JW LIBRARY
Fa Bookmarks Ne Di Gyima Kpalɛ—Android
Bookmark ne mɔɔ wɔ JW Library azo la maa ɛnwu ɛleka mɔɔ wɔgenga buluku bie wɔdwu la, kɛ mɔɔ ɛfa debie ɛsia buluku bie anu amaa wɔanwu ɛleka mɔɔ wɔdwu la. Buluku biala mɔɔ wɔ JW Library azo la lɛ bookmark 10.
Dua adehilelɛ ɛhye mɔ azo amaa wɔava bookmarks wɔali gyima:
Fa Edwɛkɛ Fofolɛ To Bookmark
Ɛkola ɛfa edwɛkɛ bie, tile bie, ɛdendɛkpunli anzɛɛ Baebolo ngyɛnu fɔɔnwo bie ɛto bookmark.
Ɛfa edwɛkɛ anzɛɛ tile bie wɔado bookmark a, tinli Bookmark ne azo. Ɛtinli zo a, ɔbava buluku ne anwo bookmark ɛlɛka ne yeara. Tinli bookmark mɔɔ ɛhwee ɛnle nwolɛ la azo maa ɔva edwɛkɛ anzɛɛ tile bie ɔzie.
Amaa wɔava ɛdendɛkpunli anzɛɛ Baebolo ngyɛnu bie wɔado bookmark la, tinli edwɛkɛ ne azo; akee tinli Bookmark ɛlɛka ne azo.
Kɔ Bookmark Azo
Amaa wɔanwu ɛleka mɔɔ wɔdwu la, buke buluku ne mɔɔ ɛnee ɛlɛkenga la; akee tinli Bookmark sɛkɛlɛneɛ ne azo. Tinli mɔɔ ɛkulo kɛ ɛkenga la azo.
Hyehyɛ Wɔ Bookmark Ne
Ɛfa edwɛkɛ bie ɛto bookmark a, ɛkola ɛye ɛfi ɛkɛ anzɛɛ ɛkakyi ye.
Amaa wɔaye wɔavi ɛkɛ la, tinli Bookmark ne azo; akee tinli Dɔt Nsa ne mɔɔ wɔ bookmark ne anyunlu la azo. Tinli Delete azo.
Saa ɛkakyi bookmark bie a, tinli Bookmark ne azo; akee tinli Dɔt Nsa ne mɔɔ wɔ bookmark ne anyunlu la azo. Tinli Replace azo. Ɛnee fofolɛ ne ɛragyinla dɛba ne agyakɛ anu. Saa ɛlɛkenga buluku bie a, ɔboa ɔmaa ɛnwu ɛleka mɔɔ wɔdwu la. Kɛ neazo la, ɔboa ɔmaa ɛnwu ɛleka mɔɔ wɔgenga Baebolo ne wɔdwu la.
Bɛgyinlanle JW Library 1.2 azo a bɛyele ninyɛne ɛhye mɔ wɔ May 2014 a. JW Library 1.2 ne yɛ gyima wɔ Android 2.3 anzɛɛ version fofolɛ biala mɔɔ bara la azo. Saa ɛnnwu ninyɛne fofolɛ ɛhye mɔ a, yɛsɛlɛ wɔ di adehilelɛ mɔɔ wɔ edwɛkɛtile mɔɔ se “Bɔ Ɔ Bo Fa JW Library Di Gyima—Android” mɔɔ ɔwɔ Nyia Ninyɛne Fofolɛ Mɔɔ Ɛra La abo la azo.
