Edwɛne 11:1-7
Kɔmaa edwɛndolɛma kpanyinli ne. Devidi edwɛne.
11 Gyihova anu a menriandi mefea a.+
Ɔti kɛ ɔyɛ mɔɔ ɛka ɛkile me* kɛ:
“Tu* kɛ aloma la kɔ boka zo ɛ!
2 Nea kɛ amumuyɛma ɛkpo bɛ ɛda ne mɔ ɛ;Bɛzua bɛ ɛda ne mɔ,Kɛ bɛfea awozinli nu bɛado bɛawɔ ahonlekpalɛma.
3 Saa bɛbubu adiabo* ne mɔ bɛgua a,Duzu a tenlenema kɛhola kɛyɛ a?”
4 Gyihova wɔ ye ɛzonlenlɛsua nwuanzanwuanza ne anu.+
Gyihova belemgbunli ebia ne wɔ anwuma.+
Ɔ nye nwu debie biala, ɔgua ɔ nye aze ɔneɛnlea alesama kɔsɔɔti anu.+
5 Gyihova neɛnlea tenlenenli nee amumuyɛnli anu;+Ɔkyi* awie biala mɔɔ kulo basabasayɛlɛ la.+
6 Ɔbamaa ngane* adɔ kɛ ezule la agua amumuyɛma ati zo;Senle nee sɔlefa+ yɛɛ anwoma wuluwulu a bayi bɛ kanrɛlɛ a.
7 Ɔluakɛ Gyihova le tenlene;+ ɔkulo tenlene nyɛleɛ.+
Ahonlekpalɛma banwu ɔ nyunlu.*+
Ɔbodwɛkɛ
^ Anzɛɛ “me ɛkɛla.”
^ Hibulu aneɛ nu, “Nriandi.”
^ Anzɛɛ “pɛlepɛlelilɛ adiabo.”
^ Anzɛɛ “Ye ɛkɛla kyi; Ɔdaye mumua ne ɔkyi.”
^ Anzɛɛ ɔkola ɔkile, “senle samɛnlankɛ.”
^ Anzɛɛ “banyia ɔ nyunlu ɛlolɛ.”
