Edwɛne 57:1-11
Kɔmaa edwɛndolɛma kpanyinli ne; “Mmasɛkye Me” zo. Devidi edwɛne. Meketam.* Mekɛ mɔɔ ɔnriandile Sɔɔlo ɔhɔveale bolɛ bɔne nu la.+
57 Maa menyia ɛ nyunlu ɛlolɛ, O Nyamenle, maa menyia ɛ nyunlu ɛlolɛ,Ɔluakɛ wɔ nu a menriandi mebafea a,+Na mebavea ɛ ndɛba abo kɔkpula kɛ ngyegyelɛ ne mɔ bapɛ nu.+
2 Mesu mefɛlɛ Anwuma Anwuma Nyamenle ne,Nɔhalɛ Nyamenle ne, mɔɔ ye ngyegyelɛ ne mɔ fi ɛkɛ ne maa me la.
3 Ɔbazoa moalɛ yeavi anwuma na yealie me.+
Ɔbamaa mɔɔ kɛteta me la ayɛ basaa. (Sila)
Nyamenle bazoa ye ɛlɔlɛ kpundii ne nee ye nɔhalɛlilɛ ne.+
4 Awenade ɛbɛnga me ɛyia;+Ɔwɔ kɛ meda menli mɔɔ kpondɛ me ahye me ali la avinli,Bɛ gye le kɛ atwɛ nee ɛda mbakaYɛɛ bɛ tafinlima le kɛ konle dadeɛ nlane.+
5 O Nyamenle, kpogya ɛ nwo zo tɛla anwuma;Maa wɔ anyunlunyia ne ɛheda azɛlɛ ye kɔsɔɔti azo.+
6 Bɛdo avonle kɛ bɛfa bɛazɔ me gyakɛ;+Anwongyelelɛ ɛmaa me sa nu ɛdo.+
Bɛvu kuma wɔ me nyunlu,Noko bɛdabɛ mumua ne bɛdɔ nu.+ (Sila)
7 Me ahonle gyi ye kpundii, O Nyamenle,+Me ahonle gyi ye kpundii.
Mebado edwɛne na meaye wɔ ayɛlɛ.
8 Me anyunlunyia, tunwue.
Tunwue, O getaa;* O haape, ɛdawɔ noko tunwue.
Mebadunwue aleɛbahye.+
9 O Gyihova, mebaye wɔ ayɛlɛ wɔ menli ne anu;+Mebado ayɛlɛyelɛ edwɛne meamaa wɔ wɔ maanle maanle ne mɔ anu.+
10 Ɔluakɛ wɔ ɛlɔlɛ kpundii ne le kpole kɔdwu anwuma nehane,+Yɛɛ wɔ nɔhalɛlilɛ ne kɔdwu anwomanyunlu.
11 O Nyamenle, kpogya ɛ nwo zo tɛla anwuma;Maa wɔ anyunlunyia ne ɛheda azɛlɛ ye kɔsɔɔti azo.+
