Edwɛne 44:1-26
Kɔmaa edwɛndolɛma kpanyinli ne. Kɔla amra ne mɔ+ edwɛne. Masekele.*
44 O Nyamenle, yɛde ye yɛ nzo nu,Yɛ nenyia mɔ ɛha ɛhile yɛ,+Ninyɛne mɔɔ ɛyɛle ye bɛ mekɛ zo,Wɔ tete ne la.
2 Ɛvale ɛ sa ɛvoanle maanle maanle+Na ɛmaanle yɛ nenyia mɔ dɛnlanle ɛkɛ.+
Ɛzɛkyele maanle maanle na ɛvoanle bɛ ɛvile ɛkɛ.+
3 Tɛ bɛ konle dadeɛ a maanle bɛnyianle azɛlɛ ne a,+Yɛɛ tɛ bɛdabɛ mumua ne bɛ sa a maanle bɛlile konim a.+
Emomu, ɔlua ɛ sa fema ne nee wɔ anwosesebɛ ne+ yɛɛ ɛ nyunlu wienyi ne azo,Ɔluakɛ ɛ nye liele bɛ nwo.+
4 O Nyamenle, wɔmɔ a ɛle me Belemgbunli a;+Maa Gyekɔbo ɛli konim bɔkɔɔ.*
5 Ɔlua wɔ tumi zo, yɛbamaa yɛ kpɔvolɛma azia bɛ nzi;+Ɔlua wɔ duma nu, yɛbatietia menli mɔɔ dwazo tia yɛ la anwo zo.+
6 Ɔluakɛ menva me nwo mendo me ɛda zo,Yɛɛ me konle dadeɛ ne ɛngola ɛnlie me ngoane.+
7 Wɔmɔ a ɛliele yɛ ɛvile yɛ kpɔvolɛma asa anu a,+Wɔmɔ a ɛmaanle bɛdabɛ mɔɔ bɛkyi yɛ la bɔle anyiemgba a.
8 Yɛbaye Nyamenle ayɛlɛ dahuu,Na yɛahanvo wɔ duma ne dahuu. (Sila)
9 Noko kɛkala wɔkpo yɛ na wɔmaa yɛ nyunlu ɛgua aze,Na ɛ nee yɛ ɛlɔnema ɛngɔ konle.
10 Ɛmaa yɛsia yɛ nzi wɔ yɛ kpɔvolɛma anyunlu dahuu;+Bɛdabɛ mɔɔ bɛkyi yɛ la fa debie biala mɔɔ bɛkulo la.
11 Wɔye yɛ wɔmaa kɛ mboane mɔɔ bɛkahu bɛ;Wɔbɔ yɛ asande wɔ maanle maanle ne mɔ anu.+
12 Wɔdɔne wɔ menli ne alufudeɛ;+Wɔannyia nvasoɛ biala wɔ zo.*
13 Ɛmaa yɛ kpalɛzoamra bɔ yɛ aholoba,Na bɛdabɛ mɔɔ bɛbɔ yɛ bɛyia la kɔsɔɔti golo yɛ nwo na bɛsele yɛ.
14 Wɔmaa yɛyɛ agolobɛnwo debie* wɔ maanle maanle ne mɔ anu,+Debie mɔɔ menli kpusu bɛ ti wɔ nwolɛ la.
15 Nyiane ku me dahuu,Yɛɛ me anyiemgba bo me nwo zo,
16 Ɔlua bɛ tendɛtia nee bɛ aholobabɔlɛ ne mɔ dede ne ati,Ɔlua yɛ kpɔvolɛ ne mɔɔ ɛlɛdi nzenralɛ la ati.
17 Ɛhye mɔ amuala ɛra yɛ nwo zo noko yɛ rɛle ɛtɛfile wɔ,Yɛɛ yɛtɛtulule wɔ ngyekyeleɛ ne.+
18 Yɛ ahonle ɛtɛfile ɛ nwo;Yɛ gyakɛ ɛtɛfile wɔ adenle ne anu.
19 Noko wɔmaa bɛli yɛ nwo zo konim na wɔgyakyi yɛ wɔmaa nanemgbole;Wɔva awozinli kabii wɔheda yɛ nwo zo.
20 Saa yɛ rɛle ɛvi yɛ Nyamenle ne dumaAnzɛɛ yɛdɛlɛ yɛ sa nu yɛyɛ asɔne yɛmaa adalɛ nyamenle bie a,
21 Asoo anrɛɛ Nyamenle ɛnrɛnwu ye ɔ?
Ɔze mɔɔ vea ahonle nu la.+
22 Ɛdawɔ ti bɛku yɛ dahuu;Bɛbu yɛ kɛ mboane mɔɔ bɛkahu bɛ la.+
23 Maa ɛ nwo zo. Duzu ati a wɔla ɛ, O Gyihova?+
Tunwue! Mmakpo yɛ bɔkɔɔ.*+
24 Duzu ati a wɔva ɛ nye wɔvea ɛ?
Duzu ati a ɛ rɛle ɛvi yɛ nyanelilɛ nee yɛ amaneɛnwunlɛ ɛ?
25 Ɔluakɛ bɛha yɛ bɛgua aze;Bɛmia yɛ* wɔ azɛlɛ ne anwo.+
26 Dwazo baboa yɛ!+
Wɔ ɛlɔlɛ kpundii ne ati, die yɛ.+
Ɔbodwɛkɛ
^ Nea Edwɛkɛbohilelɛ.
^ Anzɛɛ “ɛnyia ngoanelielɛ kpole.”
^ Anzɛɛ “wɔ bɛ bolɛ ne azo.”
^ Hibulu aneɛ nu, “ɛrɛlɛ.”
^ Hibulu aneɛ nu, “dahuu.”
^ Hibulu aneɛ nu, “yɛ sonlabaka ne mɔ.”
