Edwɛne 54:1-7
-
Sonla mɔɔ wɔ ye kpɔvolɛma avinli la moalɛ nzɛlɛlɛ
-
“Nyamenle le me boavolɛ” (4)
-
Kɔmaa edwɛndolɛma kpanyinli ne; bɛva getaa* bɛboka nwo bɛdo. Masekele.* Devidi edwɛne, mekɛ mɔɔ Zefema hɔhanle hilele Sɔɔlo kɛ: “Devidi ɛravea yɛ nwo ɛke” la.+
54 O Nyamenle, wɔ duma ne ati die me,+Na dua wɔ tumi zo di me edwɛkɛ maa me.+
2 O Nyamenle, tie me asɔneyɛlɛ;+Yɛ ɛnzolɛ tie me nloa anu edwɛkɛ.
3 Ɔluakɛ nyɛvolɛ dwazo tia me,Yɛɛ atisesebɛma kpondɛ me ahu me.+
Bɛmbu Nyamenle bie.*+ (Sila)
4 Nea! Nyamenle le me boavolɛ;+Gyihova nee bɛdabɛ mɔɔ bɛgyi me nzi la lua.
5 Ɔbava me kpɔvolɛma mumua ne ɛtane yeadua bɛ kakɛ;+Bɔ bɛ bo zo* wɔ wɔ nɔhalɛlilɛ ne anu.+
6 Mebavi me ɛhulolɛ nu meabɔ afɔle meamaa wɔ.+
O Gyihova, mebaye wɔ duma ne ayɛlɛ, ɔluakɛ ɔle kpalɛ.+
7 Ɔluakɛ ɔdie me ɔfi anwongyelelɛ biala anu,+Na mebanwu me kpɔvolɛma mɔɔ bɛli bɛ nwo zo konim la.+
Ɔbodwɛkɛ
^ Nea Edwɛkɛbohilelɛ.
^ Anzɛɛ “Bɛnva Nyamenle bɛnzie bɛ nyunlu.”
^ Hibulu aneɛ nu, “Maa bɛha bɛ nloa bɛdo nu.”
