JW LIBRARY
Maa Ɛgengalɛ Ne Ɛyɛ Anyelielɛ—Android
Bɛva ninyɛne dɔɔnwo bɛgua JW Library azo mɔɔ bamaa wɔ ɛgengalɛ ayɛ anyelielɛ a. Ɛbanwu ninyɛne ɛhye mɔ wɔ app bar ne mɔɔ wɔ fonu ne anwuma wɔ mekɛ mɔɔ ɛlɛkenga tile bie anzɛɛ edwɛkɛ bie la.
Ɔwɔ kɛ ɛtinli Dɔt Nsa ne azo amaa ɛ sa aha ninyɛne bie mɔ mɔɔ wɔ app bar ne azo la.
Dua adehilelɛ ahye azo amaa wɔ ɛgengalɛ ne ayɛ anyelielɛ:
Kakyi Aneɛ Ne
Saa ɛlɛkenga tile bie anzɛɛ edwɛkɛ bie a, ɛbahola wɔahakyi aneɛ ne.
Tinli Languages sɛkɛlɛneɛ ne azo amaa wɔanwu aneɛ biala mɔɔ buluku ne mɔɔ ɛlɛkenga la wɔ nu la. Aneɛ mɔɔ ɛta ɛfa ɛdi gyima kpalɛ la a limoa a. Ɛzinzalɛ Arane ne mɔɔ ɔ bo ɛdelɛ ɛnyɛ se la noko wɔ ɛke. Ɛbahola wɔabɔ aneɛ bie duma na wɔava wɔakpondɛ.
Bɛva amungu sɛkɛlɛneɛ bɛdo aneɛ mɔɔ ɛtɛtwenle la anyunlu. Tinli aneɛ bie azo na twe buluku ne. Saa ɛtwe buluku ne ɛgua wɔ milahyinli ne azo a, amungu sɛkɛlɛneɛ ne bavi zo. Tinli aneɛ ne azo bieko na kenga.
Kakyi Text Settings
Ɛbahola wɔayɛ edwɛkɛ ne mgbole mɔɔ ɛkenga a ɔyɛ boɛ a.
Tinli Text Settings sɛkɛlɛneɛ ne azo; akee fa ɛ sa pia dokoɛ kpɔkoo ne maa edwɛkɛ ne ɛyɛ ngyikyi anzɛɛ mgbole. Bɛfa ɛhye bɛdi gyima wɔ mbuluku kɔsɔɔti anu.
Nea Mɔɔ Bɛhyehyɛ Anzɛɛ Mɔɔ Bɛhɛlɛ
Edwɛkɛ ne mɔ bie wɔ ɛkɛ a, ɛbanwu kɛ bɛhyehyɛ anzɛɛ bɛhɛlɛ. Amaa wɔanlea mɔɔ bɛhyehyɛ nee mɔɔ bɛhɛlɛ la, tinli sɛkɛlɛneɛ ɛhye azo.
Nea Mɔɔ Bɛhyehyɛ: Mɔɔ bɛhyehyɛ la maa ɛnwu kɛzi bɛpelente a ɔbayɛ la. Bie mɔ bɛahulo kɛ bɛbanyia ɛhye wɔ mbuluku mɔɔ le kɛ edwɛne buluku ne, mɔɔ bɛhyehyɛ edwɛne ne la.
Nea Mɔɔ Bɛhɛlɛ: Mɔɔ bɛhɛlɛ la maa ɛnwu Baebolo tɛkese mɔɔ bɛyɛ ye mɔɔ ɛkola ɛtinli zo na wɔayɛ ye kɛzi ɛkulo la.
Open in . . .
Open in . . . foa ne maa ɛnwu ninyɛne mɔɔ wɔ JW Library mɔɔ wɔ app gyɛne zo la.
Tinli Open in . . . sɛkɛlɛneɛ ne azo amaa wɔanwu ninyɛne gyɛne mɔɔ wɔ ɛkɛ la. Kɛ neazo la, ɛbahola wɔatinli Open in Online Library ne azo amaa yeabuke ɛleka mɔɔ ɛlɛkenga ye wɔ Ɛzinzalɛ Arane YINTANƐTE MBULUKUZIELƐLEKA ne azo.
Customize Look-up Bibles
Saa ɛtinli Baebolo tɛkese bie mɔɔ wɔ buluku bie anu la azo a, ngyɛnu ne mɔ bara. Tinli Customize azo amaa wɔakpa Baebolo mɔɔ wɔhwe mɔɔ ɛkulo kɛ ɛfa ɛboka nwolɛ la.
Tinli Add anzɛɛ Remove azo amaa wɔava ngilebɛbo bie wɔaboka nwo anzɛɛ wɔaye wɔavi nu. Pia Baebolo ne kɔ anwuma nee aze amaa wɔahyehyɛ ye boɛ.
Nea “Twe Baebolo Ne Na Sukoa—Android” amaa wɔanwu kɛzi ɛbanyia Baebolo gyɛne wɔ JW Library la.
Bɛgyinlanle JW Library 1.4 azo a bɛyele ninyɛne ɛhye mɔ wɔ February 2015 a. JW Library 1.4 ne yɛ gyima wɔ Android 2.3 anzɛɛ version fofolɛ biala mɔɔ bara la azo. Saa ɛnnwu ninyɛne fofolɛ ɛhye mɔ a, yɛsɛlɛ wɔ di adehilelɛ mɔɔ wɔ edwɛkɛtile mɔɔ se “Bɔ Ɔ Bo Fa JW Library Di Gyima—Android” mɔɔ ɔwɔ Nyia Ninyɛne Fofolɛ Mɔɔ Ɛra La abo la azo.
