Edwɛne 24:1-10
-
Anyunlunyia Belemgbunli ne wolo nlenkɛ mgbole ne mɔ anu
-
‘Azɛlɛ ne le Gyihova ɛdeɛ’ (1)
-
Devidi edwɛne. Ayɛlɛyelɛ edwɛne.
24 Azɛlɛ ye nee debie biala mɔɔ wɔ zolɛ la le Gyihova ɛdeɛ,+Ewiade nee menli mɔɔ de nu la amuala le ye ɛdeɛ.
2 Ɔluakɛ yeva yezie nyevile ne mɔ azo boɛ,+Yɛɛ yeva yezie azule ne mɔ azo kpundii.
3 Nwane a kɛhola kɛvo Gyihova boka ne azo a,+Yɛɛ nwane a kɛhola kɛgyinla ye ɛleka nwuanzanwuanza ne a?
4 Awie mɔɔ asa anwo le bɔkɔbɔkɔ na ye ahonle nu te,+Awie mɔɔ ɔtɛfale Me ngoane* ɔtɛkanle adalɛ ndane,Anzɛɛ mɛlɛbɛla ndane la.+
5 Ɔbanyia nyilalɛ yeavi Gyihova ɛkɛ+Na yeanyia tenleneyɛlɛ* yeavi ye ngoanedievolɛ Nyamenle ne ɛkɛ.+
6 Ɛhye mɔ a le bɛdabɛ mɔɔ bɛkpondɛ ye la awolɛndoazo a,Bɛdabɛ mɔɔ bɛkpondɛ ɛ nyunlu ɛlolɛ la, O Gyekɔbo Nyamenle. (Sila)
7 Bɛmɛ nlenkɛ mgbole, bɛmaa bɛ ti zo;+Bɛmɛ tete nlenkɛ, bɛbukebuke,*Amaa anyunlunyia Belemgbunli ne awolo nu!+
8 Nwane a le anyunlunyia Belemgbunli ɛhye a?
Gyihova ɔ, ɔlɛ anwosesebɛ nee tumi,+Gyihova ɔ, ɔle konle nu katakyie.+
9 Bɛmɛ nlenkɛ mgbole, bɛmaa bɛ ti zo;+Bɛmɛ tete nlenkɛ, bɛbukebuke,Amaa anyunlunyia Belemgbunli ne awolo nu!
10 Nwane a le anyunlunyia Belemgbunli ɛhye a?
Ɛlɔne Gyihova ɔ—yemɔ a ɔle anyunlunyia Belemgbunli ne a.+ (Sila)
Ɔbodwɛkɛ
^ Anzɛɛ “Me ɛkɛla,” ɔfale Gyihova ngoane mɔɔ awie fa aha ndane la anwo.
^ Anzɛɛ “pɛlepɛlelilɛ.”
^ Anzɛɛ “bɛdwazo.”
