Edwɛkɛsisilɛ Mɔɔ Limoa 7:1-40
7 Yesakaa amra a le Tola, Pua, Gyehyɛbe yɛɛ Hyɛmelɔn+—bɛle nna.
2 Na Tola amra a le Ɛzae, Relɛfaya, Gyileɛle, Gyaamae, Yebesam yɛɛ Hyɛmuwɛle, bɛle mgbanyinli wɔ bɛ abusua ne anu. Tola abozoamra le konle nu katakyiema, na wɔ Devidi mekɛ zo ɛnee bɛ dodo le 22,600.
3 Na Ɛzae abozoamra* a le Yezelahaya yɛɛ Yezelahaya amra a le Maekeɛle, Obadaya, Dwowɛle yɛɛ Yehyaya—bɛdabɛ nnu ne amuala bɛle mgbanyinli.*
4 Na bɛ bo zo amra mɔɔ boka bɛ nwo kɛ mɔɔ bɛ mbusua ne mɔ de la le sogyama 36,000 wɔ bɛ ɛlɔne ne anu mɔɔ bɛkola bɛkɔ konle a, ɔluakɛ bɛgyale mraalɛ dɔɔnwo yɛɛ bɛwole mralɛ dɔɔnwo.
5 Na bɛ mediema, Yesakaa abusua ne anu amra amuala, bɛle konle nu katakyiema 87,000 yɛɛ bɛhɛlɛle bɛ aluma wɔ bɛ abusua kɛlɛtokɛ ne anu a.+
6 Bɛngyaman amra+ a le Bila,+ Bikɛ+ yɛɛ Gyɛdayɛle+—bɛle nsa.
7 Na Bila amra a le Ɛzebɔn, Ɛzae, Ɛzeɛle, Gyɛlimɔto yɛɛ Ayelae—bɛle nnu—bɛle mbusua mgbanyinli, konle nu katakyiema, na menli 22,034 a bɛhɛlɛle bɛ aluma wɔ bɛ abusua kɛlɛtokɛ ne anu a.+
8 Na Bikɛ amra a le Zɛmaela, Dwowahye, Ɛleyizɛ, Ɛleyoyinae, Ɔmelae, Gyɛlemɔto, Abaegya, Anatɔto yɛɛ Alɛmɛte—bɛ muala bɛle Bikɛ amra.
9 Bɛ bo zo amra mɔɔ bɛhɛlɛle bɛ aluma wɔ bɛ abusua kɛlɛtokɛ ne anu kɛ mɔɔ bɛ mbusua mgbanyinli ne mɔ de la, bɛlua konle nu katakyiema 20,200.
10 Na Gyɛdayɛle+ amra a le Belehan yɛɛ Belehan amra ɛne: Gyiyɛhye, Bɛngyaman, Yihɛde, Kɛneeyana, Zitan, Tahyehye yɛɛ Ahehyɛhaa.
11 Bɛ muala bɛle Gyɛdayɛle amra kɛ mɔɔ bɛ mbusua mgbanyinli ne mɔ de la, konle nu katakyiema 17,200, menli mɔɔ kola kɔ konle la.
12 Yiyɛ amra a le Hyɔpem nee Hɔpem; Ehɛ+ amra a le Huhyemma ne.
13 Nafetalae amra mrenyia+ a le Gyazeɛle, Gunae, Gyizɛ yɛɛ Hyalɛm—Belehaa+ abozoamra.*
14 Manasɛ+ amra ɛne: Aseleɛle mɔɔ ɔ nee ye nwewe* Seleanli ne wole ye la. (Raalɛ zɔhane a wole Geleade papa Meekɛ+ a.
15 Meekɛ gyale mraalɛ maanle Hɔpem nee Hyɔpem, yɛɛ ɔ diema raalɛ ne duma a le Meeyaka.) Mɔɔ tɔ zolɛ nwiɔ la duma a le Zilɔfɛhade,+ noko Zilɔfɛhade wole mraalɛ ngome.+
16 Meekɛ aye Meeyaka wole ralɛ nrenyia na bɛdonle ye duma Pilɛhye; na ɔ diema nrenyia ne duma a le Hyelɛhye; yɛɛ ɔ mra mrenyia a le Yulam nee Rilikɛm.
17 Na Yulam ara* a le Bidan. Bɛ muala bɛle Manasɛ ara Meekɛ ara Geleade amra.
18 Na ɔ diema raalɛ a le Hamolɛkɛte. Raalɛ ɛhye a wole Ayehyɔdo, Abi-yizɛ yɛɛ Maala a.
19 Na Hyemaeda amra a le Ahayan, Hyikɛm, Lekehae yɛɛ Anayam.
20 Yifelaem+ amra a le Hyutilaa,+ na ɔ ra a le Bilɛde, na ɔ ra a le Teehate, na ɔ ra a le Ɛliada, na ɔ ra a le Teehate,
21 na ɔ ra a le Zeebade, na ɔ ra a le Hyutilaa, na ɔ ra a le Yizɛ yɛɛ Ɛlɛyade. Gatema+ mɔɔ bɛwole bɛ wɔ azɛlɛ ne azo la hunle bɛ ɔluakɛ bɛhɔle ɛkɛ ne kɛ bɛkava bɛ nyɛmoa ne mɔ.
22 Bɛ papa Yifelaem lile nyane mekɛ dɔɔnwo, na ɔ mediema ne mɔ rale ɛkɛ ne rakyekyele ɔ rɛle.
23 Nzinlii ɔ nee ɔ ye lale, ɔnrenzɛle na ɔwole ralɛ nrenyia. Noko ɔdonle ye duma Belaya* ɔluakɛ ɔwole ye la ɛnee munzule ɛzi ye sua nu.
24 Na ɔ ra raalɛ a le Hyiila mɔɔ kyekyele Nyiakɛ+ nee Sɔlɔ Bɛte-hɔlɔn+ yɛɛ Ɛzɛn-hyiila la.
25 Na ɔ ra a le Rilifaa, Rilihyɛfe, na ɔ ra a le Tiila, na ɔ ra a le Teehan,
26 Na ɔ ra a le Leedan, na ɔ ra a le Amehɛde, na ɔ ra a le Ɛlehyama,
27 Na ɔ ra a le Nɛn yɛɛ ɔ ra a le Dwɔhyua.*+
28 Bɛ agyapadeɛ nee ɛleka mɔɔ ɛnee bɛde la a le Bɛtɛle+ nee azua mɔɔ zuozua ye* la, na ɛnee Neeyalan wɔ bɛ aduduleɛ yɛɛ Gizɛ nee azua mɔɔ zuozua ye la wɔ bɛ adɔleɛ yɛɛ Hyikɛm nee azua mɔɔ zuozua ye la, too ɔkɔdwu Aya* nee azua mɔɔ zuozua ye la anwo;
29 na Manasɛ abozoamra anwo ɛkɛ ne, bɛlɛ Bɛte-hyian+ nee azua mɔɔ zuozua ye, Teeyanake+ nee azua mɔɔ zuozua ye, Mɛgido+ nee azua mɔɔ zuozua ye yɛɛ Dɔɔ+ nee azua mɔɔ zuozua ye. Azua ɛhye mɔ azo a Yizilayɛ ara Dwosefi abozoamra dɛnlanle a.
30 Ahya amra mrenyia a le Yemenaa, Yehyeva, Yehyevae nee Belaya+ yɛɛ bɛ diema raalɛ Silaa.+
31 Belaya amra mrenyia a le Hibɛ nee Malekeɛle mɔɔ ɔ ra a le Bɛzeeyete la.
32 Hibɛ wole Gyafelɛte, Hyomɛ nee Hotam yɛɛ bɛ diema raalɛ Hyua.
33 Gyafelɛte amra a le Peesake, Bemehale yɛɛ Ahyevate. Bɛ muala bɛle Gyafelɛte amra.
34 Hyimɛ* amra a le Ehae, Wuloga, Gyɛhɛba yɛɛ Elam.
35 Ɔ diema Hilɛm* amra a le Zofa, Yemena, Hyilɛhye yɛɛ Emale.
36 Zofa amra a le Suwa, Haanɛfɛ, Hyuale, Bilae yɛɛ Yemelaa,
37 Bizɛ, Hɔɔdo, Hyama, Hyelehya, Yetelan yɛɛ Biyɛla.
38 Gyita amra a le Gyɛfɛna, Pesepa yɛɛ Ela.
39 Ɔla amra a le Elaa, Haneɛle yɛɛ Relezea.
40 Bɛ muala bɛle Ahya amra, mbusua mgbanyinli mɔɔ bɛkpa bɛ, konle nu katakyiema, adekilevolɛma titili; na bɛ dodo mɔɔ bɛhɛlɛ bɛ aluma wɔ bɛ abusua kɛlɛtokɛ ne anu+ la le mrenyia 26,000+ mɔɔ bɛkola bɛkɔ konle.
Ɔbodwɛkɛ
^ Hibulu aneɛ nu, “mbusua mgbanyinli.”
^ Hibulu aneɛ nu, “amra.”
^ Hibulu aneɛ nu, “amra.”
^ Hibulu aneɛ nu, “amra.”
^ Ɔ bo kile “Wɔ Munzule Nu.”
^ Anzɛɛ “Gyɛhɔhyua,” ɔ bo kile “Gyihova Le Ngoanelielɛ.”
^ Anzɛɛ “ɛbɛnga ye ɛyia.”
^ Anzɛɛ ɔkola ɔkile, “Gaza,” noko tɛ Gaza ne mɔɔ wɔ Filisitia la ɔ.
^ Eza bɛfɛlɛ ye Hyomɛ wɔ ngy. 32 ne anu.
^ Ɔbayɛ kɛ ɔdaye ko ne ala a le “Hotam” wɔ ngy. 32 ne anu la.
