Emɔso 2:1-16
2 “Edwɛkɛ mɔɔ Gyihova ɛha la ɛne,‘“Kɛmɔ Mowabe+ ɛyɛ ɛtane fane dɔɔnwo la ati, menrɛmaa ɔnrɛha,Ɔluakɛ ɔyelale Yidɔm belemgbunli ne mbowule ɔvale ɔyɛle ewole.*
2 Yemɔti mebado senle wɔ Mowabe,Na ɔbayela Kileɔto+ tawa mgbole ne mɔ;Mowabe bawu wɔ begyebegye ne anu,Wɔ konle nu ɛdeɛdeanlɛ nee aweɛne ɛbɔlɛ ne anu.+
3 Mebaye tumivolɛ* ne wɔ ye avinliNa meahu ɔ nee ye mgbanyima kɔsɔɔti,”+ kɛ Gyihova se la ɛne.’
4 Edwɛkɛ mɔɔ Gyihova ɛha la ɛne,‘Kɛmɔ Dwuda+ ɛyɛ ɛtane fane dɔɔnwo la ati, menrɛmaa ɔnrɛha,Ɔluakɛ bɛkpole Gyihova mɛla* ne,Yɛɛ bɛanli ye ngyehyɛleɛ ne mɔ azo;+Adalɛ ko ne ala mɔɔ bɛ nenyia mɔ lile ɔ nzi la ɛmaa bɛminli.+
5 Yemɔti mebado senle wɔ Dwuda,Na ɔbayela Gyɛlusalɛm tawa mgbole ne mɔ.’+
6 Edwɛkɛ mɔɔ Gyihova ɛha la ɛne,‘Kɛmɔ Yizilayɛ ɛyɛ ɛtane fane dɔɔnwo la ati,+ menrɛmaa ɔnrɛha,Ɔluakɛ bɛtɔne tenlenenli bɛdie dwɛtɛ fufule,Yɛɛ bɛtɔne ehyianli bɛdie mgbɔlaboa.+
7 Bɛtietia koahweabanema ati zo wɔ ndɛtɛlɛ nu,+Yɛɛ bɛsi bɛlɛvoma adenle.+
Awie nee ye papa fa raalɛ ko ne ala,Na bɛgua me duma nwuanzanwuanza ne anwo evinli.
8 Bɛdeda ndanlɛ mɔɔ awie mɔ ɛva ɛli agyinlanu ɛlie bosea la azo wɔ afɔlemokyea biala anyunlu;+Yɛɛ bɛno nwanye mɔɔ bɛbɔ menli kakɛ bɛlie la wɔ bɛ nyamenle ne mɔ ɛzonlenlɛsua nu.’
9 ‘Noko medame a menzɛkyele Amɔlema menvile bɛ nyunlu a,+Amɔlema mɔɔ ɛnee bɛ ndendenle le kɛ sida mbaka na bɛ nwo yɛ se kɛ oku mbaka la;Menzɛkyele zolɛ ma ne nee ɔ bo ndinli ne mɔ.+
10 Menyele bɛ menvile Yigyibiti azɛlɛ zo,+Na memaanle bɛluale fienemgbole ne anu ɛvolɛ 40,+Kɛ bɛhɔva Amɔlema azɛlɛ ne bɛyɛ bɛ ɛdeɛ.
11 Memaanle bɛ mra mrenyia bie mɔ yɛle ngapezoma+Yɛɛ bɛ mgbavolɛ bie mɔ yɛle Nazalaema.+
O Yizilayɛma, asoo ɔnle zɔ ɔ?’ kɛ Gyihova se la ɛne.
12 ‘Noko bɛhɔle zo bɛmaanle Nazalaema ne nza kɛ bɛnlo,+Na bɛhanle bɛhilele ngapezoma ne kɛ: “Bɛmmaka ngapezo.”+
13 Yemɔti mebabɛtɛ bɛ wɔ bɛ bo zo ne,Kɛ mɔɔ ehwili mɔɔ bɛpɛ ma bɛgua nu bɛmaa yeyi tɛkɛɛ la bɛtɛ debie wɔ ɔ bo la.
14 Sonla mɔɔ anwo yɛ ndɛ la ɛnrɛnyia ɛleka mɔɔ ɔnriandi yeahɔ a,+Sonla mɔɔ anwo yɛ se la anwosesebɛ bawie,Yɛɛ kovolɛ biala ɛnrɛhola ɛnrɛlie ɔ nwo.*
15 Awie mɔɔ to ɛda la ɛnrɛhola gyinla,Awie mɔɔ agyakɛ abo yɛ ndɛ la ɛnrɛhola nriandi,Yɛɛ awie mɔɔ ka ɛkpɔnwɔ la ɛnrɛhola ɛnrɛlie ɔ nwo.*
16 Kenle zɔhane, kovolɛma ne anu mɔɔ lɛ akɛnrasesebɛ* kpalɛ bɔbɔ laBalɛ ɔ nwo zɔ anriandi,’+ kɛ Gyihova se la ɛne.”
Ɔbodwɛkɛ
^ Anzɛɛ “ɔmaanle ɔdɔle nzonle.”
^ Hibulu aneɛ nu, “ndɛnebuavolɛ.”
^ Anzɛɛ “adehilelɛ.”
^ Anzɛɛ “ye ɛkɛla.”
^ Anzɛɛ “ye ɛkɛla.”
^ Anzɛɛ “mɔɔ ahonle yɛ se.”
