JW LIBRARY
Twe Baebolo Ne Na Sukoa—Android
Bɛyɛ JW Library ne titili kɛ yɛva yɛzukoa Baebolo ne.
Dua adehilelɛ ɛhye mɔ azo amaa wɔahwe Baebolo na wɔazukoa:
Twe Baebolo
Twe Baebolo ne kenga na sukoa ye mekɛ mɔɔ ɛnle Yintanɛte ne azo la.
Buke navigation drawer ne, na tinli Baebolo ne azo amaa wɔanwu Baebolo mbuluku ne mɔ.
Tinli Languages sɛkɛlɛneɛ ne azo amaa wɔanwu Baebolo kɔsɔɔti mɔɔ wɔ ɛkɛ la. Baebolo ngilebɛbo mɔɔ wɔ aneɛ mɔɔ ɛta ɛfa ɛdi gyima la a limoa a. Eza kpondɛ aneɛ anzɛɛ Baebolo ngilebɛbo bie ɔlua ye duma mɔɔ ɛbabɔ la. Kɛ neazo la, bɔ “int” fa kpondɛ Kingdom Interlinear wɔ Nrelenza nu anzɛɛ “port” fa kpondɛ Baebolo mɔɔ wɔ Portugal aneɛ nu la.
Bɛva sɛkɛlɛneɛ bie mɔɔ le kɛ amungu la bɛdo Baebolo mɔɔ ɛtɛtwenle la anyunlu. Tinli Baebolo bie azo na twe. Ɛtwe Baebolo ne ɛgua wɔ milahyinli ne azo a, ɛnee amungu sɛkɛlɛneɛ ne ɛvi zo. Tinli Baebolo ne azo bieko na kenga.
Saa wɔannwu Baebolo ngilebɛbo mɔɔ ɛkpondɛ la a, yɛsɛlɛ wɔ nea ye nzinlii. Bɛbava ngilebɛbo dɔɔnwo mɔɔ kɛra la bɛaboka nwo.
Ye Baebolo Fi Zo
Saa ɛngyia Baebolo ngilebɛbo bie anwo anzɛɛ ɛkulo kɛ ɛnyia space a, ɛbahola wɔaye wɔavi zo.
Buke navigation drawer ne na tinli Baebolo ne azo, akee tinli Languages sɛkɛlɛneɛ ne azo amaa wɔabuke Baebolo ne mɔ. Tinli Dɔt Nsa ɛhye mɔɔ wɔ Baebolo ne anyunlu la azo saa ɛkulo kɛ ɛye ɛfi zo a; akee tinli Delete azo.
Nyia Nzenzaleɛ Mɔɔ Ɛra Baebolo Ne Anu La
Ɔyɛ a, bɛyɛ nzenzaleɛ wɔ Baebolo mɔɔ bie a wɔahwe la anu.
Bɛfa atwɛ nwiɔ sɛkɛlɛneɛ a bɛto Baebolo mɔɔ bɛyɛ nuhua nzenzaleɛ la anyunlu a. Saa ɛtinli Baebolo ne azo a, ɛbanwu edwɛkɛ bie mɔɔ kile kɛ bɛyɛ nzenzaleɛ la. Tinli Download amaa wɔanyia nzenzaleɛ mɔɔ ɛra la anzɛɛ tinli Later azo na toa zo kenga mɔɔ ɛlɛ ye dɛba la.
Bɛgyinlanle JW Library 1.4 azo a bɛyele ninyɛne ɛhye mɔ wɔ February 2015 a. JW Library 1.4 ne yɛ gyima wɔ Android 2.3 anzɛɛ version fofolɛ biala mɔɔ bara la azo. Saa ɛnnwu ninyɛne fofolɛ ɛhye mɔ a, yɛsɛlɛ wɔ di adehilelɛ mɔɔ wɔ edwɛkɛtile mɔɔ se “Bɔ Ɔ Bo Fa JW Library Di Gyima—Android”, mɔɔ ɔwɔ Nyia Ninyɛne Fofolɛ Mɔɔ Ɛra La abo la azo.
