Dwɔhyua 15:1-63
15 Azɛlɛ ne mɔɔ bɛvale* bɛmaanle+ Dwuda abusua ne na bɛhyɛle bɛmaanle bɛ mbusua ne mɔ la bɔ ɔ bo wɔ Yidɔm ɛweɛne zo,+ mɔɔ le Zen fienemgbole ne anu kɔdwu Nɛgɛbe wɔ nyiakɛ.
2 Bɛ nyiakɛ ɛweɛne ne bɔ ɔ bo wɔ Ngyenle Nyevile ne* anloa,+ ɛhye kile, ye nyiakɛ ɛnweazo.
3 Na ye nyiakɛ se fa Akelabem boka ne anwo,+ ɔdua Zen na akee ɔdua Keedɛhye-baanea nyiakɛ+ ɔpɛ nu Hɛzelɔn ɔfo ɔkɔ Adaa na ɔkakyi ɔ nye ɔkɔfa Kaakaa.
4 Akee ɛweɛne ne pɛ nu kɔ Azemɔn+ na ɔkɔdwu Yigyibiti Azudenle* ne anwo,+ na ɔkɔgua Nyevile ne* anloa. Bɛ nyiakɛ ɛweɛne ne ɛne.
5 Aduduleɛ ɛweɛne ne a le Ngyenle Nyevile ne* mɔɔ kɔ Dwɔdan ne anloa la, yɛɛ ɛweɛne ne mɔɔ wɔ sɔlɔ la bɔ ɔ bo wɔ nyevile ne ɛnweazo wɔ Dwɔdan ne anloa anu.+
6 Ɛweɛne ne se dua Bɛte-hɔgela+ na ɔpɛ nu wɔ Bɛte-alaba sɔlɔ,+ akee ɛweɛne ne fo kɔ Wulubɛn ara Bohan bolɛ ne anwo.+
7 Ɛweɛne ne kɔfa Dibɛ wɔ Ekɔ Bɔnza*+ ne anu na ɔkakyi ɔ nye sɔlɔ ɔkɔ Gelegale+ mɔɔ wɔ Adɛmem boka ne anyunlu wɔ azudenle* ne nyiakɛ la, na ɛweɛne ne pɛ nu kɔdwu Ɛn-hyimɛhye+ nzule ne anloa na ɔkɔgua Ɛn-logɛle.+
8 Ɛweɛne ne kɔfa Henɛm Ara Ne Bɔnza+ ne anu kɔ Gyibɛsema+ suakpole ne mɔɔ wɔ nyiakɛ, mɔɔ le Gyɛlusalɛm+ la ndololeɛ nu, na ɛweɛne ne fo kɔ boka ne mɔɔ anye kile Henɛm Bɔnza ne wɔ adɔleɛ la azo wɔ Relɛfeeyem Bɔnza ne sɔlɔ.
9 Na bɛpɛle ɛweɛne ne bɛvile boka ne azo bɛhɔle Nɛfetowa nzule ne anloa+ bɛhɔdwule azuamgbole mɔɔ wɔ Yifolɔn Boka ne azo la anwo; na bɛpɛle ɛweɛne ne bɛhɔdwule Beeyalaa, mɔɔ le Keleate-gyialem la.+
10 Ɔvi ɛkɛ ne ɔvale Beeyalaa adɔleɛ ɔhɔdwule Siyɛ Boka ne azo na ɔpɛle nu ɔhɔle Gyialem Boka ne mɔɔ wɔ sɔlɔ, mɔɔ le Kyɛsalɔn la ndololeɛ nu, na ɔtolole ɔhɔle Bɛte-hyimɛhye+ na ɔpɛle nu ɔhɔdwule Temenaa.+
11 Na ɔvi ɛkɛ ne ɔhɔle Ɛkelɔn+ ndololeɛ nu wɔ sɔlɔ, na bɛpɛle ɛweɛne ne bɛhɔdwule Hyekɔlɔn na ɔpɛle nu ɔhɔle Beeyalaa Boka ne azo ɔhɔdwule Gyabeneɛle, na ɔhɔguale nyevile ne anloa.
12 Adɔleɛ ɛweɛne ne bɔ ɔ bo wɔ Nyevile Kpole ne*+ anloa nee ye ɛnweazo. Ɛhye a le Dwuda abozoamra nee bɛ mbusua ne mɔ ɛweɛne ne anloa amuala a.
13 Na ɔmaanle Gyɛfɛna ara Keelɛbe+ azɛlɛ wɔ Dwuda abozoamra avinli kɛ mɔɔ Gyihova zele Dwɔhyua la, ɔmaanle ye Keleate-aaba, mɔɔ le Hibulɔn+ la (Enake papa a le Aaba).
14 Ɔti Keelɛbe voanle Enake amra+ nsa ne vile ɛkɛ. Bɛmɛ a le Hyihyae, Ahaeman yɛɛ Talimae,+ Enake abozoamra ne mɔ.
15 Ɔvi ɛkɛ ne la ɔ nee menli mɔɔ wɔ Dibɛ la hɔhonle.+ (Dɛba ne ɛnee bɛfɛlɛ Dibɛ Keleate-sifɛ.)
16 Akee Keelɛbe hanle kɛ: “Awie biala mɔɔ bahola aho ava Keleate-sifɛ la, mebava me ra raalɛ Akesa meamaa yeagya ye.”
17 Na Kinaze+ mɔɔ le Keelɛbe adiema nrenyia la ara Ɔteneɛle+ hɔhonle vale. Yemɔti ɔvale ɔ ra raalɛ Akesa+ ɔmaanle ɔgyale ye.
18 Mɔɔ Akesa ɛlɛkɔ sua nu la, ɔhanle ɔhilele ɔ hu kɛ ɔzɛlɛ ye papa ɔlie azɛlɛ. Akee Akesa vi ye asoaso ne azo dwule aze.* Keelɛbe bizale ye kɛ: “Duzu a ɛkpondɛ a?”+
19 Akesa buale ye kɛ: “Mesɛlɛ wɔ yila me, ɔluakɛ wɔmaa me azɛlɛ wɔ nyiakɛ lɔ;* fa Gulɔto-meeyem* noko maa me.” Yemɔti ɔvale Sɔlɔ Gulɔto nee Nyiakɛ Gulɔto ɔmaanle ye.
20 Dwuda abusua ne agyapadeɛ mɔɔ bɛhyɛle bɛmaanle bɛ mbusua ne mɔ la ɛne.
21 Azuamgbole mɔɔ wɔ Dwuda abusua ne nyiakɛ mɔɔ kɔne Yidɔm ɛweɛne+ zo la ɛne: Kabezeɛle, Yidaa, Gyega,
22 Kaenaa, Daemona, Adeeda,
23 Kidɛhye, Heezɔ, Yetenan,
24 Zefe, Tilɛm, Bɛyeelɔto,
25 Heezɔ-hadata, Kileɔto-hɛzelɔn, mɔɔ le Heezɔ,
26 Emam, Hyima, Moleeda,+
27 Heeza-gada, Hɛhyemɔn, Bɛte-pilɛte,+
28 Heeza-hyuale, Biyɛ-hyiba,+ Bezeyotaya,
29 Beeyalaa, Ayam, Yizɛm,
30 Ɛletolade, Kisɛle, Hɔɔma,+
31 Zekelage,+ Mademana, Sansana,
32 Lɛbeeyɔto, Hyelehem, Eyen yɛɛ Relemɔn+—azuamgbole 29 nee bɛ namunamu.
33 Azuamgbole mɔɔ wɔ Hyifɛla+ la ɛne: Ɛhyetayɔlo, Zola,+ Ahyena,
34 Zanowa, Ɛn-ganem, Tapua, Yinam,
35 Gyaamɔto, Adulam,+ Soko, Azika,+
36 Hyaleeyem,+ Adeteeyɛm yɛɛ Gɛdila nee Gɛdiloteeyem*—azuamgbole 14 nee bɛ namunamu.
37 Zinan, Hadahya, Megedale-gaade,
38 Daelian, Mezepɛ, Dwɔketeɛle,
39 Leekehye,+ Bɔzokate, Ɛgelɔn,
40 Kabɔn, Laaman, Ketelehye,
41 Gɛdilɔto, Bɛte-deegɔn, Neeyama yɛɛ Makidaa+—azuamgbole 16 nee bɛ namunamu.
42 Lebena,+ Yitɛ, Ehyan,+
43 Yefeta, Ahyena, Nizɛbe,
44 Kaela, Akezebe yɛɛ Malihyaa—azuamgbole ngɔnla nee bɛ namunamu.
45 Ɛkelɔn nee azua mɔɔ zuozua ye yɛɛ ye namunamu;
46 ɔvi Ɛkelɔn mɔɔ kɔ adɔleɛ, azua mɔɔ zuozua Ahyedɔdo amuala nee bɛ namunamu.
47 Ahyedɔdo,+ azua mɔɔ zuozua ye nee ye namunamu; Gaza,+ azua mɔɔ zuozua ye nee ye namunamu, ɔtolo ɔkɔdwu Yigyibiti Azudenle* ne anloa, Nyevile Kpole ne* anloa nee ye ɛnweazo.+
48 Wɔ awoka ne mɔ azo, Hyeemɛ, Gyatɛ,+ Soko,
49 Dana, Keleate-sanaa, mɔɔ le Dibɛ,
50 Enabe, Ɛhyetɛmo,+ Enim,
51 Gohyɛn,+ Hɔlɔn yɛɛ Gaelo+—azuamgbole 11 nee bɛ namunamu.
52 Arelabe, Dumaa, Yihyan,
53 Gyeenɛm, Bɛte-tapua, Afika,
54 Hɔmeta, Keleate-aaba, mɔɔ le Hibulɔn+ yɛɛ Zayɔ—azuamgbole ngɔnla nee bɛ namunamu.
55 Meeyɔn,+ Kamɛle, Zefe,+ Gyɛta,
56 Gyɛzeɛle, Dwɔkedɛyam, Zanowa,
57 Keyan, Gebeya yɛɛ Temenaa+—azuamgbole bulu nee bɛ namunamu.
58 Halehɔle, Bɛte-zɛɛle, Gidɔ,
59 Meeyala, Bɛte-anɔto yɛɛ Ɛletɛkɔn—azuamgbole nsia nee bɛ namunamu.
60 Keleate-beeyale, mɔɔ le Keleate-gyialem+ nee Relaba—azuamgbole nwiɔ nee bɛ namunamu.
61 Wɔ fienemgbole ne anu, Bɛte-alaba,+ Meden, Sɛkeeka,
62 Nebehyan, Ngyenle Suakpole ne yɛɛ Ɛn-gidae+—azuamgbole nsia nee bɛ namunamu.
63 Na Gyibɛsema+ mɔɔ de Gyɛlusalɛm+ la ɛdeɛ, Dwudama angola anvoa bɛ,+ ɔti Gyibɛsema tɛte Dwudama avinli wɔ Gyɛlusalɛm badwu ɛnɛ.
Ɔbodwɛkɛ
^ Anzɛɛ “bɛguale ma bɛvale.”
^ Ɛhye kile, Nyevile Wulera ne.
^ Ɛhye kile, Nyevile Kpole ne, Mɛdetɛlenia ne.
^ Anzɛɛ “Bɔnza.” Nea Edwɛkɛbohilelɛ.
^ Ɛhye kile, Nyevile Wulera ne.
^ Anzɛɛ “Azɛlɛ Fɛɛnye.”
^ Anzɛɛ “bɔnza.”
^ Ɛhye kile, Mɛdetɛlenia ne.
^ Anzɛɛ ɔkola ɔkile, “Akesa bɔle ɔ sa nu wɔ mekɛ mɔɔ ɔde asoaso ne azo la.”
^ Anzɛɛ “Nɛgɛbe.”
^ Ɔ bo kile “Ɛleka Mɔɔ Nzule Wɔ.”
^ Anzɛɛ ɔkola ɔkile, “Gɛdila nee ye ɛleka mɔɔ bɛsie mboane.”
^ Anzɛɛ “Bɔnza.”
^ Ɛhye kile, Mɛdetɛlenia ne.
