Mrɛlɛbulɛ 2:1-22
2 Me ra nrenyia, saa ɛdie me edwɛkɛ ɛto nuNa ɛfa me mɛla ne mɔ ɛsie,+
2 Ɛyɛ ɛnzolɛ ɛmaa nrɛlɛbɛ+Na ɛfa wɔ ahonle ɛsie adwenlenunwunlɛ zo;+
3 Yeanga ye zɔ, saa ɛsu ɛfɛlɛ ndelebɛbo+Na ɛmaa ɛ ne zo ɛfɛlɛ adwenlenunwunlɛ;+
4 Saa ɛkɔ zo ɛkpondɛ ye kɛ dwɛtɛ fufule,+Na ɛkɔ zo ɛkpondɛ ye kɛ anwonyia mɔɔ vea la a;+
5 Yemɔ ɛbade Gyihova ɛzulolɛ ne abo,+Na wɔanyia Nyamenle anwo nrɛlɛbɛ.+
6 Ɔluakɛ Gyihova a maa nrɛlɛbɛ a;+Ɔ nloa anu edwɛkɛ maa ndelebɛbo nee adwenlenunwunlɛ.
7 Ɔfa nrɛlɛbɛ kpalɛ ɔmaa tenlenema;Ɔle enyinlike ɔmaa bɛdabɛ mɔɔ bɛdi nɔhalɛ* la.+
8 Ɔsinza pɛlepɛlelilɛ ndenle,Na ɔbabɔ ye nɔhavoma adenle nwo bane.+
9 Akee ɛbade tenleneyɛlɛ nee pɛlepɛlelilɛ yɛɛ fɔɔnwoyɛlɛ bo,Ɛbade adenle kpalɛ biala abo.+
10 Saa nrɛlɛbɛ wolo wɔ ahonle nu+Na wɔ ɛkɛla* anye die ndelebɛbo nwo a,+
11 Adwenlenubukelɛ bazinza wɔ,+Na adwenlenunwunlɛ abɔ ɛ nwo bane,
12 Kɛ ɔdie wɔ yeavi adenle ɛtane zo,Yeavi sonla mɔɔ keha mgbane mgbane la asa anu,+
13 Ɔbalie wɔ yeavi bɛdabɛ mɔɔ bɛlɛfi tenlene ndenle nuBɛahɔlua awozinli ndenle nu la asa anu,+
14 Ɔbalie wɔ yeavi bɛdabɛ mɔɔ bɛdi fɛlɛko wɔ ɛtaneyɛlɛ nu,Na bɛ nye die ɛbɛlatane ɛbɔlɛ nwo la asa anu,
15 Bɛdabɛ mɔɔ bɛ ndenle nu kyeɛhyeaNee bɛdabɛ mɔɔ bɛ ndenle kɔsɔɔti anu le mɛlɛbɛla la asa anu.
16 Ɔbalie wɔ yeavi raalɛ mɔɔ ɛdɔ gua zo* la asa anu,Yeavi raalɛ adwɔmane* anloa anu menlemenle ne* asa anu,+
17 Mɔɔ ɔkpo ye mbɛlɛra nu agɔnwolɛ kpalɛ* ne+Na ɔ rɛle fi ye Nyamenle ngyekyeleɛ ne la;
18 Ɔluakɛ ye sua ne mi kɔ ewule nu,Yɛɛ ye ndenle kɔ mowuamra mɔɔ ɛngola ɛhwee yɛ la anu.+
19 Awie biala mɔɔ ɔ nee ye kɔda* la ɛnrɛzia ɛnrɛra,Anzɛɛ ɛnrɛva ngoane adenle ne azo bieko.+
20 Ɔti fa kpalɛma adenle zoNa dua tenlenema ndenle nu,+
21 Ɔluakɛ tenlenema angome a badɛnla azɛlɛ ne azo a,Yɛɛ bɛdabɛ mɔɔ edwɛkɛ ɛnle bɛ nwo* la a baha zo a.+
22 Na amumuyɛma ɛdeɛ, bɛbaye bɛ bɛavi azɛlɛ ye azo,+Na bɛadu mɛlɛbɛlama bɛavi zolɛ.+
Ɔbodwɛkɛ
^ Anzɛɛ “bɛdua bɛ munlililɛ nu.” Nea Edwɛkɛbohilelɛ.
^ Nea Edwɛkɛbohilelɛ.
^ Hibulu aneɛ nu, “raalɛ mɔɔ anwo yɛ ɛzulolɛ.” Ɔbayɛ kɛ, ɔnli Nyamenle ɛbɛlabɔlɛ nwo ngyinlazo ne mɔ azo.
^ Hibulu aneɛ nu, “raalɛ ɛyɛvolɛ.” Ɔbayɛ kɛ, ɔbɔ ɛbɛla ɛtane na yehwe ɔ nwo yevi Nyamenle anwo.
^ Anzɛɛ “mɔɔ le mɛlɛbɛla la.”
^ Anzɛɛ “ɔ hu.”
^ Hibulu aneɛ nu, “kɔ ye ɛkɛ ne la.”
^ Anzɛɛ “sonla mɔɔ dua ye munlililɛ nu.”
