Nɔmbɛse 29:1-40

  • Afɔlebɔlɛ ngakyile nwo ngyehyɛleɛ (1-40)

    • Aweɛnebɔlɛ kenle ne (1-6)

    • Mgbɔdalɛ Kenle ne (7-11)

    • Kpɔda Bo Ɛdɛnlanlɛ Ɛvoyia (12-38)

29  “‘Siane nsuu ne kenle ne mɔɔ limoa la, bɛyɛ nyianu nwuanzanwuanza. Ɔnle kɛ bɛyɛ gyima ɛsesebɛ biala.+ Ɔle kenle mɔɔ ɔwɔ kɛ bɛbɔ aweɛne tendenle ne a.+ 2  Bɛbava ɛnlankɛ ralɛ nyinli ko, boane nyinli ko yɛɛ mboane mralɛ nyinli nsuu mɔɔ biala ɛli ɛvolɛ ko na bɛte kpɔkɛ la bɛabɔ ɛyelalɛ afɔle kɛ afɔlebɔlɛ evuanlɛ mɔɔ Gyihova anye die nwolɛ* la, 3  na bɛava bɛ ma afɔlebɔdeɛ esamo motoo mɔɔ bɛva nwole bɛfɔtɔ la yifa ngyɛnu bulu anu nsa bɛaboka ɛnlankɛ nyinli ne anwo, na bɛava ngyɛnu bulu anu nwiɔ bɛaboka boane nyinli ne anwo, 4  na bɛava ngyɛnu bulu anu ko bɛaboka mboane mralɛ nyinli nsuu ne anu ko biala anwo, 5  na bɛava abɔnkye ralɛ nyinli ko bɛabɔ ɛtane afɔle bɛali bɛ ti mgbɔdalɛ. 6  Bɛbava ɛhye bɛaboka siane biala ɛyelalɛ afɔlebɔlɛ nee nwolɛ ma afɔlebɔlɛ+ yɛɛ dahuu ɛyelalɛ afɔlebɔlɛ ne nee nwolɛ ma afɔlebɔlɛ+ nee bɛ nza afɔlebɔlɛ ne mɔ anwo,+ kɛ mɔɔ bɛyɛ ye dahuu la, kɛ afɔlebɔlɛ evuanlɛ mɔɔ Gyihova anye die nwolɛ* mɔɔ bɛva senle bɛbɔ la. 7  “‘Siane nsuu ɛhye kenle bulu ne azo, bɛyɛ nyianu nwuanzanwuanza,+ na ɔwɔ kɛ bɛkile bɛ nwo nyane.* Ɔnle kɛ bɛyɛ gyima biala.+ 8  Na bɛbava ɛnlankɛ ralɛ nyinli ko, boane nyinli ko yɛɛ mboane mralɛ nyinli nsuu mɔɔ biala ɛli ɛvolɛ ko na bɛte kpɔkɛ la bɛabɔ ɛyelalɛ afɔle kɛ afɔlebɔlɛ evuanlɛ mɔɔ Gyihova anye die nwolɛ* la.+ 9  Bɛva nwolɛ ma afɔlebɔdeɛ esamo motoo mɔɔ bɛva nwole bɛfɔtɔ la bɛboka nwo, bɛva ngyɛnu bulu anu nsa bɛboka ɛnlankɛ nyinli ne anwo na bɛva ngyɛnu bulu anu nwiɔ bɛboka boane nyinli ne anwo, 10  bɛbava ngyɛnu bulu anu ko bɛaboka mboane mralɛ nyinli nsuu ne anu ko biala anwo, 11  bɛbava abɔnkye ralɛ ko bɛabɔ ɛtane afɔle bɛaboka ɛtane afɔle ne mɔɔ bɛbɔ bɛdi bɛ ti mgbɔdalɛ+ nee dahuu ɛyelalɛ afɔlebɔlɛ nee nwolɛ ma afɔlebɔlɛ nee bɛ nza afɔlebɔlɛ ne mɔ anwo. 12  “‘Siane nsuu ne kenle 15 ne azo, bɛyɛ nyianu nwuanzanwuanza. Ɔnle kɛ bɛyɛ gyima ɛsesebɛ biala, na ɔwɔ kɛ bɛdi ɛvoyia kenle nsuu bɛwula Gyihova anyunlunyia.+ 13  Na bɛbava nlankɛ mralɛ nyinli 13, mboane nyinli 2 yɛɛ mboane mralɛ nyinli 14 mɔɔ biala ɛli ɛvolɛ ko na bɛte kpɔkɛ la bɛabɔ ɛyelalɛ afɔle kɛ afɔlebɔlɛ evuanlɛ mɔɔ Gyihova anye die nwolɛ* la.+ 14  Bɛbava nwolɛ ma afɔlebɔdeɛ esamo motoo mɔɔ bɛva nwole bɛfɔtɔ la bɛaboka nwo, bɛva ngyɛnu bulu anu nsa bɛboka nlankɛ nyinli 13 ne anu ko biala anwo, na bɛva ngyɛnu bulu anu nwiɔ bɛboka mboane nyinli 2 ne anu ko biala anwo, 15  bɛbava ngyɛnu bulu anu ko bɛaboka mboane mralɛ 14 ne anu ko biala anwo, 16  bɛbava abɔnkye ralɛ ko bɛabɔ ɛtane afɔle bɛaboka dahuu ɛyelalɛ afɔlebɔlɛ nee nwolɛ ma afɔlebɔlɛ yɛɛ nza afɔlebɔlɛ ne anwo.+ 17  “‘Na kenle mɔɔ tɔ zolɛ nwiɔ la, bɛbava nlankɛ mralɛ nyinli 12, mboane nyinli 2 yɛɛ mboane mralɛ nyinli 14 mɔɔ biala ɛli ɛvolɛ ko na bɛte kpɔkɛ la bɛabɔ afɔle,+ 18  na bɛava nlankɛ nyinli ne mɔ, mboane nyinli ne mɔ yɛɛ mboane mralɛ nyinli ne mɔ dodo ne anwo ma afɔlebɔdeɛ nee bɛ nza afɔlebɔdeɛ bɛaboka nwo kɛ mɔɔ bɛyɛ ye dahuu la, 19  na bɛava abɔnkye ralɛ ko bɛabɔ ɛtane afɔle bɛaboka dahuu ɛyelalɛ afɔlebɔlɛ nee nwolɛ ma afɔlebɔlɛ yɛɛ bɛ nza afɔlebɔlɛ ne anwo.+ 20  “‘Na kenle nsa ne azo, bɛbava nlankɛ nyinli 11, mboane nyinli 2 yɛɛ mboane mralɛ nyinli 14 mɔɔ biala ɛli ɛvolɛ ko na bɛte kpɔkɛ la bɛabɔ afɔle,+ 21  na bɛava nlankɛ nyinli ne mɔ, mboane nyinli ne mɔ yɛɛ mboane mralɛ nyinli ne mɔ dodo ne anwo ma afɔlebɔdeɛ nee bɛ nza afɔlebɔdeɛ bɛaboka nwo kɛ mɔɔ bɛyɛ ye dahuu la, 22  na bɛava abɔnkye ko bɛabɔ ɛtane afɔle bɛaboka dahuu ɛyelalɛ afɔlebɔlɛ nee nwolɛ ma afɔlebɔlɛ yɛɛ nza afɔlebɔlɛ ne anwo.+ 23  “‘Kenle nna ne azo, bɛbava nlankɛ nyinli 10, mboane nyinli 2 yɛɛ mboane mralɛ nyinli 14 mɔɔ biala ɛli ɛvolɛ ko na bɛte kpɔkɛ la bɛabɔ afɔle,+ 24  na bɛava nlankɛ nyinli ne mɔ, mboane nyinli ne mɔ yɛɛ mboane mralɛ nyinli ne mɔ dodo ne anwo ma afɔlebɔdeɛ nee bɛ nza afɔlebɔdeɛ bɛaboka nwo kɛ mɔɔ bɛyɛ ye dahuu la, 25  na bɛava abɔnkye ralɛ ko bɛabɔ ɛtane afɔle bɛaboka dahuu ɛyelalɛ afɔlebɔlɛ nee nwolɛ ma afɔlebɔlɛ yɛɛ nza afɔlebɔlɛ ne anwo.+ 26  “‘Kenle nnu ne azo, bɛbava nlankɛ nyinli 9, mboane nyinli 2, yɛɛ mboane mralɛ nyinli 14 mɔɔ biala ɛli ɛvolɛ ko na bɛte kpɔkɛ la bɛabɔ afɔle,+ 27  na bɛava nlankɛ nyinli ne mɔ, mboane nyinli ne mɔ yɛɛ mboane mralɛ nyinli ne mɔ dodo ne anwo ma afɔlebɔdeɛ nee bɛ nza afɔlebɔdeɛ bɛaboka nwo kɛ mɔɔ bɛyɛ ye dahuu la, 28  na bɛava abɔnkye ko bɛabɔ ɛtane afɔle bɛaboka dahuu ɛyelalɛ afɔlebɔlɛ nee nwolɛ ma afɔlebɔlɛ yɛɛ nza afɔlebɔlɛ ne anwo.+ 29  “‘Kenle nsia ne azo, bɛbava nlankɛ nyinli 8, mboane nyinli 2, yɛɛ mboane mralɛ nyinli 14 mɔɔ biala ɛli ɛvolɛ ko na bɛte kpɔkɛ la bɛabɔ afɔle,+ 30  na bɛava nlankɛ nyinli ne mɔ, mboane nyinli ne mɔ, yɛɛ mboane mralɛ nyinli ne mɔ dodo ne anwo ma afɔlebɔdeɛ nee bɛ nza afɔlebɔdeɛ bɛaboka nwo kɛ mɔɔ bɛyɛ ye dahuu la, 31  na bɛava abɔnkye ko bɛabɔ ɛtane afɔle bɛaboka dahuu ɛyelalɛ afɔlebɔlɛ nee nwolɛ ma afɔlebɔlɛ yɛɛ nza afɔlebɔlɛ ne anwo.+ 32  “‘Kenle nsuu ne azo, bɛbava nlankɛ nyinli 7, mboane nyinli 2, yɛɛ mboane mralɛ nyinli 14 mɔɔ biala ɛli ɛvolɛ ko na bɛte kpɔkɛ la bɛabɔ afɔle,+ 33  na bɛava nlankɛ nyinli ne mɔ, mboane nyinli ne mɔ yɛɛ mboane mralɛ nyinli ne mɔ dodo ne anwo ma afɔlebɔdeɛ nee bɛ nza afɔlebɔdeɛ bɛaboka nwo kɛ mɔɔ bɛyɛ ye dahuu la, 34  na bɛava abɔnkye ko bɛabɔ ɛtane afɔle bɛaboka dahuu ɛyelalɛ afɔlebɔlɛ nee nwolɛ ma afɔlebɔlɛ yɛɛ nza afɔlebɔlɛ ne anwo.+ 35  “‘Kenle mɔtwɛ ne azo, bɛyɛ nyianu nwuanzanwuanza. Ɔnle kɛ bɛyɛ gyima ɛsesebɛ biala.+ 36  Bɛbava ɛnlankɛ nyinli ko, boane nyinli ko yɛɛ mboane mralɛ nyinli nsuu mɔɔ biala ɛli ɛvolɛ ko na bɛte kpɔkɛ la bɛabɔ ɛyelalɛ afɔle kɛ afɔlebɔlɛ evuanlɛ mɔɔ Gyihova anye die nwolɛ* la,+ 37  na bɛava nlankɛ nyinli ne mɔ, mboane nyinli ne mɔ yɛɛ mboane mralɛ nyinli ne mɔ dodo ne anwo ma afɔlebɔdeɛ nee bɛ nza afɔlebɔdeɛ bɛaboka nwo kɛ mɔɔ bɛyɛ ye dahuu la, 38  na bɛava abɔnkye ko bɛabɔ ɛtane afɔle bɛaboka dahuu ɛyelalɛ afɔlebɔlɛ nee nwolɛ ma afɔlebɔlɛ yɛɛ nza afɔlebɔlɛ ne anwo.+ 39  “‘Bɛbabɔ afɔle ɛhye mɔ bɛamaa Gyihova wɔ bɛ ɛvoyialilɛ ne mɔ+ abo bɛaboka bɛ ɛwɔkɛ afɔlebɔlɛ+ nee afɔle mɔɔ bɛfi bɛ ɛhulolɛ nu bɛbɔ+ kɛ ɛyelalɛ afɔlebɔlɛ+ nee bɛ ma afɔlebɔlɛ+ nee bɛ nza afɔlebɔlɛ+ yɛɛ bɛ anzodwolɛ afɔlebɔlɛ+ ne mɔ la anwo.’” 40  Mosisi hanle edwɛkɛ biala mɔɔ Gyihova hanle hilele ye la hilele Yizilayɛma.

Ɔbodwɛkɛ

^ Hibulu aneɛ nu, “akunlu dwo nwolɛ.”
^ Hibulu aneɛ nu, “akunlu dwo nwolɛ.”
^ Anzɛɛ “bɛ ɛkɛla nyane.” “Awie kile ɔ nwo nyane” kile kɛ ɔbadua ɔ nwo ninyɛne bie mɔ, bie a le ɛhɔnehyelɛ.
^ Hibulu aneɛ nu, “akunlu dwo nwolɛ.”
^ Hibulu aneɛ nu, “akunlu dwo nwolɛ.”
^ Hibulu aneɛ nu, “akunlu dwo nwolɛ.”
NGƐLƐLERA NWUANZANWUANZA—EWIADE FOFOLƐ NGILEBƐBO
Nɔmbɛse 29
Nzema
Kenga Baebolo Ne Wɔ Yintanɛte Ne Azo
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt m. 40