Mrɛlɛbulɛ 9:1-18
9 Nɔhalɛ nrɛlɛbɛ ɛzi ye sua;Yeyɛ mpila nsuu yemaa ye.
2 Yedo ye nane* ne yewie;Yefonla ye nwanye;Eza yeziezie ye ɛkponle.
3 Yezoa ye sonvolɛ mraalɛ ne mɔKɛ bɛhɔgyinla suakpole ne ɛleka mɔɔ wɔ anwuma la bɛdea nu kɛ:+
4 “Bɛmaa awie biala mɔɔ ɛnlɛ anwubielɛ la ɛrɛla ɛke.”
Ɔka ɔkile bɛdabɛ mɔɔ bɛnlɛ adwenle* la kɛ:
5 “Bɛrɛla bɛrali me aleɛNa bɛnlo nwanye ne mɔɔ mefonla ye la bie.
6 Bɛgyakyi anwubielɛ mɔɔ bɛnlɛ ye la anzi ɛlilɛ na bɛdɛnla ngoane nu;+Bɛlua ndelebɛbo adenle nu fɔɔnwo.”+
7 Mɔɔ kɛdenrɛ agolobɛnwonli la anyunlu gua aze,+Yɛɛ awie biala mɔɔ kɛhwi amumuyɛnli anyunlu la baboda.
8 Mmatwi agolobɛnwonli anyunlu, anrɛɛ ɔbakpɔ wɔ.+
Twi nrɛlɛbɛvolɛ nyunlu, na ɔbahulo wɔ edwɛkɛ.+
9 Kilehile nrɛlɛbɛvolɛ, na ɔbanwu nrɛlɛbɛ kpole.+
Kilehile tenlenenli, na ɔbazukoa ninyɛne dɔɔnwo.
10 Gyihova ɛzulolɛ le nrɛlɛbɛ mɔlebɛbo,+Yɛɛ Nwuanzanwuanza Ko ne ɛnwunlɛ+ le ndelebɛbo.
11 Ɔluakɛ ɔlua me nwo zo wɔ ngoane mekɛ bawa,+Yɛɛ ɛbanyia ɛvolɛ dɔɔnwo wɔaboka wɔ ngoane mekɛ nwo.
12 Saa ɛnwu nrɛlɛbɛ a, wɔ nrɛlɛbɛ ne bamaa wɔanyia nvasoɛ,Na saa ɛle agolobɛnwonli a, ɛ ngomekye a ɛbali nwolɛ ɛzonle a.
13 Raalɛ koasea anwo soa.+
Ye adwenle nu ɛtɛbukele yɛɛ ɔnze ɛhwee.
14 Ɔtɛnla ebia zo wɔ ye sua ne anyunluWɔ suakpole ne ɛleka mɔɔ wɔ anwuma la,+
15 Ɔtea nu ɔfɛlɛ bɛdabɛ mɔɔ bɛlɛpɛ nu,Bɛdabɛ mɔɔ bɛlua bɛ adenle nu fɔɔnwo la kɛ:
16 “Bɛmaa awie biala mɔɔ ɛnlɛ anwubielɛ la ɛrɛla ɛke.”
Ɔka ɔkile bɛdabɛ mɔɔ bɛnlɛ adwenle* la kɛ:+
17 “Awule nzule yɛ fɛ,Na aleɛ mɔɔ bɛdi ye fealeranu la yɛ fɛ kpalɛ.”+
18 Noko ɔnze kɛ mowuamra mɔɔ bɛngola ɛhwee yɛ la wɔ lɔ,Bɛdabɛ mɔɔ raalɛ ɛhye fɛlɛ bɛ la* wɔ Nla* ne abo nehane.+
Ɔbodwɛkɛ
^ Hibulu aneɛ nu, “Yehu ye nane.”
^ Anzɛɛ “bɛnze nrɛlɛbɛ.”
^ Anzɛɛ “bɛnze nrɛlɛbɛ.”
^ Anzɛɛ “Ye nyɛvolɛ ne mɔ.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
