ne azo amaa wɔanwu mɔɔ ɛkpondɛ la.
Saa ɛbɔ edwɛkɛ agbɔkɛ nwiɔ a, tinli Match Exact Phrase ɛlɛka ne azo amaa wɔanwu ɛdendɛsinli mɔɔ nee mɔɔ ɛbɔle la le ko ala la.
Kpondɛ Edwɛkɛtile
Saa wɔhwe Insight on the Scriptures ne a, ɛbahola wɔakpondɛ edwɛkɛtile bie wɔ nu. Saa ɛlɛkenga Baebolo anzɛɛ mbuluku biala a, ɛbanwu ɛhye wɔ nu.
Tinli Search ne azo; akee bɔ edwɛkɛkpɔkɛ mɔɔ ɛkpondɛ la. Saa ɛlɛbɔ a, edwɛkɛtile mɔɔ wɔ Insight on the Scriptures ne anu mɔɔ ɔ nee mɔɔ ɛlɛkpondɛ le ko la baraboka nzuzulɛ ne anwo. Tinli edwɛkɛtile bie azo maa ɔbuke.
Bɛgyinlanle JW Library 1.3.4 azo a bɛyele ninyɛne ɛhye mɔ wɔ October 2014 a. JW Library 1.3.4 ne yɛ gyima wɔ Android 2.3 anzɛɛ version fofolɛ biala mɔɔ bara la azo. Saa ɛnnwu ninyɛne fofolɛ ɛhye mɔ a, yɛsɛlɛ wɔ di adehilelɛ mɔɔ wɔ edwɛkɛtile mɔɔ se “Bɔ Ɔ Bo Fa JW Library Di Gyima—Android” mɔɔ ɔwɔ Nyia Ninyɛne Fofolɛ Mɔɔ Ɛra La abo la azo.
