Ɛzela 10:1-44
10 Mekɛ mɔɔ Ɛzela ɛlɛyɛ asɔne+ na ɔlɛka bɛ ɛtane ne mɔ, ɔlɛsu na yela yebutu ɔ nyunlu aze wɔ nɔhalɛ Nyamenle ne sua ne anyunlu la, Yizilayɛ mrenyia, mraalɛ nee ngakula dɔɔnwo bɔle yiale ye, ɔluakɛ ɛnee menli ne ɛlɛsu kpole.
2 Akee Gyɛhayɛle+ mɔɔ vi Yilam abozoamra+ anu la ara Hyɛkanaya zele Ɛzela kɛ: “Yɛanli nɔhalɛ yɛammaa yɛ Nyamenle ne ɔlua nyɛvolɛ mraalɛ mɔɔ wɔ azɛlɛ ne azo mɔɔ yɛgya bɛ* la ati.+ Noko akee, Yizilayɛ tɛdɛ anyelazo.
3 Akee bɛmaa yɛ nee yɛ Nyamenle ne ɛyɛ ngyekyeleɛ+ kɛ yɛbamaa mraalɛ mɔɔ yɛgya bɛ nee ngakula mɔɔ bɛwo bɛ la amuala ahɔ kɛ mɔɔ Gyihova nee menli mɔɔ sulo yɛ Nyamenle ne la adehilelɛ kile la.+ Bɛmaa yɛyɛ kɛ mɔɔ Mɛla ne se la.
4 Dwazo, ɔluakɛ edwɛkɛ ɛhye le wɔ gyima yɛɛ yɛgyi ɛ nzi. Maa ɛ nwo ɛyɛ se na yɛ nwolɛ debie.”
5 Akee Ɛzela dwazole na ɔmaanle ɛsɔfo mgbanyinli ne mɔ, Livaema nee Yizilayɛma kɔsɔɔti hanle ndane kɛ bɛbayɛ mɔɔ bɛha la.+ Yemɔti bɛhanle ndane.
6 Akee Ɛzela dwazole vile nɔhalɛ Nyamenle ne sua ne anyunlu na ɔhɔle Yilayahyebe ara Gyehoheenan ekpumgbunli* ne anu. Ɔhɔle ɛkɛ ne, noko yeanli aleɛ yɛɛ yeanno nzule biala ɔluakɛ ɛnee menli mɔɔ hɔle akɛlɛzonlenlɛ nu la mɛladonlɛ ne ɛlɛmaa yeali nyane.+
7 Akee bɛbɔle nolo wɔ Dwuda nee Gyɛlusalɛm amuala kɛ menli mɔɔ vi akɛlɛzonlenlɛ nu ɛra la kɔsɔɔti ɛrayia Gyɛlusalɛm;
8 na kɛ mɔɔ mgbanyima ne mɔ nee mgbanyinli mɔɔ wɔ Yizilayɛ la kpɔkɛzilɛ ne kile la, awie biala mɔɔ yeamba wɔ kenle nsa anu la, bɛbalie ɔ nwo ninyɛne kɔsɔɔti* na bɛadu ye bɛavi menli mɔɔ vi akɛlɛzonlenlɛ nu rale la avinli.+
9 Yemɔti Dwuda nee Bɛngyaman mrenyia kɔsɔɔti hɔyiale Gyɛlusalɛm wɔ kenle nsa anu, mɔɔ le siane ngɔnla ne kenle ne mɔɔ tɔ zolɛ 20 la. Ɛnee menli ne kɔsɔɔti de nɔhalɛ Nyamenle ne sua ne alie ne anwo, na ɛnee edwɛkɛ ne mɔɔ ɛra la nee ezule kpole ne mɔɔ ɛlɛtɔ la ɛlɛmaa bɛ nwo awoso bɛ.
10 Akee ɛsɔfo Ɛzela dwazole na ɔzele bɛ kɛ: “Bɛanli nɔhalɛ fee kɛ bɛgyale nyɛvolɛ mraalɛ la,+ ɛhye ati bɛmaa Yizilayɛ mɛladonlɛ ne ɛyɛ kpole kpalɛ.
11 Ɔti bɛha bɛ ɛtane ne mɔ bɛhile Gyihova, bɛ nenyia mɔ Nyamenle ne na bɛyɛ ye ɛhulolɛdeɛ. Bɛhwe bɛ nwo bɛvi menli mɔɔ wɔ azɛlɛ ne azo la nee bɛ nyɛvolɛ mraalɛ ne mɔ anwo.”+
12 Na menli ne kɔsɔɔti maanle bɛ ne zo buale kɛ: “Ɔle yɛ gyima kɛ yɛbayɛ mɔɔ wɔha la pɛpɛɛpɛ.
13 Noko akee menli ne zonle, yɛɛ ɔle fɔsɛlɛ nu. Yɛnrɛhola yɛnrɛgyinla alienwo, yɛɛ edwɛkɛ ne noko ɛnrɛli kenle ko anzɛɛ kenle nwiɔ bie ala, ɔluakɛ yɛde atua kpole wɔ edwɛkɛ ɛhye anu.
14 Yemɔti yɛsɛlɛ wɔ, maa yɛ mgbanyima ne mɔ ɛgyinla menli ne amuala agyakɛ anu;+ na maa menli mɔɔ wɔ yɛ azuamgbole ne mɔ azo mɔɔ bɛgya nyɛvolɛ mraalɛ la kɔsɔɔti ɛrɛla mekɛ mɔɔ bɛbahile la, bɛ nee sua biala azo mgbanyinli nee ndɛnebuavolɛma, kɔkpula kɛ yɛbamaa ɛya wuluwulu mɔɔ yɛ Nyamenle ne ɛva wɔ edwɛkɛ ɛhye anwo la avi yɛ nwo zo la.”
15 Noko Asahɛle ara Dwɔnatan yɛɛ Tekeva ara Gyezaya anlie ɛhye ando nu, na Mɛhyɛlam nee Hyabɛtae+ mɔɔ bɛle Livaema la nee bɛ yɛle adwenle.
16 Noko menli mɔɔ vi akɛlɛzonlenlɛ nu rale la yɛle mɔɔ bɛhanle la; na ɛsɔfo Ɛzela nee bɛ mbusua mgbanyima ne mɔ mɔɔ bɛhɛlɛle bɛ aluma la kɔsɔɔti yiale wɔ siane bulu ne kenle mɔɔ limoa la anu kɛ bɛneɛnlea edwɛkɛ ne anu;
17 na ɔkadwu kenle mɔɔ limoa wɔ siane ne mɔɔ limoa la anu la, ɛnee bɛha mrenyia mɔɔ gya nyɛvolɛ mraalɛ la kɔsɔɔti edwɛkɛ ne bɛwie.
18 Na bɛnwunle kɛ ɛsɔfo ne mɔ amra mrenyia ne mɔ bie gya nyɛvolɛ mraalɛ:+ Gyɛhozadake ara Gyɛhyua+ abozoamra nee ɔ mediema mrenyia ne mɔ anu, Meeyasaya, Ɛleyizɛ, Gyeelebe yɛɛ Gɛdalaya.
19 Noko bɛbɔle ɛwɔkɛ kɛ bɛbamaa bɛ ye mɔ ahɔ, na kɛmɔ bɛdi fɔlɛ la ati, bɛbava boane nyinli bɛabɔ bɛ fɔlɛlilɛ ne anwo afɔle.+
20 Yemɛ abozoamra anu,+ Haneenae nee Zɛbadaya;
21 Heelem abozoamra anu,+ Meeyasaya, Yilaegya, Hyɛmaya, Gyɛhayɛle nee Yuzaya;
22 Pahyɛ abozoamra anu,+ Ɛleyoyinae, Meeyasaya, Yehyemɛle, Nɛtanɛle, Dwozabade nee Ɛliesa.
23 Yɛɛ Livaema ne anu, Dwozabade, Hyemɛyae, Kɛlaya (yemɔ a le Kɛlaeta), Pɛtahaya, Dwuda nee Ɛleyizɛ;
24 edwɛndolɛma ne anu, Yilayahyebe; yɛɛ nlenkɛ mgbole sinzavolɛma ne anu, Hyalɛm, Tilɛm nee Yulae.
25 Yizilayɛma anu, Peelɔhye abozoamra anu,+ Relamaya, Yezaya, Malekaegya, Megyamen, Ɛlieza, Malekaegya nee Bɛnaya;
26 Yilam abozoamra anu,+ Matanaya, Zɛkalaya, Gyɛhayɛle,+ Abedae, Gyɛlemɔto nee Yilaegya;
27 Zatu abozoamra anu,+ Ɛleyoyinae, Yilayahyebe, Matanaya, Gyɛlemɔto, Zeebade nee Azaeza;
28 Bibae abozoamra anu,+ Gyehoheenan, Hananaya, Zabeeyae nee Atelae;
29 Beenae abozoamra anu, Mɛhyɛlam, Malɛke, Adaya, Gyehyɛbe, Hyiale nee Gyɛlemɔto;
30 Peehate-mowabe abozoamra anu,+ Adena, Kilale, Bɛnaya, Meeyasaya, Matanaya, Bɛzalɛle, Bɛnuwae nee Manasɛ;
31 Heelem abozoamra anu,+ Ɛleyizɛ, Yehyaegya, Malekaegya,+ Hyɛmaya, Hyemɛyɔn,
32 Bɛngyaman, Malɛke nee Hyɛmalaya;
33 Heehyɛm abozoamra anu,+ Matinae, Matɛta, Zeebade, Ɛlefɛlɛte, Gyɛlemae, Manasɛ nee Hyemɛyae;
34 Beenae abozoamra anu, Meeyadeeyae, Amelam, Yuwɛle,
35 Bɛnaya, Bɛdaya, Kɛluhae,
36 Vanaya, Mɛlemɔto, Yilayahyebe,
37 Matanaya, Matinae yɛɛ Gyeeyasu;
38 Bɛnuwae abozoamra anu, Hyemɛyae,
39 Hyɛlimaya, Neetan, Adaya,
40 Makenadɛbae, Hyahyae, Hyɛleeyae,
41 Azaleɛle, Hyɛlimaya, Hyɛmalaya,
42 Hyalɛm, Amalaya yɛɛ Dwosefi;
43 Nibo abozoamra anu, Gyiyayɛle, Matetaya, Zeebade, Zɛbaena, Gyeedae, Dwowɛle yɛɛ Bɛnaya.
44 Menli ɛhye mɔ amuala gyale nyɛvolɛ mraalɛ,+ na bɛmaanle bɛ ye mɔ nee bɛ mra ne mɔ hɔle.+
Ɔbodwɛkɛ
^ Anzɛɛ “mɔɔ yɛva bɛ yɛhɔ yɛ azua nu.”
^ Anzɛɛ “aleɛlilɛ sua.”
^ Anzɛɛ “bɛbasisi ye ninyɛne kɔsɔɔti azo.”
