Ditilɔnomi 30:1-20
30 “Saa edwɛkɛ ɛhye mɔ kɔsɔɔti ba bɛ nwo zo, nyilalɛ nee munzule mɔɔ meva mezie bɛ nyunlu la,+ na bɛkakye ɛhye mɔ*+ wɔ maanle maanle mɔɔ Gyihova bɛ Nyamenle ne bɔle bɛ asande hɔle nu la anu,+
2 na bɛsia bɛba Gyihova bɛ Nyamenle ne ɛkɛ,+ na bɛ nee bɛ mra fa bɛ ahonle muala nee bɛ ɛkɛla*+ muala tie ɔ ne kɛ mɔɔ melɛka meahile bɛ ɛnɛ la a,
3 akee Gyihova bɛ Nyamenle ne bava bɛ menli mɔɔ hɔle akɛlɛzonlenlɛ nu la azia ara+ na yeaze bɛ anwunvɔne+ na yeaboɔboa bɛ nloa yeavi menli mɔɔ Gyihova bɛ Nyamenle ne bɔle bɛ asande wɔ nu la anu.+
4 Saa bɛ menli ne bɔ asande kɔdwu anwuma moamoa bɔbɔ a, Gyihova bɛ Nyamenle ne baboɔboa bɛ nloa avi lɔ na yeava bɛ yeazia yeara.+
5 Gyihova bɛ Nyamenle ne bava bɛ ara azɛlɛ ne mɔɔ bɛ papa mɔ vale yɛle bɛ agyapadeɛ la azo na bɛadɛnla zo; ɔbamaa bɛakpazi na bɛayɛ dɔɔnwo bɛadɛla bɛ papa mɔ.+
6 Gyihova bɛ Nyamenle ne bade bɛ ahonle nu* nee bɛ bo zo amra ahonle nu,+ amaa bɛava bɛ ahonle muala nee bɛ ɛkɛla* muala bɛahulo Gyihova bɛ Nyamenle ne na bɛadɛnla ngoane nu.+
7 Akee Gyihova bɛ Nyamenle ne bava munzule ɛhye mɔ kɔsɔɔti ara bɛ agbɔvolɛ mɔɔ kpɔle bɛ na bɛyɛle bɛ kpɔdekpɔde la anwo zo.+
8 “Akee bɛbazia bɛara na bɛadie Gyihova ane na bɛali ye mɛla ne mɔ mɔɔ melɛfa meamaa bɛ ɛnɛ la kɔsɔɔti azo.
9 Gyihova bɛ Nyamenle ne bayila bɛ sa anloa gyima kɔsɔɔti azo,+ ɔbamaa bɛ mra nee bɛ nyɛmoa azo na bɛanyia aleɛ dɔɔnwo, ɔluakɛ Gyihova anye balie nwo bieko kɛ ɔbamaa bɛakpazi kɛ mɔɔ ɔ nye liele bɛ nenyia mɔ anwo la.+
10 Akee bɛbadie Gyihova bɛ Nyamenle ne ane na bɛali ye mɛla nee ye ngyehyɛleɛ mɔɔ bɛhɛlɛ wɔ Mɛla buluku ɛhye anu la azo, na bɛava bɛ ahonle muala nee bɛ ɛkɛla* muala bɛazia bɛara Gyihova bɛ Nyamenle ne ɛkɛ.+
11 “Mɛla ɛhye mɔɔ melɛfa meamaa bɛ ɛnɛ la ɛnyɛ se somaa yɛɛ ɔmbo bɛ nwo zo.*+
12 Ɔnle anwuma na bɛaha kɛ, ‘Nwane a bavo anwuma ahɔva arɛlɛ yɛ amaa yeade na yɛali zo a?’+
13 Anzɛɛ ɔnle nyevile nzi na bɛaha kɛ, ‘Nwane a bapɛ ahɔ nyevile ne anzi ahɔva arɛlɛ yɛ amaa yɛade na yɛali zo a?’
14 Ɔluakɛ edwɛkɛ ne bikye bɛ kpalɛ, ɔwɔ bɛ nloa anu yɛɛ ɔwɔ bɛ ahonle nu,+ amaa bɛali zo.+
15 “Bɛnlea, melɛfa ngoane nee kpalɛ, yɛɛ ewule nee ɛtane meazie bɛ nyunlu ɛnɛ.+
16 Saa bɛtie Gyihova bɛ Nyamenle ne mɛla mɔɔ melɛfa meamaa bɛ ɛnɛ la na bɛkulo Gyihova bɛ Nyamenle ne,+ bɛdua ye ndenle ne mɔ anu na bɛdi ye mɛla nee ye ngyehyɛleɛ yɛɛ ye adehilelɛ ne mɔ azo a, bɛbanyia ngoane+ na bɛ nwo azo, na Gyihova bɛ Nyamenle ne bayila bɛ wɔ azɛlɛ ne mɔɔ bɛlɛkɔ bɛahɔva la azo.+
17 “Na saa bɛ ahonle kakyi+ na bɛandie na bɛmaa bɛbɛlɛbɛla bɛ na bɛbɔ bɛ ti aze bɛmaa nyamenle gyɛne na bɛsonle bɛ a,+
18 meka meahile bɛ ɛnɛ kɛ, bɛ bo zo baminli bɔkɔɔ.+ Bɛnrɛdɛnla azɛlɛ ne mɔɔ bɛlɛpɛ Dwɔdan ne bɛahɔdɛnla zolɛ la azo bɛnrɛhyɛ.
19 Melɛmaa anwuma nee aze* ali daselɛ atia bɛ ɛnɛ kɛ, meva ngoane nee ewule, nyilalɛ nee munzule mezie bɛ nyunlu;+ bɛva ngoane amaa bɛ nee bɛ bo zo amra+ anyia ngoane.+
20 Yemɔti bɛhulo Gyihova bɛ Nyamenle ne,+ bɛdie ɔ ne, na bɛbeta ye,+ ɔluakɛ ɔdaye a ɔmaa ngoane a, yɛɛ ɔdaye a ɔbamaa bɛadɛnla azɛlɛ ne mɔɔ Gyihova bɛ Nyamenle ne vale bɔle bɛ nenyia mɔ, Ebileham, Ayezeke nee Gyekɔbo ɛwɔkɛ la azo mekɛ tendenle a.”+
Ɔbodwɛkɛ
^ Hibulu aneɛ nu, “na bɛmaa bɛsia bɛba bɛ ahonle nu.”
^ Nea Edwɛkɛbohilelɛ.
^ Hibulu aneɛ nu, “baye nwoma ne mɔɔ heda bɛ ahonle nwo.”
^ Nea Edwɛkɛbohilelɛ.
^ Nea Edwɛkɛbohilelɛ.
^ Hibulu aneɛ nu, “yɛɛ ɔnle moa.”
^ Anzɛɛ “azɛlɛ ye.”
