Edwɛne 32:1-11
Devidi edwɛne. Masekele.*
32 Anyelielɛ a le awie mɔɔ bɛva ye mɛladonlɛ bɛhyɛ ye, na bɛheda ye ɛtane zo* la.+
2 Anyelielɛ a le sonla ne mɔɔ Gyihova ɛmbu ye kɛ ɔdi fɔlɛ,+Na ɔnle mɛlɛbɛla la.
3 Menyɛle koonwu la, me mbowule nu bubule me ɔluakɛ ɛnee medi nyane dahuu.+
4 Alehyenlɛ nee aledwolɛ muala, ɛ sa yɛle ɛlomboɛ wɔ me nwo zo.*+
Me anwosesebɛ* wiele kɛ nzule mɔɔ wawaa ewia ɛmaa yesesa la. (Sila)
5 Akee menganle me ɛtane mengilele wɔ;Meanvea me nvonleɛ zo.+
Menganle kɛ: “Mebaha me mɛladonlɛ ne mɔ meahile Gyihova.”+
Na ɛvale me nvonleɛ nee me ɛtane ne mɔ ɛhyɛle me.+ (Sila)
6 Ɛhye ati a sonla nɔhavo biala bava ye asɔneyɛlɛ ado ɛ nyunlu+Wɔ mekɛ mɔɔ ɔbanwu wɔ la.+
Na azuyilɛ bɔbɔ ɛnrɛbikye ye.
7 Wɔmɔ a ɛle me feabelɛ a;Ɛbabɔ me nwo bane wɔavi anwongyelelɛ nu.+
Ɛbava ngoanelielɛ nu fɛlɛkolilɛ wɔadeɛdea nu wɔabɔ me wɔayia.+ (Sila)
8 “Mebamaa wɔanyia nwunu na meahilehile wɔ adenle mɔɔ ɔwɔ kɛ ɛfa zo la.+
Mebadu wɔ folɛ na meamaa me nye ara ɛ nwo.+
9 Mmayɛ ɛ nwo kɛ ɛkpɔnwɔ anzɛɛ ɛkpɔnwɔndua* mɔɔ ɛnlɛ ndelebɛbo,+Mɔɔ ɔwɔ kɛ bɛfa bulalɛ anzɛɛ nyɛma bɛka yeKolaa na yeara ɛ nwo ɛkɛ ne la.”
10 Amumuyɛnli nyanelilɛ zonle;Noko sonla mɔɔ fa ɔ nwo to Gyihova anwo zo la, Ye ɛlɔlɛ kpundii ne bɔ ye yia.+
11 Bɛmɛ tenlenema, bɛli fɛlɛko wɔ Gyihova anu, na bɛmaa bɛ nye ɛlie;Bɛmɛ mɔɔ bɛ ahonle nu te la kɔsɔɔti, bɛva anyelielɛ bɛdeɛdea nu.
Ɔbodwɛkɛ
^ Nea Edwɛkɛbohilelɛ.
^ Anzɛɛ “bɛva bɛhyɛ ye la.”
^ Anzɛɛ “ɛ nye anlie me nwo.”
^ Anzɛɛ “me nu nzule.”
^ Asoaso nyinli nee ɛkpɔnwɔ belɛ a wole ye a.
