Edwɛne 1:1-6
1 Anyelielɛ a le sonla ne mɔɔ ɛnli amumuyɛma folɛdulɛ nzi,Na ɔngyinla ɛtanevolɛma adenle nu,+Na ɔndɛnla agolobɛnwoma ebia zo la.+
2 Emomu ɔ nye die Gyihova mɛla ne anwo,+Na ɔkenga Ye mɛla ne na ɔdwenledwenle nwolɛ alehyenlɛ nee aledwolɛ.+
3 Ɔbayɛ kɛ baka mɔɔ bɛlua ye wɔ azudenle nloa,Baka mɔɔ so ma wɔ ye mekɛ nloa la,Ye nya ɛmkpolo.
Na debie biala mɔɔ ɔyɛ la bawie boɛ.+
4 Amumuyɛma ɛnle zɔ;Bɛle kɛ abonle mɔɔ anwoma bɔ ye kɔ la.
5 Ɛhye ati a bɛbabua amumuyɛma fɔlɛ* wɔ ndɛnebualɛ ne anu la;+Na bɛnrɛnwu ɛtanevolɛma wɔ tenlenema mɔɔ ɛyia la avinli.+
6 Ɔluakɛ Gyihova ze tenlenema adenle,+Noko amumuyɛma adenle ɛdeɛ ne baminli.+
Ɔbodwɛkɛ
^ Hibulu aneɛ nu, “ɛnrɛhola gyinla.”
