Edwɛne 92:1-15
Ayɛlɛyelɛ edwɛne. Edwɛne mɔɔ bɛto ye Ɛnwomenlelielɛ kenle.
92 Ɔle kpalɛ kɛ yɛkɛyɛ Gyihova mo+Na yɛkɛdo* ayɛlɛyelɛ edwɛne yɛkɛmaa wɔ duma ne, O Anwuma Anwumanli,
2 Kɛ yɛkɛbɔ wɔ ɛlɔlɛ kpundii+ ne nolo nwonlomɔ nuNa yɛkɛbɔ wɔ nɔhalɛlilɛ ne nolo nɔsolɛ nu,
3 Yɛava nyɛma bulu getaa nee nyɛma nsa getaa yɛaboka nwo yɛado,Yɛɛ haape mɔɔ ane yɛ fɛ la.+
4 Ɔluakɛ, O Gyihova, wɔmaa me nye ɛlie ɔlua wɔ nyɛleɛ ne mɔ ati;Ɛ sa anloa gyima ne mɔ ati, mefa anyelielɛ meteɛdea nu.
5 O Gyihova, nea kɛzi wɔ gyima ne mɔ le mgbole a!+
Nea kɛzi wɔ adwenle nu pi a!+
6 Sonla biala mɔɔ ɛnlɛ adwenle la ɛnze ɛhye mɔ;Yɛɛ sonla biala mɔɔ le koasea la ɛngola ɛnde ɛhye abo:+
7 Saa amumuyɛma fifi kɛ ndileNa ɛtanevolɛma amuala kpazi a,Ɛnee bɛbazɛkye bɛ bɔkɔɔ la ati ɔ.+
8 Noko bɛkpogya wɔ zo dahuu, O Gyihova.
9 Nɔhalɛ nu, O Gyihova, nea wɔ kpɔvolɛma mɔɔ bɛli bɛ nwo zo konim la,Nea kɛzi wɔ kpɔvolɛma abo zo babɔ a;Ɛtanevolɛma amuala babɔ asande.+
10 Noko ɛbamaa me anwosesebɛ ayɛ kpole kɛ ɛbɔ nu ɛnlankɛ ɛdeɛ ne la;Mebava nwole kpalɛ meakpokpa me nwo.+
11 Me nye banwu me kpɔvolɛma mɔɔ bɛli bɛ nwo zo konim la;+Me nzo bade amumuyɛma mɔɔ bɛteta me la azedɔlɛ nwo edwɛkɛ.
12 Noko tenlenenli bayɛ dokoo kɛ arɛlɛ bakaNa yeanyi yeayɛ kpole kɛ Lɛbanɔn sida baka la.+
13 Bɛlua bɛ wɔ Gyihova awuke ne anu;Bɛyɛ dudokoo wɔ Nyamenle alienwo ɛkɛ.+
14 Bɛyɛ mrelera* bɔbɔ a, bɛbazo ma;+Bɛbahɔ zo bɛanyia anwosesebɛ na bɛayɛ duhuduhu,+
15 Bɛbɔ ye nolo kɛ Gyihova le tenlenenli.
Ɔle me Bodane,+ na nzisi biala ɛnle ye nu.
