Dwowɛle 3:1-21
3 “Ɔluakɛ nea! kenle zɔhane nee mekɛ zɔhane,Mɔɔ mebava Dwudama nee Gyɛlusalɛmma mɔɔ bɛwɔ akɛlɛzonlenlɛ nu meazia meara la,+
2 Eza mebaboɔboa maanle maanle kɔsɔɔti anloaNa meava bɛ meara Gyɛhɔhyafate* Bɔnza ne anu.
Mebabua bɛ ndɛne wɔ ɛkɛ+Ɔlua me menli ne nee me agyapadeɛ Yizilayɛ ati,Ɔluakɛ bɛbɔle bɛ asande wɔ maanle maanle ne anu,Na bɛhyɛle me azɛlɛ ne bɛvale.+
3 Ɔluakɛ bɛguale me menli ne ati ma;*+Bɛfa kakula nrenyia bɛmaa bɛdie tuutuunliYɛɛ bɛtɔne kakula raalɛ bɛtɔ nwanye bɛno.
4 O Taya nee Saedɛn yɛɛ Filisitia maanzinli ne mɔ amuala,Duzu a bɛdabɛ noko bɛlɛ bɛtia me a?
Bɛlɛtua me kakɛ wɔ debie bie anwo ɔ?
Saa bɛlɛtua me kakɛ a,Ɛnee mebayɛ ye ndɛ meadua bɛ kakɛ wɔ mɔɔ bɛyɛ la anwo.+
5 Ɔluakɛ bɛva me dwɛtɛ fufule nee nvutuke,+Yɛɛ bɛva me ninyɛne ngɛnlɛma mɔɔ sonle bolɛ la bɛhɔ bɛ ɛzonlenlɛsua ne mɔ anu;
6 Eza bɛdɔne Dwudama nee Gyɛlusalɛmma bɛmaa Gilikima,+Amaa bɛaye bɛ bɛavi bɛ azɛlɛ ne azo bɛahɔ moamoa;
7 Mebamaa bɛazia bɛavi ɛleka mɔɔ bɛdɔnenle bɛ bɛhɔle la bɛara,+Na meava mɔɔ bɛvale bɛyɛle bɛ la bie meayɛ bɛ.
8 Mebadɔne bɛ mra mrenyia nee bɛ mra mraalɛ meamaa Dwudama,+Na bɛdabɛ noko bɛadɔne bɛ bɛamaa Hyibama, maanle bie mɔɔ wɔ moamoa la;Gyihova mumua ne a ɛha a.
9 Bɛbɔ ɛhye nolo wɔ maanle maanle ne mɔ avinli:+
‘Bɛziezie bɛ nwo* bɛmaa konle! Bɛmaa katakyiema ɛdwazo!
Bɛmaa ɛlɔnema ne amuala ɛhɔ bɛ nyunlu na bɛteta bɛ!+
10 Bɛbolo bɛ funduazɛlɛ ne mɔ bɛyɛ konle dadeɛ, na bɛbolo bɛ ɛyazonlɛ mbulalɛ ne mɔ bɛyɛ atwɛ.
Bɛmaa mɔɔ ɛnlɛ anwosesebɛ la ɛha kɛ: “Me nwo yɛ se.”
11 Bɛrɛla na bɛboa bɛ nwo ngoko, maanle maanle mɔɔ ɛbɔ ɛyia la kɔsɔɔti, bɛboɔboa bɛ nloa!’”+
O Gyihova, maa wɔ ɛlɔnema* ɛrɛla ɛleka ɛhye.
12 “Maa maanle maanle ne mɔ ɛboɔboa bɛ nloa na bɛrɛla Gyɛhɔhyafate Bɔnza ne anu;Ɔluakɛ ɛkɛ ne a mebadɛnla amaa meabua maanle maanle mɔɔ zuozua bɛ la kɔsɔɔti ndɛne a.+
13 Bɛva bɛ ɛdedadeɛ ne ɔluakɛ ma ne ɛbolo.
Bɛrɛla na bɛratietia zo, ɔluakɛ kuma ne mɔɔ bɛtwihwi nwanye wɔ nu la ɛyi.+
Ninyɛne mɔɔ bɛtwihwi nwanye bɛgua nu la ɛyiyi ɛbulu zo, ɔluakɛ bɛ ɛtane ɛzo.
14 Menli dɔɔnwo, menli dɔɔnwo wɔ ndɛnebualɛ bɔnza ne anu,Ɔluakɛ Gyihova kenle ne ɛbikye wɔ ndɛnebualɛ bɔnza ne anu.+
15 Sɛnzɛne ne nee siane ne bayɛ awozinli,Yɛɛ nwɔlɔra ne mɔ ɛnrɛda bieko.
16 Na Gyihova bahulu wɔ Zayɔn,Ɔbamaa ɔ ne zo wɔ Gyɛlusalɛm.
Na anwuma nee aze* bakpusu;Noko Gyihova bayɛ ɛvealeka amaa ye menli ne,+Ɔbayɛ aranemgbole yeamaa Yizilayɛma.
17 Na bɛbanwu kɛ medame a mele Gyihova bɛ Nyamenle ne, mɔɔ mede Zayɔn, me boka nwuanzanwuanza ne azo a.+
Gyɛlusalɛm bayɛ ɛleka nwuanzanwuanza,+Na nyɛvolɛ ɛnrɛpɛ nu wɔ ɛkɛ ne bieko.+
18 Kenle zɔhane nwanye menlemenle bavi awoka ne mɔ azo azonyi agua,+Meleke bazonyi awoka ngyikyi zo,Na nzule baze wɔ Dwuda azudenle kɔsɔɔti anu.
Nzubula vi Gyihova sua ne anu bazenze,+Na yealoɔloa Akasea Mbaka Bɔnza ne anu.*
19 Noko Yigyibiti badɔ mgbane,+Yɛɛ Yidɔm bayɛ fienemgbole mɔɔ ɛdɔ mgbane,+Ɔlua amumuyɛ mɔɔ bɛyɛle Dwudama,+Mɔɔ bɛ azɛlɛ zo a bɛhanle menli mɔɔ ɛnze nwolɛ bie mogya bɛguale la.+
20 Noko menli badɛnla Dwuda dahuu,Yɛɛ menli noko badɛnla Gyɛlusalɛm wɔ awolɛndoazo kɔsɔɔti anu.+
21 Mebava mogya nwo fɔlɛ mɔɔ bɛlile la meahyɛ bɛ;+Na Gyihova badɛnla Zayɔn.”+
Ɔbodwɛkɛ
^ Ɔ bo kile “Gyihova Le Ndɛnebuavolɛ.”
^ Nea Edwɛkɛbohilelɛ.
^ Hibulu aneɛ nu, “Bɛde bɛ nwo.”
^ Anzɛɛ “wɔ anwosesebɛma.”
^ Anzɛɛ “azɛlɛ.”
^ Anzɛɛ “Azudenle ne anloa.”
