Dwɔhyua 19:1-51
19 Akee bɛguale ma* mɔɔ tɔ zo nwiɔ+ la bɛmaanle Semɛyɔn na bɛhyɛle bɛmaanle Semɛyɔn+ mbusua ne mɔ. Ɛnee bɛ agyapadeɛ ne wɔ Dwuda agyapadeɛ ɛdeɛ ne avinli.+
2 Bɛ agyapadeɛ ne a le Biyɛ-hyiba,+ Hyiba, Moleeda,+
3 Heeza-hyuale,+ Beela, Yizɛm,+
4 Ɛletolade,+ Bitɔle, Hɔɔma,
5 Zekelage,+ Bɛte-maekabɔto, Heeza-susa,
6 Bɛte-lɛbeeyɔto+ yɛɛ Hyaluhɛn—azuamgbole 13 nee bɛ namunamu;
7 Eyen, Relemɔn, Yitɛ yɛɛ Ehyan+—azuamgbole nna nee bɛ namunamu;
8 nee namunamu kɔsɔɔti mɔɔ bikye azuamgbole ɛhye mɔ too kɔdwu Beeyalate-biyɛ, mɔɔ le Releema mɔɔ wɔ nyiakɛ la. Ɛhye a le Semɛyɔn abusua ne agyapadeɛ mɔɔ bɛhyɛle bɛmaanle bɛ mbusua ne mɔ a.
9 Bɛvale Dwuda agyapadeɛ ɛdeɛ ne bie bɛmaanle Semɛyɔn abozoamra, ɔboalekɛ ɛnee Dwudama ɛdeɛ ne le kpole bo bɛ nwo zo. Ɔti Semɛyɔn abozoamra nyianle bɛ agyapadeɛ ɛdeɛ ne wɔ Dwudama avinli.+
10 Eza bɛguale ma mɔɔ tɔ zo nsa+ la bɛmaanle Zɛbulɛn+ abozoamra na bɛhyɛle bɛmaanle bɛ mbusua ne mɔ; bɛ agyapadeɛ ne ɛweɛne ne kɔdwu Selede.
11 Bɛ ɛweɛne ne fo kɔ adɔleɛ kɔdwu Maliale na ɔtoa zo ɔkɔ Dabɛhyɛte too ɔkɔdwu bɔnza* ne mɔɔ wɔ Dwɔkenɛyam anyunlu la anu.
12 Na ɔvi Selede aduduleɛ ɔkɔ Keselɔto-teebɔ ɛweɛne zo na ɔpɛ nu Dabɛlate+ na ɔfo ɔkɔ Gyafaya.
13 Na ɔvi ɛkɛ ne ɔtoa zo ɔkɔ aduduleɛ afoa nu ɔkɔdwu Gate-hifɛ+ too ɔkɔ Ɛte-keezen na ɔpɛ nu Relemɔn too ɔfinde Nia.
14 Ɛweɛne ne pɛne ɔ nwo fa sɔlɔ kɔ Hanatɔn na ɔkɔgua Yefeta-ɛle Bɔnza ne anu,
15 nee Kata, Nahalɛle, Hyɛmelɔn,+ Yedala yɛɛ Bɛtelɛhɛm+—azuamgbole 12 nee bɛ namunamu.
16 Ɛhye a le Zɛbulɛn abozoamra agyapadeɛ mɔɔ bɛhyɛle bɛmaanle bɛ mbusua ne mɔ a.+ Ɛhye mɔ a le bɛ azuamgbole nee bɛ namunamu ne mɔ a.
17 Bɛguale ma mɔɔ tɔ zo nna+ la bɛmaanle Yesakaa+ abozoamra na bɛhyɛle bɛmaanle bɛ mbusua ne mɔ.
18 Bɛ ɛweɛne ne pɛ nu Gyɛzeɛle,+ Kɛsɛlɔto, Hyunɛm,+
19 Hafalaem, Hyayɔn, Aneehalate,
20 Relabete, Kehyeɔn, Yibɛze,
21 Relimɛte, Ɛn-ganem,+ Ɛn-hada yɛɛ Bɛte-pazɛɛze.
22 Ɛweɛne ne kɔdwu Teebɔ+ nee Hyeehazuma yɛɛ Bɛte-hyimɛhye na ɔkɔgua Dwɔdan ne anloa—azuamgbole 16 nee bɛ namunamu.
23 Ɛhye a le Yesakaa abusua ne agyapadeɛ mɔɔ bɛhyɛle bɛmaanle bɛ mbusua ne mɔ a,+ azuamgbole nee bɛ namunamu ne mɔ.
24 Akee bɛguale ma mɔɔ tɔ zo nnu+ la bɛmaanle Ahya+ abusua ne na bɛhyɛle bɛmaanle bɛ mbusua ne mɔ.
25 Bɛ ɛweɛne ne a le Hɛlekate,+ Heelae, Bitɛn, Akehyafe,
26 Alamɛlɛke, Emade yɛɛ Maehyale. Ɔkɔfa adɔleɛ ɔkɔ Kamɛle+ na ɔkɔdwu Hyaehɔ-lebenate,
27 na ɔsia ɔbafa aduduleɛ ɔkɔ Bɛte-deegɔn na ɔtoa zo ɔkɔ Zɛbulɛn nee Yefeta-ɛle bɔnza ne anu ɔkɔ sɔlɔ, ɔfa Bɛte-mɛke nee Niyayɛle na ɔtoa zo ɔkɔ Keebulu wɔ bɛne zo,
28 na ɔkɔ Yibolɔn, Rilihɔbo, Hamɔn yɛɛ Kanaa too ɔkɔdwu Saedɛn Kpole.+
29 Ɛweɛne ne sia kɔfa Releema too ɔkɔ Taya+ suakpole ne mɔɔ bɛlie nwolɛ bane la azo. Akee ɛweɛne ne sia kɔfa Hosa na ɔkɔgua nyevile ne mɔɔ wɔ Akezebe maanzinli ne anu la anloa,
30 Ɔma, Efɛke+ yɛɛ Rilihɔbo+—azuamgbole 22 nee bɛ namunamu.
31 Ɛhye a le Ahya abusua ne agyapadeɛ mɔɔ bɛhyɛle bɛmaanle bɛ mbusua ne mɔ a.+ Ɛhye mɔ a le bɛ azuamgbole nee bɛ namunamu ne mɔ a.
32 Bɛguale ma mɔɔ tɔ zo nsia+ la bɛmaanle Nafetalae abozoamra na bɛhyɛle bɛmaanle bɛ mbusua ne mɔ.
33 Bɛ ɛweɛne ne bɔ ɔ bo wɔ Hilɛfe, ɔvi baka kpole ne mɔɔ wɔ Zeeyananem+ la anwo, ɔkɔ Adamae-nikɛbe nee Gyabeneɛle too ɔkɔ Lakɛm na ɔkɔgua Dwɔdan ne anloa.
34 Ɛweɛne ne sia kɔfa adɔleɛ kɔ Azeno-teebɔ na ɔvi ɛkɛ ne ɔtoa zo ɔkɔ Hɔkɔko ɔkɔdwu Zɛbulɛn wɔ nyiakɛ na ɔpɛ nu Ahya wɔ adɔleɛ na ɔfinde Dwuda wɔ Dwɔdan ne aduduleɛ.
35 Azuamgbole mɔɔ bɛlie nwolɛ bane la a le Zedem, Zɛɛ, Hamate,+ Relakate, Kyenɛlɛte,
36 Adama, Releema, Heezɔ,+
37 Kidɛhye,+ Ɛdelɛyae, Ɛn-heezɔ,
38 Yaelɔn, Megedal-ɛle, Hɔlɛm, Bɛte-enate yɛɛ Bɛte-hyimɛhye+—azuamgbole 19 nee bɛ namunamu.
39 Ɛhye a le Nafetalae abusua ne agyapadeɛ mɔɔ bɛhyɛle bɛmaanle bɛ mbusua ne mɔ a,+ azuamgbole nee bɛ namunamu ne mɔ.
40 Bɛguale ma mɔɔ tɔ zo nsuu+ la bɛmaanle Dan+ abusua ne na bɛhyɛle bɛmaanle bɛ mbusua ne mɔ.
41 Bɛ agyapadeɛ ne ɛweɛne ne a le Zola,+ Ɛhyetayɔlo, Ye-hyimɛhye,
42 Hyeeyalaben,+ Ayegyalɔn,+ Yetelaa,
43 Yilɔn, Temenaa,+ Ɛkelɔn,+
44 Ɛletɛki, Gebɛtɔn,+ Beeyalate,
45 Gyihɛde, Bɛnee-bilake, Gate-relemɔn,+
46 Mee-gyaakɔn yɛɛ Relakɔn, ɛweɛne ne nee Dwɔpa+ anye bɔ zo.
47 Noko ɛnee Dan abusua ne azɛlɛ ne le ekyi maa bɛ.+ Yemɔti bɛhɔhonle bɛvale Lihyɛm+ na bɛvale konle dadeɛ bɛhunle bɛ. Akee bɛvale bɛ azɛlɛ ne na bɛdɛnlanle zolɛ, na bɛvale bɛ nenyia Dan duma bɛdonle Lihyɛm.+
48 Ɛhye a le Dan abusua ne agyapadeɛ mɔɔ bɛhyɛle bɛmaanle bɛ mbusua ne mɔ a. Ɛhye mɔ a le bɛ azuamgbole nee bɛ namunamu ne mɔ a.
49 Ɔti bɛwiele azɛlɛ ne kyɛ maa mbusua ne mɔ kɛ bɛ agyapadeɛ. Akee Yizilayɛma maanle Nɛn ara Dwɔhyua agyapadeɛ wɔ bɛ avinli.
50 Kɛ mɔɔ Gyihova hanle la, bɛvale suakpole Temenate-silaa+ mɔɔ ɔbizale la bɛmaanle ye wɔ Yifelaem awoka zo, na ɔkyekyele suakpole ne na ɔdɛnlanle zolɛ.
51 Ɛhye mɔ a le agyapadeɛ mɔɔ ɛsɔfo Ɛlieza, Nɛn ara Dwɔhyua yɛɛ Yizilayɛ mbusua mgbanyima guale nwolɛ ma+ wɔ Hyaelo+ hyɛle maanle bɛ, wɔ Gyihova anyunlu, wɔ nyianu ɛdanlɛsua ne anuhɔlɛ a.+ Yemɔti bɛhyɛle azɛlɛ ne bɛwiele.
