Nɔmbɛse 1:1-54
1 Mɔɔ bɛvile Yigyibiti azɛlɛ zo la,+ ye ɛvolɛ nwiɔ ne anu siane ne mɔɔ tɔ zolɛ nwiɔ kenle mɔɔ limoa la azo, Gyihova dendɛle hilele Mosisi wɔ Saenae fienemgbole ne anu+ wɔ nyianu ɛdanlɛsua ne anu.+ Ɔse:
2 “Bɛdia+ Yizilayɛma* kɔsɔɔti ngoko kɛ mɔɔ bɛ mbusua nee bɛ papa mɔ mbusua de la na bɛhɛlɛ mrenyia ne mɔ amuala aluma.
3 Ɛ nee Aalɔn ɛhɛlɛ ɛlɔne ne mɔ* anu menli mɔɔ ɛli ɛvolɛ 20 mɔɔ kɔ+ mɔɔ bahola ahɔ konle wɔ Yizilayɛ la amuala aluma.
4 “Bɛye abusua biala anu nrenyia ko; ɔwɔ kɛ ahenle ne yɛ kpanyinli wɔ ye papa abusua nu.+
5 Mrenyia mɔɔ baboa wɔ la aluma ɛne: Wulubɛn abusua nu, Hyɛdiyɛ ara Ɛlaezɛ;+
6 Semɛyɔn abusua nu, Zulehyadae ara Hyɛlɛmeɛle;+
7 Dwuda abusua nu, Amenadabe ara Nahyɔn;+
8 Yesakaa abusua nu, Zuwaa ara Nɛtanɛle;+
9 Zɛbulɛn abusua nu, Hilɔn ara Ɛlayabe;+
10 Dwosefi amra mrenyia ne mɔ noko: Yifelaem+ abusua nu, Amehɛde ara Ɛlehyama; Manasɛ abusua nu, Pɛdaazɛ ara Gameeleɛle;
11 Bɛngyaman abusua nu, Gedɛyonae ara Abaedan;+
12 Dan abusua nu, Amehyadae ara Ahayizɛ;+
13 Ahya abusua nu, Ɔkelan ara Peegeɛle;+
14 Gaade abusua nu, Duwɛle ara Yilayasafe;+
15 Nafetalae abusua nu, Yinan ara Ahaela.+
16 Menli ɛhye mɔ a bɛkpale bɛ bɛvile menli ne anu a. Bɛle mgbanyima+ wɔ bɛ papa mɔ mbusua nu, bɛgyi Yizilayɛma apenle apenle ne mɔ ati.”+
17 Yemɔti Mosisi nee Aalɔn vɛlɛle mrenyia ɛhye mɔ mɔɔ bɛbobɔle bɛ aluma la.
18 Bɛboɔboale menli ne amuala anloa wɔ siane ne mɔɔ tɔ zolɛ nwiɔ kenle mɔɔ limoa la anu, amaa bɛahɛlɛ menli mɔɔ ɛli ɛvolɛ 20 mɔɔ kɔ la anu ko biala duma, ye abusua nee ye papa abusua,+
19 kɛ mɔɔ Gyihova hanle hilele Mosisi la. Yemɔti ɔhɛlɛle bɛ aluma wɔ Saenae fienemgbole ne anu.+
20 Bɛhɛlɛle Wulubɛn amra mrenyia ne mɔ, Yizilayɛ belamunli ralɛ ne abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
21 na Wulubɛn abusua ne anu amra mɔɔ bɛhɛlɛle bɛ aluma la le 46,500.
22 Bɛhɛlɛle Semɛyɔn abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
23 na Semɛyɔn abusua ne anu amra mɔɔ bɛhɛlɛle bɛ aluma la le 59,300.
24 Bɛhɛlɛle Gaade abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
25 na Gaade abusua ne anu amra mɔɔ bɛhɛlɛle bɛ aluma la le 45,650.
26 Bɛhɛlɛle Dwuda abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
27 na Dwuda abusua ne anu amra mɔɔ bɛhɛlɛle bɛ aluma la le 74,600.
28 Bɛhɛlɛle Yesakaa abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
29 na Yesakaa abusua ne anu amra mɔɔ bɛhɛlɛle bɛ aluma la le 54,400.
30 Bɛhɛlɛle Zɛbulɛn abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
31 na Zɛbulɛn abusua ne anu amra mɔɔ bɛhɛlɛle bɛ aluma la le 57,400.
32 Bɛhɛlɛle Dwosefi abozoamra mɔɔ vi Yifelaem+ abusua nu la aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
33 na Yifelaem abusua ne anu amra mɔɔ bɛhɛlɛle bɛ aluma la le 40,500.
34 Bɛhɛlɛle Manasɛ abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
35 na Manasɛ abusua ne anu amra mɔɔ bɛhɛlɛle bɛ aluma la le 32,200.
36 Bɛhɛlɛle Bɛngyaman abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
37 na Bɛngyaman abusua ne anu amra mɔɔ bɛhɛlɛle bɛ aluma la le 35,400.
38 Bɛhɛlɛle Dan abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
39 na Dan abusua ne anu amra mɔɔ bɛhɛlɛle bɛ aluma la le 62,700.
40 Bɛhɛlɛle Ahya abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
41 na Ahya abusua ne anu amra mɔɔ bɛhɛlɛle bɛ aluma la le 41,500.
42 Bɛhɛlɛle Nafetalae abozoamra ne mɔ+ aluma, bɛ mbusua nee bɛ papa mɔ mbusua. Bɛdianle mrenyia kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle la anu ko biala,
43 na Nafetalae abusua ne anu amra mɔɔ bɛhɛlɛle bɛ aluma la le 53,400.
44 Mosisi nee Aalɔn yɛɛ Yizilayɛ mgbanyima 12 ne, mɔɔ ko biala gyi ye papa abusua nu amra agyakɛ anu la, hɛlɛle menli ɛhye mɔ aluma.
45 Bɛhɛlɛle Yizilayɛma kɔsɔɔti mɔɔ ɛli ɛvolɛ 20 mɔɔ kɔ mɔɔ bahola ahɔ konle wɔ Yizilayɛ la aluma kɛ mɔɔ bɛ papa mɔ mbusua de la,
46 na menli mɔ bɛhɛlɛle bɛ aluma la amuala dodo le 603,550.+
47 Noko bɛangɛlɛ Livaema+ nee bɛ papa mɔ mbusua aluma bɛamboka nwo.+
48 Na Gyihova zele Mosisi kɛ:
49 “Livae abusua ne anu amra ala a ɔnle kɛ ɛkɛlɛ bɛ aluma a, yɛɛ ɔnle kɛ ɛfa bɛ dodo ne ɛboka Yizilayɛma mɔɔ ɛha la anwo.+
50 Ye Livaema ne mɔ maa bɛnlea Daselɛlilɛ ɛdanlɛsua ne+ nee nuhua ahyɛnze ne mɔ nee debie biala mɔɔ wɔ nu la azo.+ Bɛbazoa ɛdanlɛsua ne nee nwolɛ debie biala+ na bɛazonle wɔ ɛkɛ,+ na ɔwɔ kɛ bɛtɛnla ɛdanlɛsua ne anwo bɛbɛnga ye bɛyia.+
51 Mekɛ biala mɔɔ ɔwɔ kɛ bɛtudu ɛdanlɛsua ne la, ɔwɔ kɛ Livaema ne tudu;+ yɛɛ saa ɔwɔ kɛ bɛkyehyɛ ɛdanlɛsua ne bieko a, ɔwɔ kɛ Livaema ne mɔ a kyehyɛ a; awie biala mɔɔ ɛnlɛ adenle* mɔɔ kɛbikye nwolɛ la, ɔwɔ kɛ bɛku ye.+
52 “Ɔwɔ kɛ Yizilayɛnli biala si ye ɛdanlɛsua ne wɔ azokoɛleɛ ne ɛleka mɔɔ bɛkɛhile ye la, wɔ ye mbusua ekpunli nsa ne anu*+ kɛ mɔɔ bɛ ɛlɔne* ne mɔ de la.
53 Na ɔwɔ kɛ Livaema yɛ bɛ azokoɛleɛ bɛnga Daselɛlilɛ ɛdanlɛsua ne yia, amaa meanva Yizilayɛma anwo ɛya;+ na Livaema a ɔwɔ kɛ nea Daselɛlilɛ ɛdanlɛsua ne azo a.”*+
54 Yizilayɛma yɛle mɔɔ Gyihova hanle hilele Mosisi la amuala. Bɛyɛle ye zɔ pɛpɛɛpɛ.
Ɔbodwɛkɛ
^ Hibulu aneɛ nu, “Yizilayɛ amra mrenyia ne mɔ.”
^ Hibulu aneɛ nu, “ɛlɔne ekpunli ekpunli.”
^ Hibulu aneɛ nu, “ɛyɛvolɛ biala,” ɛhye kile, awie mɔɔ ɛnle Livaenli la.
^ Anzɛɛ “wɔ ye sɛkɛlɛneɛ bo.”
^ Hibulu aneɛ nu, “bɛ ɛlɔne ekpunli ekpunli.”
^ Anzɛɛ “ɔwɔ kɛ sinza ye a; yɛ gyima wɔ ɛkɛ a.”
