Mrɛlɛbulɛ 31:1-31
31 Belemgbunli Lɛmuwɛle edwɛkɛ, nrɛlaleɛ mɔɔ anwo hyia mɔɔ ye mame vale hilehilele ye la ɛne:+
2 O me ra, duzu a menga mengile wɔ a,O me kunlu ralɛ, duzu edwɛkɛ ɔ,O me ɛwɔkɛbɔlɛ ralɛ, duzu edwɛkɛ bɔbɔ a menga a?+
3 Mmafa wɔ anwosesebɛ ɛmaa mraalɛ,+Mmafa ndenle mɔɔ sɛkye arelemgbunli la azo.+
4 O Lɛmuwɛle, ɔnfɛta arelemgbunli,Ɔnfɛta arelemgbunli kɛ bɛbanlo nwanyeƆnfɛta tumivolɛma kɛ bɛbabiza kɛ, “Me nwanye ne wɔ ni?”+
5 Amaa bɛanno na bɛ rɛle avi mɛla mɔɔ bɛli bɛdo ɛkɛ ne laNa bɛazɛkye koahweabanema edwɛkɛ.
6 Fa nza ɛsesebɛ maa bɛdabɛ mɔɔ bɛkpondɛ bawu la+Yɛɛ nwanye maa bɛdabɛ mɔɔ bɛlɛdi* nyane la.+
7 Maa bɛnlo na bɛ rɛle ɛvi bɛ ehyia;Mmamaa bɛkakye bɛ ngyegyelɛ bieko.
8 Tendɛ maa mɔɔ ɛnze tendɛ* la;Di bɛdabɛ mɔɔ bɛkpondɛ bawu la kɔsɔɔti edwɛkɛ maa bɛ.+
9 Tendɛ na bua ndɛne tenlene nu;Di koahweabanema nee ehyiavolɛma edwɛkɛ maa bɛ.+
א [Aleph]
10 Yelɛ kpalɛ, nwane a kɛnyia ye a?+
Ɔsonle bolɛ ɔtɛla ezukoa awolɛ ngɔkɔlɛ.*
ב [Beth]
11 Ɔ hu fi ye ahonle nu fa ɔ nwo to ɔ nwo zo,Na ɔlɛ debie biala mɔɔ ɔhyia nwolɛ la.
ג [Gimel]
12 Wɔ ye ngoane mekɛ kɔsɔɔti anu,Ɔfa kpalɛ ɔtua ɔ hu kakɛ, ɔnyɛ ye ɛtane.
ד [Daleth]
13 Ɔkpondɛ mboane enrinli nee lenen;Ɔ nye die kɛ ɔbava ɔ sa yeayɛ gyima.+
ה [He]
14 Ɔle kɛ gualilɛnli meli,+Ɔ nee ye aleɛ vi moamoa ba.
ו [Waw]
15 Mɔɔ aleɛ ɛtɛkyenle la, ɛnee yedwazo,Ɔfa aleɛ ɔmaa ye sua nu amraNa ɔfa ye sonvolɛ mraalɛ ɛdeɛ ɔmaa bɛ.+
ז [Zayin]
16 Ɔfa ye adwenle ɔsie azɛlɛ zo na ɔtɔ;Ɔfa ɔdaye ye anwosesebɛ* ɔyɛ vanye egyinli.
ח [Heth]
17 Ɔsiezie ɔ nwo ɔmaa gyima ɛsesebɛyɛlɛ,+Yɛɛ ɔmia ɔ sa nu.
ט [Teth]
18 Ɔnwu kɛ nvasoɛ wɔ ye gualilɛ zo;Ye kɛnlaneɛ ɛnnu nɔɔzo.
י [Yod]
19 Ɔfa ɔ sa ɔsɔ baka mɔɔ bɛbɛka asawa wɔ nwo la anu,Yɛɛ ɔfa ɔ sa mrɛlɛsɛka ɔsɔ baka mɔɔ bɛfa bɛnwo ɛdanlɛ la anu.+
כ [Kaph]
20 Ɔ sa dwu koahweabanema anwo zo,Yɛɛ ɔbuke ɔ sa nu ɔmaa ehyiavolɛma.+
ל [Lamed]
21 Saa ezukɔtweaba ɛlɛtɔ a ɔndwenle ye sua nu amra anwo,Ɔluakɛ ye sua nu amra amuala wulowula ɛyɛlɛ adɛladeɛ.*
מ [Mem]
22 Ɔdaye mumua ne ɔnwo ninyɛne ɔkeda ye ɛkpa zo.
Ye adɛladeɛ le lenen nee mboane enrinli buluwu nee kɔkɔlɛ afonla.
נ [Nun]
23 Bɛze ɔ hu kpalɛ wɔ suakpole ne nlenkɛ mgbole ne mɔ anloa,+Ɛleka mɔɔ ɔtɛnla wɔ azɛlɛ ne azo mgbanyima avinli la.
ס [Samekh]
24 Ɔnwo lenen adɛladeɛ* na ɔtɔne bɛYɛɛ ɔfa bɛlɛte ɔmaa gualilɛma.
ע [Ayin]
25 Yeheda anwosesebɛ nee anyunlunyia,Yɛɛ ɔfa anwodozo ɔnea mɔɔ bara kenle bie la ade.*
פ [Pe]
26 Ɔbuke ɔ nloa nrɛlɛbɛ nu;+Nyeleyɛlɛ mɛla* wɔ ɔ tafinlima azo.
צ [Tsade]
27 Ɔnea ye sua nu amra gyimayɛlɛ zo,Yɛɛ ɔnli mgbovonle aleɛ.+
ק [Qoph]
28 Ɔ mra dwazo na bɛfɛlɛ ye anyelielɛ;Ɔ hu dwazo na ɔye ye ayɛlɛ.
ר [Resh]
29 Mraalɛ mgbalɛ dɔɔnwo wɔ ɛkɛ,Noko wɔmɔ—ɛtɛla bɛ muala.
ש [Shin]
30 Kɛnlɛma le mɛlɛbɛla, yɛɛ anwofɛlɛko bapɛ nu,*+Noko raalɛ mɔɔ sulo Gyihova la, bɛbaye ye ayɛlɛ.+
ת [Taw]
31 Bɛva mɔɔ ɔyɛ la anwo ahatualɛ bɛmaa ye,*+Na bɛmaa ye gyima ne mɔ ɛye ye ayɛlɛ wɔ suakpole ne nlenkɛ mgbole ne mɔ anloa.+
Ɔbodwɛkɛ
^ Anzɛɛ “bɛ ɛkɛla ɛlɛdi.”
^ Anzɛɛ “sonla mɔɔ le mumule.”
^ Nea Edwɛkɛbohilelɛ.
^ Anzɛɛ “ɔdaye ye ezukoa.” Hibulu aneɛ nu, “ma mɔɔ vi ɔ sa nu la.”
^ Hibulu aneɛ nu, “adɛladeɛ nwiɔ nwiɔ.”
^ Anzɛɛ “adɛladeɛ mɔɔ bɛwula bɛ wɔ adɛladeɛ bo la.”
^ Anzɛɛ “ɔsele mɔɔ bara kenle bie la.”
^ Anzɛɛ “Ɛlɔlɛ ngilehilelɛ; Ɛlɔlɛ kpundii mɛla ne.”
^ Anzɛɛ “le debie mgbane.”
^ Hibulu aneɛ nu, “Bɛva ɔ sa anloa ma ne bie bɛmaa ye.”
