Edwɛne 16:1-11
Devidi meketam.*
16 O Nyamenle, bɔ me nwo bane, ɔluakɛ wɔmɔ a menriandi mefea wɔ nu a.+
2 Meha mehile Gyihova kɛ: “Wɔmɔ a ɛle Gyihova, me kpalɛyɛlɛ Ɛvileka a.
3 Yɛɛ nwuanzanwuanzama mɔɔ wɔ azɛlɛ ne azo,Anyunlunyiama ne mɔ maa me nye die kpole.”+
4 Bɛdabɛ mɔɔ bɛdi nyamenle gyɛne nzi la maa bɛ nyanelilɛ ne yɛ dɔɔnwo.+
Menrɛva mogya menrɛbɔ afɔle menrɛmaa bɛ ɛlɛ,Yɛɛ me nloa ɛnrɛbɔ bɛ aluma ɛlɛ.+
5 Gyihova le me kyɛfoa,+ me afoa nu ɛdeɛ nee me kanrɛlɛ.+
Ɛbɔ me agyapadeɛ nwo bane.
6 Bɛzuzu ɛleka kpalɛ bɛmaa me.
Ɛhɛe, me kunlu dwo me agyapadeɛ ne anwo.+
7 Mebaye Gyihova mɔɔ yedu me folɛ la ayɛlɛ.+
Me adwenle* tenrɛdenrɛ me nɔɔzo.+
8 Mefa Gyihova mesie me nyunlu dahuu.+
Kɛmɔ ɔwɔ me sa fema zo la ati, ɛhwee ɛngola me bo tu.+
9 Ɔti me ahonle di fɛlɛko, me sonlabaka* ne amuala anye die.
Na mebadɛnla aze* wɔ banebɔlɛ nu.
10 Ɔluakɛ ɛnrɛgyakyi me* wɔ Nla* ne anu.+
Ɛnrɛmaa wɔ nɔhavo ne ɛnrɛnwu kuma.*+
11 Ɛmaa menwu ngoane adenle ne.+
Anyelielɛ ngome wɔ ɛ nyunlu;+Fɛlɛkolilɛ wɔ ɛ sa fema zo dahuu.
Ɔbodwɛkɛ
^ Nea Edwɛkɛbohilelɛ.
^ Anzɛɛ “Me nganeɛdelɛ mɔɔ vea me nu la.” Hibulu aneɛ nu, “Me kilenzia.”
^ Hibulu aneɛ nu, “me anyunlunyia.”
^ Anzɛɛ “me nwonane badɛnla aze.”
^ Anzɛɛ “ɛnrɛkpo me ɛkɛla.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Anzɛɛ ɔkola ɔkile, “ɛnrɛnwu ɛkpɔlɔlɛ.”
