Nɔmbɛse 24:1-25
24 Mɔɔ Beelam nwunle kɛ Gyihova anye die nwo* kɛ ɔyila Yizilayɛma la, yeamkpondɛ sili bo zo bieko,+ emomu, ɔhakyile ɔ nye wɔ fienemgbole ne anu.
2 Mɔɔ Beelam maanle ɔ nye zo na ɔnwunle kɛ Yizilayɛma gua ye mbusua mbusua la,+ akee Nyamenle sunsum ne rale ɔ nwo zo.+
3 Na ɔhanle nrɛlaleɛ ɛhye:+
“Biyɔ ara Beelam edwɛkɛ ɛne,Sonla mɔɔ bɛbuke ɔ nye la edwɛkɛ ɛne,
4 Sonla mɔɔ ɛde Nyamenle edwɛkɛ,Na yenwu Tumivolɛ Bedevinli ne wɔ ɛnyelɛzodeɛnwunlɛ nu,Sonla mɔɔ yedɔ aze noko ɔ nye ɛtɛkedale la edwɛkɛ ɛne:+
5 O Gyekɔbo, wɔ ɛdanlɛ azua ne mɔ le ngɛnlɛma,O Yizilayɛ, wɔ tɛnlabelɛ ne mɔ le ngɛnlɛma!+
6 Bɛtɛlɛ bɛkɔ moa kɛ mbɔnza* la,+Kɛ azule nloa tola,Kɛ alo mɔɔ Gyihova ɛlua,Kɛ sida mbaka mɔɔ gyigyi nzule nloa la.
7 Nzule vi ye nwoma bokiti nwiɔ ne anwo se gua aze,Yɛɛ bɛlua ye ma* wɔ nzule dɔɔnwo anloa.+
Ye belemgbunli+ ne noko bayɛ kpole adɛla Egage,+Yɛɛ bɛbakpogya ye belemgbunlililɛ ne zo.+
8 Nyamenle nee ye vi Yigyibiti ɛlɛba;Ɔle kɛ ɛbɔ nu ɛnlankɛ nyinli mɛne ɔmaa bɛ.
Ɔbali maanle maanle ne mɔ mɔɔ sisi ye la nwonane,+Na yeakposa bɛ mbowule, yɛɛ ɔbava ye ɛda ne mɔ yeabubu bɛ.
9 Yebutu, yela aze kɛ awenade,Ɔle kɛ awenade, nwane a bazi ɔ kɛnra aha ye a?
Bɛyila menli mɔɔ yila wɔ la,Yɛɛ bɛwa menli mɔɔ wa wɔ amonle la amonle.”+
10 Akee Beelake vale Beelam anwo ɛya kpole. Beelake vale ɛya bɔle ɔ sa nu na ɔzele Beelam kɛ: “Menvɛlɛle wɔ kɛ ɛrawa me kpɔvolɛma amonle,+ noko ye fane nsa mɔɔ wɔyila bɛ kosoɛɛ la ɛne.
11 Maa ɔyɛ ndɛ kɔ sua nu. Ɛnee mekulo kɛ medi wɔ eni kpole,+ noko nea! Gyihova ɛmaa enililɛ ne ɛkpa ɛ ti.”
12 Beelam buale Beelake kɛ: “Meanga meangile menli mɔɔ ɛzoanle bɛ la kɛ,
13 ‘Saa Beelake fa ye sua mɔɔ dwɛtɛ fufule nee nvutuke ɛyi ye tɛkɛɛ la yeamaa me bɔbɔ a, menrɛhola menrɛdu Gyihova anloa edwɛkɛ menrɛdo na menrɛyɛ debie mɔɔ mekulo la,* kpalɛ o, ɛtane o. Edwɛkɛ mɔɔ Gyihova baha ahile me la ala a mebaha’ ɔ?+
14 Kɛkala melɛkɔ me menli ne anwo lɔ. Bɛla maa mendu wɔ folɛ wɔ mɔɔ menli ɛhye mɔ bava ayɛ wɔ menli ne kenle bie la* anwo.”
15 Ɔti ɔhanle nrɛlaleɛ ɛhye:+
“Biyɔ ara Beelam edwɛkɛ ɛne,Sonla mɔɔ bɛbuke ɔ nye la edwɛkɛ ɛne,+
16 Sonla mɔɔ ɛde Nyamenle edwɛkɛ,Sonla mɔɔ lɛ Anwuma Anwumanli ne anwo adwenle,Ɔnwunle Tumivolɛ Bedevinli ne wɔ ɛnyelɛzodeɛnwunlɛ nuWɔ mekɛ mɔɔ ɔdɔle aze noko ɔ nye angeda la edwɛkɛ ɛne:
17 Mebanwu ye, noko tɛ kɛkala ɔ;Mebanlea ye, noko tɛ kɛkala ɔ.
Ɛwɔlɔra+ bavi Gyekɔbo anu avinde,Belemgbunli kpɔma+ badwazo avi Yizilayɛ.+
Na ɔbakpuke Mowabe anwoma*+Yɛɛ ɔ mra mrenyia mɔɔ kulo konle la kɔsɔɔti ati kanrɛlɛ ne.
18 Na Yidɔm bayɛ agyapadeɛ,+Ɛhɛe, Siyɛ+ bayɛ ye kpɔvolɛma agyapadeɛ,+Wɔ mekɛ mɔɔ Yizilayɛ ɛlɛda ye akɛnrasesebɛ ne ali la.
19 Awie bavi Gyekɔbo anu ali ye kpɔvolɛma anwo zo konim,+Na ɔbazɛkye awie biala mɔɔ ɔbanyia ɔ ti wɔ suakpole ne azo la.”
20 Mɔɔ ɔnwunle Amalɛke la, ɔdoale ye nrɛlaleɛ ne azo kɛ:
“Amalɛke a le maanle maanle ne mɔ anu mɔɔ limoa a,+Noko awieleɛ ne, ɔbabɔ bɔkɔɔ.”+
21 Mɔɔ ɔnwunle Kinama+ la, ɔdoale ye nrɛlaleɛ ne azo kɛ:
“Bɛ tɛnlabelɛ ne gyi kpundii, yɛɛ bɛyɛ bɛ tɛnlabelɛ ne wɔ bodane zo.
22 Noko awie bayela Keyan bɔkɔɔ.
Yeha kenle nyɛ na Aselea ava wɔ ahɔ akɛlɛzonlenlɛ nu?”
23 Ɔdoale ye nrɛlaleɛ ne azo kɛ:
“Bɛ gyakɔ! Saa Nyamenle yɛ ɛhye a, nwane a banyia ɔ ti a?
24 Meli vi Kitem+ ɛnweazo bara,Na bɛbahile Aselea+ nyane,Bɛbahile Yibɛ nyane.
Na ɔdaye noko ɔbabɔ bɔkɔɔ.”
25 Akee Beelam+ dwazole na ɔhɔle ye ɛleka bie. Beelake noko dɔle adenle zo.
Ɔbodwɛkɛ
^ Hibulu aneɛ nu, “kɛ ɔle kpalɛ wɔ Nyamenle anye zo.”
^ Anzɛɛ “azudenle.”
^ Anzɛɛ “bɛlua ɔ ra.”
^ Hibulu aneɛ nu, “mɔɔ wɔ me ahonle nu la.”
^ Anzɛɛ “wɔ mekɛ ne awieleɛ la.”
^ Anzɛɛ “Mowabe ati anwo.”
