Dwɔhyua 21:1-45
21 Akee Livae mbusua mgbanyima hɔle ɛsɔfo Ɛlieza,+ Nɛn ara Dwɔhyua yɛɛ Yizilayɛ mbusua mgbanyima ne mɔ ɛkɛ,
2 na bɛhanle bɛhilele bɛ wɔ Hyaelo+ wɔ Keena azɛlɛ zo kɛ: “Gyihova luale Mosisi anwo zo hanle kɛ bɛmaa yɛ azuamgbole mɔɔ yɛbadɛnla zolɛ nee nwolɛ ɛleka mɔɔ yɛ nyɛmoa badidi a.”+
3 Ɔti Yizilayɛma yele azuamgbole ɛhye mɔ nee nwolɛ adidileka ne mɔ vile bɛ agyapadeɛ nu maanle Livaema+ kɛ mɔɔ Gyihova hanle la.
4 Bɛguale ma* bɛmaanle Kohate+ mbusua ne mɔ, na bɛyele azuamgbole 13 bɛvile Dwuda+ abusua nu, Semɛyɔn+ abusua nu yɛɛ Bɛngyaman+ abusua nu bɛmaanle Livaema mɔɔ bɛle ɛsɔfo Aalɔn abozoamra la.
5 Kohatema mɔɔ ɛha la, bɛyele azuamgbole bulu bɛvile Yifelaem,+ Dan nee Manasɛ abusua foa ko+ ne mbusua ne mɔ anu bɛmaanle bɛ.
6 Gɛhyɔnoma+ noko, bɛyele azuamgbole 13 bɛvile Yesakaa abusua nu, Ahya abusua nu, Nafetalae abusua nu yɛɛ Manasɛ abusua foa ko ne mɔɔ wɔ Beehyan+ la anu bɛmaanle bɛ.
7 Mɛlɛlae+ mbusua ne mɔ noko, bɛyele azuamgbole 12 bɛvile Wulubɛn abusua nu, Gaade abusua nu, yɛɛ Zɛbulɛn+ abusua nu bɛmaanle bɛ.
8 Ɔti Yizilayɛma guale ma na bɛyele azuamgbole ɛhye mɔ nee nwolɛ adidileka ne mɔ bɛmaanle Livaema kɛ mɔɔ Gyihova luale Mosisi anwo zo hanle la.+
9 Ɔti bɛyele azuamgbole ɛhye mɔ mɔɔ bɛbobɔ bɛ aluma wɔ ɛke la bɛvile Dwuda abusua ne nee Semɛyɔn abusua nu+
10 bɛmaanle Livaema mɔɔ bɛvi Kohate abusua nu na bɛle Aalɔn abozoamra la ɔluakɛ bɛdabɛ a bɛguale ma mɔɔ limoa la bɛmaanle bɛ a.
11 Bɛvale Keleate-aaba,+ mɔɔ le Hibulɔn,+ (Enake papa a le Aaba) mɔɔ wɔ Dwuda awoka ne mɔ azo la nee nwolɛ adidileka bɛmaanle bɛ.
12 Noko bɛvale azɛlɛ mɔɔ la suakpole ne anwo nee ye namunamu ne mɔ bɛmaanle Gyɛfɛna ara Keelɛbe kɛ ye agyapadeɛ.+
13 Bɛvale ɛvealeka suakpole Hibulɔn,+ mɔɔ awie mɔɔ kɛhu sonla la nriandi kɔ zo la+ nee nwolɛ adidileka bɛmaanle ɛsɔfo Aalɔn abozoamra ne mɔ, yɛɛ akee Lebena+ nee nwolɛ adidileka,
14 Gyatɛ+ nee nwolɛ adidileka, Ɛhyetɛmowa+ nee nwolɛ adidileka,
15 Hɔlɔn+ nee nwolɛ adidileka, Dibɛ+ nee nwolɛ adidileka,
16 Eyen+ nee nwolɛ adidileka, Gyɛta+ nee nwolɛ adidileka yɛɛ Bɛte-hyimɛhye nee nwolɛ adidileka—bɛyele azuamgbole ngɔnla ɛhye mɔ bɛvile mbusua nwiɔ ɛhye mɔ anu.
17 Bɛngyaman abusua nu: Gebɛyɔn+ nee nwolɛ adidileka, Giba nee nwolɛ adidileka,+
18 Anatɔto+ nee nwolɛ adidileka yɛɛ Alemɔn nee nwolɛ adidileka—azuamgbole nna.
19 Azuamgbole kɔsɔɔti mɔɔ bɛvale bɛmaanle Aalɔn abozoamra ɛsɔfo ne mɔ la le 13 nee nwolɛ adidileka.+
20 Kohate mbusua ne mɔ mɔɔ ɛha wɔ Livaema avinli la, bɛguale ma na bɛyele azuamgbole bɛvile Yifelaem abusua nu bɛmaanle bɛ.
21 Bɛmaanle bɛ ɛvealeka suakpole Hyikɛm+ mɔɔ wɔ Yifelaem awoka ne mɔ azo, mɔɔ awie mɔɔ kɛhu sonla la nriandi kɔ zo la+ nee nwolɛ adidileka, Gizɛ+ nee nwolɛ adidileka,
22 Kibezeeyem nee nwolɛ adidileka yɛɛ Bɛte-hɔlɔn+ nee nwolɛ adidileka—azuamgbole nna.
23 Dan abusua nu: Ɛletɛki nee nwolɛ adidileka, Gebɛtɔn nee nwolɛ adidileka,
24 Ayegyalɔn+ nee nwolɛ adidileka, Gate-relemɔn nee nwolɛ adidileka—azuamgbole nna.
25 Manasɛ abusua foa ko ne anu: Teeyanake+ nee nwolɛ adidileka yɛɛ Gate-relemɔn nee nwolɛ adidileka—azuamgbole nwiɔ.
26 Azuamgbole kɔsɔɔti nee nwolɛ adidileka mɔɔ Kohate mbusua ne mɔ mɔɔ ɛha la nyianle la le bulu.
27 Livaema mɔɔ bɛvi Gɛhyɔn+ abusua nu la, Manasɛ abusua foa ko ne maanle bɛ ɛvealeka suakpole Golan+ mɔɔ wɔ Beehyan, mɔɔ awie mɔɔ kɛhu sonla la nriandi kɔ zo la nee nwolɛ adidileka yɛɛ Bɛɛhyetɛla nee nwolɛ adidileka—azuamgbole nwiɔ.
28 Yesakaa abusua nu:+ Kehyeɔn nee nwolɛ adidileka, Dabɛlate+ nee nwolɛ adidileka,
29 Gyaamɔto nee nwolɛ adidileka yɛɛ Ɛn-ganem nee nwolɛ adidileka—azuamgbole nna.
30 Ahya abusua nu:+ Maehyale nee nwolɛ adidileka, Abedɔn nee nwolɛ adidileka,
31 Hɛlekate+ nee nwolɛ adidileka yɛɛ Rilihɔbo+ nee nwolɛ adidileka—azuamgbole nna.
32 Nafetalae abusua nu: ɛvealeka suakpole+ Kidɛhye+ mɔɔ wɔ Galeli, mɔɔ awie mɔɔ kɛhu sonla la nriandi kɔ zo la nee nwolɛ adidileka, Hamɔto-dɔɔ nee nwolɛ adidileka yɛɛ Kaatan nee nwolɛ adidileka—azuamgbole nsa.
33 Azuamgbole kɔsɔɔti mɔɔ Gɛhyɔn mbusua ne mɔ nyianle la le azuamgbole 13 nee nwolɛ adidileka.
34 Livaema mɔɔ ɛha, mɔɔ le Mɛlɛlae mbusua ne mɔ+ la, Zɛbulɛn abusua ne+ maanle bɛ Dwɔkenɛyam+ nee nwolɛ adidileka, Kaata nee nwolɛ adidileka,
35 Demena nee nwolɛ adidileka yɛɛ Nahalɛle+ nee nwolɛ adidileka—azuamgbole nna.
36 Wulubɛn abusua nu: Bizɛ+ nee nwolɛ adidileka, Gyeehaze nee nwolɛ adidileka,+
37 Kidɛmɔto nee nwolɛ adidileka yɛɛ Mɛfeeyate nee nwolɛ adidileka—azuamgbole nna.
38 Gaade abusua nu:+ ɛvealeka suakpole Releemɔto mɔɔ wɔ Geleade+ mɔɔ awie mɔɔ kɛhu sonla la nriandi kɔ zo la nee nwolɛ adidileka, Meehaneeyem+ nee nwolɛ adidileka,
39 Hɛhyebɔn+ nee nwolɛ adidileka yɛɛ Gyeezɛ+ nee nwolɛ adidileka—azuamgbole nna.
40 Azuamgbole kɔsɔɔti mɔɔ bɛvale bɛmaanle Livaema mɔɔ ɛha, mɔɔ le Mɛlɛlae mbusua ne mɔ la, le azuamgbole 12.
41 Azuamgbole kɔsɔɔti mɔɔ Livaema nyianle wɔ Yizilayɛma azɛlɛ zo la le 48 nee nwolɛ adidileka.+
42 Ɛnee adidileka wɔ azuamgbole ɛhye mɔ ko biala anwo—ɛnee zɔhane a ɔde wɔ azuamgbole ne mɔ amuala azo a.
43 Ɔti Gyihova vale azɛlɛ ne mɔɔ ɔhanle ndane kɛ ɔbava yeamaa bɛ nenyia mɔ+ la maanle Yizilayɛma, na bɛvale bɛyɛle bɛ ɛdeɛ na bɛdɛnlanle zolɛ.+
44 Eza Gyihova maanle bɛ nzo nu dwole bɛ bɔkɔɔ kɛ mɔɔ ɔhanle nwolɛ ndane ɔhilele bɛ nenyia mɔ la,+ na bɛ kpɔvolɛma anu ko bɔbɔ angola angyinla bɛ nyunlu.+ Gyihova vale bɛ kpɔvolɛma kɔsɔɔti wulale bɛ sa nu.+
45 Ninyɛne mgbalɛ kɔsɔɔti mɔɔ Gyihova vale bɔle Yizilayɛma ɛwɔkɛ la anu* ko bɔbɔ anga nu; ɔ muala rale nu.+
