Edwɛne 112:1-10
112 Bɛye Gyaa* ayɛlɛ!+
א [Aleph]
Anyelielɛ a le sonla ne mɔɔ sulo Gyihova,+ב [Beth]Na ɔ nye die ye mɛla ne mɔ anwo kpalɛ la.+
ג [Gimel]
2 Ɔ bo zo amra banyia tumi kpole wɔ azɛlɛ ye azo,ד [Daleth]Na bɛbayila awolɛndoazo mɔɔ bɛle tenlenema la.+
ה [He]
3 Anwonyia nee ninyɛne mɔɔ sonle bolɛ la wɔ ye sua nu,ו [Waw]Na ye tenleneyɛlɛ ne wɔ ɛkɛ ne dahuu.
ז [Zayin]
4 Ɔta kɛ kɛnlaneɛ wɔ awozinli nu ɔmaa tenlenema.+
ח [Heth]
Ɔ kunlu yelɛyela ye* na ɔse anwunvɔne+ yɛɛ ɔle tenlenenli.
ט [Teth]
5 Ɔwie sonla mɔɔ fi ye ɛhulolɛ* nu bɔ bosea la boɛ.+
י [Yod]
Ɔdi pɛlepɛle wɔ ye debie biala anu.
כ [Kaph]
6 Bɛnrɛhola ɔ bo tu ɛlɛ.+
ל [Lamed]
Bɛbahakye tenlenenli dahuu.+
מ [Mem]
7 Ɔnrɛzulo amaneɛ ɛtane.+
נ [Nun]
Ye ahonle gyi ye kpundii, ɔlɛ anwodozo wɔ Gyihova anu.+
ס [Samekh]
8 Ye ahonle gyi ye kpundii; ɔnzulo;+ע [Ayin]Awieleɛ bɔkɔɔ ne, ɔbava anyelielɛ yeanlea ye kpɔvolɛma mɔɔ bɛli bɛ nwo zo konim la.+
פ [Pe]
9 Yehyɛ ninyɛne dɔɔnwo;* yeva yemaa ehyiavolɛma.+
צ [Tsade]
Ye tenleneyɛlɛ ne wɔ ɛkɛ ne dahuu.+
ק [Qoph]
Bɛbakpogya ye anwosesebɛ* ne zo wɔ anyunlunyia nu.
ר [Resh]
10 Amumuyɛnli banwu ye na yeava ɛya.
ש [Shin]
Ɔbali nyane* na ɔ bo zo aminli.
ת [Taw]
Amumuyɛnli atiakunluwɔzo baminli.+
Ɔbodwɛkɛ
^ Anzɛɛ “Hallelujah!” “Gyaa” le Gyihova duma ne mɔɔ bɛpɛ ye sinli.
^ Anzɛɛ “Ɔle dovolɛ.”
^ Anzɛɛ “atiakunlukɛnlɛma.”
^ Anzɛɛ “wɔ atiakunlukɛnlɛmayɛlɛ nu.”
^ Anzɛɛ “mɛne.”
^ Hibulu aneɛ nu, “Ɔbahwi ɔ gye.”
