Edwɛne 132:1-18
Anwumavolɛ Edwɛne.
132 O Gyihova, kakye DevidiNee ye amaneɛnwunlɛ kɔsɔɔti;+
2 Kɛzi ɔhanle Gyihova ndane,Kɛzi ɔhanle Gyekɔbo Tumivolɛ Ko ne ndane kɛ:+
3 “Menrɛwolo me sua ne anu.+
Menrɛla me ɛkpa ne azo;
4 MenrɛlafeAnzɛɛ menrɛmuomua me nye bɔbɔ
5 Kɔkpula kɛ mebanyia ɛleka meamaa Gyihova,Tɛnlabelɛ kɛnlɛma* meamaa Gyekɔbo Tumivolɛ Ko ne la.”+
6 Nea! Yɛdele nwolɛ edwɛkɛ wɔ Ɛfelata;+Yɛnwunle ye wɔ ɛhoayelɛ ne anu.+
7 Bɛmaa yɛhɔ ye tɛnlabelɛ ɛkɛ ne;*+Bɛmaa yɛhoto ɔ gyakɛ abo ebia ne anyunlu.+
8 O Gyihova, dwazo bɛla wɔ ɛnwomenlelielɛ ɛleka ne,+Ɛdawɔ nee wɔ anwosesebɛ Ɛlɛka ne.+
9 Maa wɔ ɛsɔfoma ne ɛheda tenleneyɛlɛ,Na maa wɔ nɔhavoma ɛva anyelielɛ ɛdeɛdea nu.
10 Wɔ sonvolɛ Devidi ati,Mmakpo* mɔɔ wɔkpokpa ye la.+
11 Gyihova ɛha Devidi ndane;Na ɔnrɛhwe ɔnrɛzia ɛlɛ:
“Mebava ɛ bo zo amra ne mɔ ko,*Meazie wɔ belemgbunli ebia ne azo.+
12 Saa ɛ mra ne mɔ di me ngyekyeleɛNee me ngakyelɛ ne mɔ mɔɔ mekilehile bɛ la azo a,+Bɛdabɛ noko bɛ mraBɛadɛnla wɔ belemgbunli ebia ne azo dahuu.”+
13 Ɔluakɛ Gyihova ɛkpa nu ɛye Zayɔn;+Ɔkulo kɛ ɔfa ɔyɛ ye tɛnlabelɛ:+
14 “Ɛhye le me ɛnwomenlelielɛ ɛleka dahuu;Ɛke a mebadɛnla a,+ ɔluakɛ ɛhye a mekulo a.
15 Mebamaa yeanyia aleɛ dɔɔnwo;Mebamaa ye ehyiavolɛma anyia aleɛ ali bɛ ko ayi.+
16 Mebava ngoanelielɛ meaheda ye ɛsɔfoma ne,+Na ye nɔhavoma ava anyelielɛ adeɛdea nu.+
17 Ɛkɛ ne a mebamaa Devidi anwosesebɛ* ne ayɛ kpole a.
Meyɛ kɛnlaneɛ memaa mɔɔ mekpokpa ye la.+
18 Mebava anyiemgba meaheda ye kpɔvolɛma,Noko ye belemgbunlililɛ ne bakpazi.”*+
Ɔbodwɛkɛ
^ Anzɛɛ “Ɛzonlenlɛsua kpole.”
^ Anzɛɛ “ye ɛzonlenlɛsua kpole ne anu.”
^ Hibulu aneɛ nu, “Mmakakyi ɛ nzi ɛsi.”
^ Hibulu aneɛ nu, “ɛ kunlu ralɛ.”
^ Hibulu aneɛ nu, “mɛne.”
^ Hibulu aneɛ nu, “ɔ ti zo belemgbunli kyɛlɛ ne bakpazi.”
