Edwɛne 98:1-9
-
Gyihova, Ngoanedievolɛ nee Ndɛnebuavolɛ tenlene
-
Bɛmaa bɛnwu Gyihova ngoanelielɛ ne (2, 3)
-
Ayɛlɛyelɛ edwɛne.
98 Bɛdo edwɛne fofolɛ bɛmaa Gyihova,+Ɔluakɛ yeyɛ nwanwane ninyɛne.+
Ɔ sa fema ne, ɔ sa kpɔma nwuanzanwuanza ne ɛva ngoanelielɛ ɛra.*+
2 Gyihova ɛmaa bɛnwu ye ngoanelielɛ;+Yela ye tenleneyɛlɛ ne ali wɔ maanle maanle ne mɔ anyunlu.+
3 Yehakye ye ɛlɔlɛ kpundii ne nee nɔhalɛlilɛ mɔɔ ɔlɛ ɔmaa Yizilayɛma la.+
Bɛnwu yɛ Nyamenle ne ngoanelielɛ* wɔ azɛlɛ ye ɛleka biala.+
4 Azɛlɛ ye kɔsɔɔti, bɛdeɛdea nu konimlilɛ nu bɛmaa Gyihova.
Bɛmaa bɛ nye ɛlie na bɛva fɛlɛkolilɛ bɛdeɛdea nu na bɛdo ayɛlɛyelɛ edwɛne.+
5 Bɛva haape bɛdo ayɛlɛyelɛ edwɛne bɛmaa Gyihova,Bɛva haape na bɛdo anyelielɛ edwɛne.
6 Bɛva aweɛne ndendenle nee ɛweɛne,+Bɛdeɛdea nu konimlilɛ nu wɔ Belemgbunli, Gyihova anyunlu.
7 Bɛmaa nyevile ne nee debie biala mɔɔ wɔ nu la ɛhulu,Azɛlɛ ne nee bɛdabɛ mɔɔ bɛde zo la.
8 Bɛmaa azule ne mɔ ɛbɔ bɛ sa nu;Na awoka ne mɔ ɛva anyelielɛ ɛbɔ nu ɛdeɛdea nu+
9 Wɔ Gyihova anyunlu, ɔluakɛ ɔlɛba yearabua azɛlɛ ye ndɛne.
Ɔbava tenleneyɛlɛ yeabua azɛlɛ* ne ndɛne+Na yeabua menli ne ndɛne fɔɔnwo.+
