Mrɛlɛbulɛ 25:1-28
25 Ɛhye mɔ noko le Sɔlɔmɔn mrɛlɛbulɛ+ mɔɔ Dwuda Belemgbunli Hɛzikaya+ menli ne nleanle zo hɛlɛle bie la:*
2 Nyamenle anyunlunyia a le kɛ ɔkɛvea edwɛkɛ zo,+Yɛɛ arelemgbunli anyunlunyia a le kɛ bɛkɛnleɛnlea edwɛkɛ nu.
3 Kɛ mɔɔ anwuma wɔ moamoa na azɛlɛ ne le kuma la,Zɔhane ala noko a bɛngola bɛnvedevede arelemgbunli ahonle nu a.
4 Tu dwɛtɛ fufule ne anu evinli ne,Na nwolɛ bade bɔkɔɔ.+
5 Ye amumuyɛnli ne fi belemgbunli ne anyunlu,Na ye belemgbunli ebia ne bagyinla kpundii wɔ tenleneyɛlɛ nu.+
6 Mmawula ɛ nwo anyunlunyia wɔ belemgbunli nyunlu,+Yɛɛ mmatɛnla menli titili avinli,+
7 Ɔluakɛ ɔle kpalɛ kɛ ɔkɛha ɔkɛhile wɔ kɛ, “Bɛla anwuma ɛke,”
Tɛla kɛ ɔkɛgua ɛ nyunlu aze wɔ menli titili anyunlu la.+
8 Mmapele ɛ nwo ɛfa edwɛkɛ ɛkɔ kɔɔto,Ɔluakɛ saa ɛ gɔnwo ne gua ɛ nyunlu aze a, duzu a ɛbayɛ a?+
9 Ɛ nee ɛ gɔnwo ɛha bɛ avinli edwɛkɛ,+Noko mmada mɔɔ bɛhanle bɛhilele wɔ wɔ fealeranu la* ali,+
10 Amaa ahenle mɔɔ ɛlɛtie wɔ la ambɔ wɔ anyiemgba,Na wɔamaa edwɛkɛ ɛtane adɛlɛ mɔɔ bɛsiane ye a ɔnyɛ boɛ a.
11 Edwɛkɛ mɔɔ bɛka ye mekɛ mɔɔ fɛta laLe kɛ nvutuke ampolo mɔɔ gua dwɛtɛ fufule pɛlɛte nu la.+
12 Nrɛlɛbɛvolɛ mɔɔ twi sonla mɔɔ yɛ ɛnzolɛ tie edwɛkɛ anyunlu laLe kɛ nvutuke asomadeɛ nee nvutuke tagyee ndweabane la.+
13 Kɛ mɔɔ ezukɔtweaba le weɛlɛkɔkɔ wɔ ma ɛdelɛ mekɛ nu laZɔhane ala a soanvolɛ mɔɔ di nɔhalɛ la de maa bɛdabɛ mɔɔ bɛsoa ye la a,Ɔluakɛ ɔmaa ɔ menle* ahonle tɔ ye azule nu.+
14 Sonla mɔɔ tu ɔ nloa anu kɛ ɔfa ahyɛlɛdeɛ yeamaa a ɔnva ɔmmaa la*Le kɛ amungu nee anwoma mɔɔ ɛndɔ ezule la.+
15 Bɛdua abotane zo bɛmaa kpanyinli kakyi ye adwenle,Yɛɛ edwɛkɛ* bɛtɛɛ bubu bowule nu.+
16 Saa ɛnyia wolɛ a, no mɔɔ ɛhyia nwo la ala,Ɔluakɛ saa ɛno ye dɔɔnwo a, ɛbave.+
17 Mmata ɛkɔ ɛ gɔnwo sua nu,Amaa ɛ nwo anvonlo ye na yeamkpɔ wɔ.
18 Sonla mɔɔ di dasewia tia ɔ gɔnwo laLe kɛ konle kokolobaka nee konle dadeɛ yɛɛ ɛda baka ati nlane.+
19 Anwodozo mɔɔ bɛnyia ye wɔ sonla mɔɔ bɛngola bɛnva bɛ nwo bɛndo ɔ nwo zo* wɔ ngyegyelɛ mekɛ nu anu laLe kɛ egyele mɔɔ ɛbubu anzɛɛ egyakɛ mɔɔ wosowoso la.
20 Sonla mɔɔ to edwɛne maa ahonle mɔɔ arɛle ɛbɔ laLe kɛ sonla mɔɔ ye ye tɛladeɛ wɔ ɛyɛlɛ mekɛ nuNee nza nyinyialera mɔɔ bɛwola bɛgua soda zo la.+
21 Saa ɛhɔne ɛlɛku wɔ kpɔvolɛ a, maa ye aleɛ ɔli;Saa nzuhɔne ɛlɛku ye a, maa ye nzule ɔnlo,+
22 Ɔluakɛ ɛyɛ ɛhye a ɛbahuohua samɛnlakɛ ɔ ti zo,*+Na Gyihova bamaa wɔ ahatualɛ.
23 Sɔlɔ anwoma ne maa ezule tɔ,Yɛɛ ɛtafinlimalɛ mɔɔ keha awie mɔ anwo edwɛkɛ la maa bɛfa ɛya.+
24 Ɔle kpalɛ kɛ ɛkɛdɛnla sua ti zo kodoka bie anuTɛla kɛ ɛ nee yelɛ mɔɔ kulo butule* la kɛdɛnla sua ko anu.+
25 Kɛzi nzule weɛlɛkɔkɔ yɛ ɛkɛla* mɔɔ ɛvɛ laZɔhane ala a amaneɛ kpalɛ mɔɔ vi azɛlɛ mɔɔ wɔ moamoa la noko de a.+
26 Tenlenenli mɔɔ kɛgyakyi ɔ nwo kɛmaa amumuyɛnli laLe kɛ azule mɔɔ ɛkpoto nee bula mɔɔ ɛzɛkye la.
27 Ɔnle kpalɛ kɛ ɛkɛnlo wolɛ dɔɔnwo,+Yɛɛ ɔnle kpalɛ kɛ sonla kɛkpondɛ anyunlunyia kɛmaa ɔ nwo.+
28 Sonla mɔɔ ɛngola ye ɛya* zo komo laLe kɛ suakpole mɔɔ bɛzɛkye ye, na ɔnlɛ bane la.+
Ɔbodwɛkɛ
^ Anzɛɛ “hɛlɛle na bɛboɔboale ɔ nloa la.”
^ Anzɛɛ “awie mɔ fealeranu edwɛkɛ.”
^ Anzɛɛ “ɔ menle ɛkɛla.”
^ Hibulu aneɛ nu, “wɔ adalɛ ahyɛlɛdeɛ nwo la.”
^ Hibulu aneɛ nu, “ɛtafinlimalɛ.”
^ Anzɛɛ ɔkola ɔkile, “ɔle mɛlɛbɛla.”
^ Ɛhye kile kɛ, ɛmaa awie ahonle adɔ ye azule nu na ye ɛya ne aha aze.
^ Anzɛɛ “tendɛ ɔ nzo abo.”
^ Nea Edwɛkɛbohilelɛ.
^ Anzɛɛ “ye sunsum.”
