Dwɔhyua 20:1-9
-
Ɛvealeka azuamgbole (1-9)
20 Akee Gyihova zele Dwɔhyua kɛ:
2 “Ka kile Yizilayɛma kɛ, ‘Bɛye ɛvealeka azuamgbole+ bɛzie ɛkɛ, kɛ mɔɔ menluale Mosisi anwo zo menganle mengilele bɛ la,
3 amaa awie mɔɔ anye ɛnla nwo anzɛɛ yeannwu ye na ɔkɛhu sonla* la anriandi ahɔ ɛkɛ. Na bɛbayɛ ɛvealeka bɛamaa bɛ wɔ ahenle mɔɔ di mogya nwo nzenralɛ la asa anu.+
4 Ɔwɔ kɛ ɔnriandi ɔkɔ azuamgbole ɛhye mɔ ko azo+ na ɔkɔgyinla suakpole ne anlenkɛ kpole ne anloa+ na ɔka ye edwɛkɛ ne ɔkile mgbanyima mɔɔ wɔ zɔhane sua ne azo la. Akee bɛbalie ye wɔ sua ne azo na bɛamaa ye ɛleka bɛamaa ɔ nee bɛ adɛnla.
5 Saa ahenle mɔɔ di mogya nwo nzenralɛ la toa ye a, ɔnle kɛ bɛye ahenle mɔɔ hunle sonla ne la bɛmaa ye, ɔluakɛ ɔ nye ɛnla nwo a ɔhunle ye a yɛɛ ɛnee ɔmkpɔ ye dɛba.+
6 Ɔbadɛnla zɔhane sua ne azo kɔkpula kɛ ɔbagyinla menli ne anyunlu yeamaa bɛali ye edwɛkɛ+ na yeadɛnla ɛkɛ ne kɔkpula kɛ ɛsɔfo kpanyinli ne mɔɔ ɛlɛsonle wɔ zɔhane mekɛ ne la kɛwu la.+ Akee ahenle mɔɔ hunle sonla ne la bahola azia ahɔ sua ne mɔɔ ɔnriandile ɔvile zolɛ la azo na yeahɔ sua nu.’”+
7 Ɔti bɛdele azua ɛhye mɔ anwo:* Kidɛhye+ mɔɔ wɔ Galeli wɔ Nafetalae awoka zo, Hyikɛm+ mɔɔ wɔ Yifelaem awoka zo yɛɛ Keleate-aaba,+ mɔɔ le Hibulɔn mɔɔ wɔ Dwuda awoka zo la.
8 Wɔ Dwɔdan maanzinli nu wɔ Gyɛleko aduduleɛ, bɛyele Bizɛ+ mɔɔ wɔ fienemgbole ne anu boka azo sɛsɛ ne azo la bɛvile Wulubɛn abusua nu, bɛyele Releemɔto+ mɔɔ wɔ Geleade la bɛvile Gaade abusua nu yɛɛ bɛyele Golan+ mɔɔ wɔ Beehyan la bɛvile Manasɛ abusua nu.+
9 Azuamgbole ɛhye mɔ a bɛyele bɛziele ɛkɛ bɛmaanle Yizilayɛma amuala nee nyɛvolɛ mɔɔ nee bɛ de la a, amaa awie mɔɔ anye ɛnla nwo na ɔkɛhu sonla la ahola anriandi ahɔ ɛkɛ+ amaa ahenle mɔɔ di mogya nwo nzenralɛ la angu ye kolaa na yeagyinla menli ne anyunlu yeamaa bɛali ye edwɛkɛ.+
