Edwɛkɛsisilɛ Mɔɔ Limoa 24:1-31
24 Na kɛ bɛhyehyɛle Aalɔn abozoamra ne mɔ anu la ɛne: Aalɔn amra a le Needabe, Abaehu,+ Ɛlieza yɛɛ Yetamaa.+
2 Noko Needabe nee Abaehu wule kolaa na bɛ papa awu,+ yɛɛ bɛanwo mralɛ biala; noko Ɛlieza+ nee Yetamaa hɔle zo zonlenle kɛ ɛsɔfoma.
3 Devidi nee Zeedɔko+ mɔɔ vi Ɛlieza amra ne mɔ anu yɛɛ Ahemɛlɛke mɔɔ vi Yetamaa amra ne mɔ anu la hyehyɛle bɛ nuhua ekpunli ekpunli maanle gyima mɔɔ bɛbayɛ la.
4 Kɛmɔ Ɛlieza amra ne mɔ lɛ mgbanyima dɔɔnwo tɛla Yetamaa amra ne mɔ la ati, bɛhyɛle bɛ nu kɛ mɔɔ bɛ dodo ne de la: Ɛlieza amra ne mɔ nyianle mbusua mgbanyima 16 yɛɛ Yetamaa amra ne mɔ nyianle mbusua mgbanyima 8.
5 Eza bɛguale ma*+ bɛhyehyɛle bɛ nu, ekpunli ko anu amra nee ekpunli bieko anu amra, ɔluakɛ ɛnee Ɛlieza amra ne mɔ bie nee Yetamaa amra ne mɔ bie le mgbanyinli wɔ ɛleka nwuanzanwuanza ne nee nɔhalɛ Nyamenle ne mgbanyima.
6 Akee Nɛtanɛle ara Hyɛmaya mɔɔ le Livaema kɛlɛhɛlɛvolɛ la hɛlɛle bɛ aluma wɔ belemgbunli ne, mgbanyima ne mɔ, ɛsɔfo Zeedɔko,+ Abayata+ ara Ahemɛlɛke+ yɛɛ ɛsɔfo ne mɔ mbusua mgbanyima ne mɔ nee Livaema ne mɔ anyunlu ɛkɛ, bɛkpale abusua ko bɛmaanle Ɛlieza yɛɛ bɛkpale ko noko bɛmaanle Yetamaa.
7 Ma ne mɔɔ limoa la bɔle Gyɛhɔyalebe; Gyedeeya tɔ zolɛ nwiɔ,
8 Heelem tɔ zolɛ nsa, Siyɔlem tɔ zolɛ nna,
9 Malekaegya tɔ zolɛ nnu, Megyamen tɔ zolɛ nsia,
10 Hakɔzo tɔ zolɛ nsuu, Abaegya+ tɔ zolɛ mɔtwɛ,
11 Gyɛhyua tɔ zolɛ ngɔnla, Hyɛkanaya tɔ zolɛ bulu,
12 Yilayahyebe tɔ zolɛ 11, Gyeekem tɔ zolɛ 12,
13 Hɔɔpa tɔ zolɛ 13, Gyɛhyɛbeyabe tɔ zolɛ 14,
14 Belega tɔ zolɛ 15, Yemɛ tɔ zolɛ 16,
15 Hizɛ tɔ zolɛ 17, Hapizɛze tɔ zolɛ 18,
16 Pɛtahaya tɔ zolɛ 19, Gyɛhɛzekɛle tɔ zolɛ 20,
17 Gyeeken tɔ zolɛ 21, Geemɔle tɔ zolɛ 22,
18 Dɛlaya tɔ zolɛ 23, Meeyazaya tɔ zolɛ 24.
19 Saa bɛkɔ Gyihova sua nu ɛkɛ ne kɛ bɛkayɛ gyima+ a ngyehyɛleɛ mɔɔ wɔ ɛkɛ la ɛne, bɛyɛ ye kɛ mɔɔ Gyihova, Yizilayɛ Nyamenle ne hanle hilele bɛ nenyia Aalɔn na ɔhyehyɛle ɔdole ɛkɛ ne la.
20 Na Livaema mɔɔ hale la ɛne: Amelam+ amra ne mɔ anu, Hyubayale; Hyubayale+ amra ne mɔ anu, Gyɛdiya;
21 Rilihabaya+ abozoamra ɛne: Rilihabaya amra ne mɔ anu, Yehyaya a li bɛ ti a;
22 Yezehaama ne mɔ anu, Hyilomɔto;+ Hyilomɔto amra ne mɔ anu, Gyeehate;
23 yɛɛ Hibulɔn amra ne mɔ anu, Gyilaya+ a li bɛ ti a, Amalaya tɔ zolɛ nwiɔ, Gyeheezayɛle tɔ zolɛ nsa, Gyɛkamiyam tɔ zolɛ nna;
24 Ɛzeɛle amra ne mɔ anu, Maeka; Maeka amra ne mɔ anu, Hyeemɛ.
25 Maeka adiema nrenyia a le Yehyaya; Yehyaya amra ne mɔ anu, Zɛkalaya.
26 Mɛlɛlae+ amra a le Maalae nee Muhyae; Gyeeyazaya amra ne mɔ anu, Binɔ.
27 Mɛlɛlae abozoamra ne mɔ bie ɛne: Gyeeyazaya wole Binɔ, Hyoham, Zakɛ yɛɛ Yebelae;
28 Maalae amra ne mɔ anu, Ɛlieza mɔɔ yeanwo mralɛ mrenyia la;+
29 Kehye abozoamra ɛne: Kehye amra ne mɔ anu, Gyilameyɛle;
30 na Muhyae amra a le Maalae, Yidaa yɛɛ Gyɛlimɔto.
Menli ɛhye mɔ a le Livae amra* wɔ bɛ papa mɔ mbusua nu a.
31 Eza bɛguale ma+ kɛ mɔɔ bɛ mediema Aalɔn amra ne mɔ yɛle ye wɔ Belemgbunli Devidi, Zeedɔko, Ahemɛlɛke yɛɛ ɛsɔfoma mbusua mgbanyima nee Livae mbusua mgbanyima ne mɔ anyunlu ɛkɛ ne la. Wɔ bɛ papa mɔ mbusua ne anu, mɔɔ le kpanyinli la nee ɔ diema mɔɔ le kakula la sɛ.
