Dwɔhyua 16:1-10
16 Azɛlɛ ne mɔɔ bɛguale ma*+ bɛhyɛle bɛmaanle Dwosefi+ abozoamra la bɔ ɔ bo wɔ Dwɔdan ne mɔɔ bikye Gyɛleko la anloa kɔdwu Gyɛleko aduduleɛ, ɔdua fienemgbole ne mɔɔ kɔ Gyɛleko la anu too ɔkɔdwu Bɛtɛle+ awoka ne mɔ azo.
2 Ɔvi Bɛtɛle mɔɔ bikye Lɛɛze la na ɔtoa zo ɔkɔdwu Akaema ɛweɛne zo wɔ Atalɔto,
3 akee ɔtolo ɔkɔ adɔleɛ afoa nu wɔ Gyafelɛtema ɛweɛne zo too ɔkɔdwu Nyiakɛ Bɛte-hɔlɔn+ nee Gizɛ+ na ɔkɔgua nyevile ne anloa.
4 Ɔti Dwosefi abozoamra,+ Manasɛ nee Yifelaem nyianle bɛ azɛlɛ ɛdeɛ.+
5 Yifelaem abozoamra mbusua ne mɔ ɛweɛne ne ɛne: Bɛ azɛlɛ ne aduduleɛ ɛweɛne ne wɔ Atalɔto-adaa+ too ɔkɔdwu Sɔlɔ Bɛte-hɔlɔn,+
6 na ɔse ɔkɔgua nyevile ne anloa lɔ. Ɛweɛne ne bɔ ɔ bo wɔ sɔlɔ wɔ Makemita+ na ɔbele ɔkɔ aduduleɛ wɔ Teeyanate-hyaelo nee Gyanowa.
7 Akee ɔvi Gyanowa ɔtolo ɔkɔ Atalɔto nee Neeyala na ɔpɛ nu Gyɛleko+ too ɔkɔdwu Dwɔdan ne anloa lɔ.
8 Ɛweɛne ne vi Tapua+ kɔ Kanaa Azudenle ne anu* wɔ adɔleɛ, na ɔkɔgua nyevile ne anloa lɔ.+ Ɛhye a le Yifelaem abusua ne agyapadeɛ mɔɔ bɛhyɛle bɛmaanle bɛ mbusua ne mɔ a;
9 Yifelaem abozoamra noko nyianle azuamgbole gyɛne wɔ Manasɛma azɛlɛ zo,+ azuamgbole ne mɔ nee bɛ namunamu kɔsɔɔti.
10 Noko bɛanvoa Keenama mɔɔ ɛnee bɛde Gizɛ+ la bɛanvi ɛkɛ, na Keenama tɛte Yifelaemma avinli too badwu ɛnɛ+ na bɛmaa bɛyɛ akɛlɛ gyima.+
