JW LIBRARY
Twe Mbuluku Na Sukoa—Android
Mbuluku, brohyua, trate nee vidio dɔɔnwo wɔ JW Library mɔɔ ɛbahola wɔagenga na wɔanlea wɔ mekɛ mɔɔ ɛnle Yintanɛte ne azo.
Dua adehilelɛ ɛhye mɔ azo amaa wɔahwe mbuluku na wɔazukoa:
Twe Buluku Bie
Ɛkola ɛtwe mbuluku dɔɔnwo ɛkenga na ɛsukoa wɔ mekɛ mɔɔ ɛnle Yintanɛte ne azo.
Buke navigation drawer, na tinli Publications azo amaa wɔanwu mbuluku ne mɔ.
Tinli Languages sɛkɛlɛneɛ ne azo amaa wɔanwu aneɛ kɔsɔɔti mɔɔ lɛ mbuluku wɔ ɛkɛ la. Kpa aneɛ mɔɔ ɛkulo la. Aneɛ mɔɔ ɛta ɛfa ɛdi gyima kpalɛ la a limoa a. Ɛbahola wɔabɔ aneɛ bie duma na wɔava wɔakpondɛ.
Ndenle ngakyile wɔ ɛkɛ mɔɔ yɛfa zo yɛkpondɛ mbuluku wɔ JW Library azo a.
By Type foa ne kile mbuluku mɔɔ wɔ aneɛ mɔɔ ɛlɛkpondɛ la anu mɔɔ bɛgua ye ekpunli le kɛ Mbuluku, Trate anzɛɛ Vidio. Ɛtinli ekpunli bie azo a, ɔbamaa wɔ debie fofolɛ mɔɔ ɛbakpa, le kɛ ɛvolɛ biala anu Ɛzinzalɛ Arane anzɛɛ Vidio mɔɔ ɔgua ye ekpunli. Tinli All Types azo amaa wɔazia wɔahɔ ɛ bo zo ne.
What’s New foa ne maa ɛnwu mbuluku mɔɔ bɛye ye kenlensa ye wɔ aneɛ mɔɔ ɛlɛkpondɛ la anu.
Bɛva amungu sɛkɛlɛneɛ bie bɛdo mbuluku mɔɔ ɛtɛtwenle la anyunlu. Tinli buluku bie azo na twe. Saa ɛtwe buluku ne ɛgua wɔ milahyinli ne azo a, ɛnee amungu sɛkɛlɛneɛ ne ɛvi zo. Tinli buluku ne azo bieko na kenga.
Downloaded foa ne maa ɛnwu mbuluku kɔsɔɔti mɔɔ wɔhwe mɔɔ wɔ aneɛ biala anu la. Ɛkola ɛtinli Frequently Used, Rarely Used, anzɛɛ Largest Size azo ɛmaa ɔhyehyɛ ninyɛne ne mɔ.
Ye Buluku Bie Fi Zo
Saa ɛngyia buluku bie anwo anzɛɛ ɛkulo kɛ ɛnyia space a, ɛkola ɛye ɛfi zo.
Buke navigation drawer ne na tinli Publications azo, akee tinli buluku bie azo (kɛ neazo la, Mbuluku) amaa wɔanwu mbuluku ne mɔ. Saa ɛkulo kɛ ɛye ɛfi zo a, tinli Dɔt Nsa ɛhye azo; akee tinli Delete azo.
Saa ɛkulo kɛ ɛnyia space a, ɛkola ɛye mbuluku mɔɔ ɛnda ɛngenga anzɛɛ ɔle kpole la ɛfi zo. Buke navigation drawer ne na tinli Publications azo. Kɔ Downloaded foa ne; akee tinli Rarely Used anzɛɛ Largest Size azo na nwu ninyɛne ne mɔ. Ye mbuluku mɔɔ ɛngyia nwolɛ la fi ɛkɛ.
Nyia Nzenzaleɛ Mɔɔ Ɛra Buluku Bie Anu La
Ɔyɛ a, bɛyɛ nzenzaleɛ wɔ mbuluku mɔɔ bie a wɔhwe la anu.
Bɛfa atwɛ nwiɔ sɛkɛlɛneɛ a bɛto mbuluku mɔɔ bɛyɛ nuhua nzenzaleɛ la anyunlu a. Saa ɛtinli mbuluku ne azo a, ɛbanwu edwɛkɛ bie mɔɔ kile kɛ bɛyɛ nzenzaleɛ la. Tinli Download azo na nyia nzenzaleɛ mɔɔ ɛra la anzɛɛ tinli Later azo na kenga mɔɔ ɛlɛ ye dɛba la.
Ɛkulo kɛ ɛnwu kɛ bɛyɛ nzenzaleɛ wɔ mbuluku bie mɔɔ wɔhwe la anu a, buke navigation drawer; tinli Publications azo. Saa nzenzaleɛ bie ɛra a, ɛbanwu Pending Updates foa ne wɔ anwuma ɛkɛ. Tinli zo amaa wɔanwu ninyɛne mɔɔ wɔ ɛkɛ la amuala. Tinli buluku bie azo amaa wɔanyia nzenzaleɛ mɔɔ ɛra la, anzɛɛ Update All na twe.
Bɛgyinlanle JW Library 1.4 azo a bɛyele ninyɛne ɛhye mɔ wɔ February 2015 a. JW Library 1.4 ne yɛ gyima wɔ Android 2.3 anzɛɛ version fofolɛ biala mɔɔ bara la azo. Saa ɛnnwu ninyɛne fofolɛ ɛhye mɔ a, yɛsɛlɛ wɔ di adehilelɛ mɔɔ wɔ edwɛkɛtile mɔɔ se “Bɔ Ɔ Bo Fa JW Library Di Gyima—Android” mɔɔ ɔwɔ Nyia Ninyɛne Fofolɛ Mɔɔ Ɛra La abo la azo.
