Edwɛne 138:1-8
Devidi edwɛne.
138 Mebava me ahonle kɔsɔɔti meaye wɔ ayɛlɛ.+
Mebado ayɛlɛyelɛ edwɛne meamaa wɔ,Wɔ nyamenle gyɛne ne mɔ anyunlu.*
2 Mebahoto* meava me nye meahile wɔ ɛzonlenlɛsua nwuanzanwuanza ne,+Na mebahanvo wɔ duma ne+Ɔlua wɔ ɛlɔlɛ kpundii ne nee wɔ nɔhalɛlilɛ ne ati.
Ɔluakɛ wɔkpogya wɔ edwɛkɛ ne nee wɔ duma ne zo wɔdɛla debie biala.*
3 Kenle mɔɔ menvɛlɛle la, ɛliele me zo;+Ɛmaanle me akɛnrazilɛ nee anwosesebɛ.+
4 O Gyihova, azɛlɛ ye azo arelemgbunli kɔsɔɔti baye wɔ ayɛlɛ,+Ɔluakɛ bɛbade ɛwɔkɛ ne mɔ mɔɔ wɔbɔ la.
5 Bɛbado Gyihova ndenle ne mɔ anwo edwɛne,Ɔluakɛ Gyihova anyunlunyia ne le kpole.+
6 Gyihova wɔ anwuma nehane ɛdeɛ, noko ɔmaa ɔ nye kɔ bɛlɛvoma anwo,+Na anwomemaazo sonla ɛdeɛ, ɔnwu ye wɔ moamoa.+
7 Saa melua esiane nu bɔbɔ a, ɛbabɔ me ngoane nwo bane.+
Ɛtenrɛ ɛ sa wɔ me kpɔvolɛma mɔɔ bɛva ɛya la anwo zo;Ɛ sa fema ne balie me.
8 Gyihova bayɛ ninyɛne kɔsɔɔti amaa me.
O Gyihova, wɔ ɛlɔlɛ kpundii ne wɔ ɛkɛ dahuu;+Mmakpo ɛ sa anloa gyima ne mɔ.+
Ɔbodwɛkɛ
^ Anzɛɛ ɔkola ɔkile, “Menrɛbu nyamenle gyɛne ne mɔ, mebabɔ edwɛne meamaa wɔ.”
^ Anzɛɛ “Mebabutu.”
^ Anzɛɛ ɔkola ɔkile, “Wɔkpogya wɔ edwɛkɛ ne zo wɔdɛla wɔ duma ne amuala.”
