Nihɛmaya 1:1-11
1 Hakalaya ara Nihɛmaya* edwɛkɛ+ ɛne: Wɔ Keselɛve* siane ne anu, wɔ belemgbunli ne* tumililɛ ɛvolɛ 20 ne anu, ɛnee mewɔ Hyuhyan*+ belemgbunli sua nu ɛkɛ.
2 Mekɛ zɔhane Haneenae+ mɔɔ le me mediema ne mɔ anu ko la nee menli bie vi Dwuda rale, na membizale bɛ kɛzi Dwuuma mɔɔ bɛha mɔɔ bɛvile akɛlɛzonlenlɛ nu la anwo de,+ nee kɛzi Gyɛlusalɛm noko de la.
3 Bɛbuale kɛ: “Bɛdabɛ mɔɔ bɛha mɔɔ bɛwɔ maanzinli ne anu mɔɔ bɛvile akɛlɛzonlenlɛ nu la tɛnlabelɛ ne ɛnle kpalɛ fee na ɔyɛ bɛ nyiane.+ Bɛbubu Gyɛlusalɛm bane ne,+ na bɛdo senle wɔ ye nlenkɛ mgbole ne mɔ anu bɛyela bɛ.”+
4 Mɔɔ mendele edwɛkɛ ɛhye ala la, mendɛnlanle aze na membɔle ɔ bo menzunle na menlile nyane kenle dɔɔnwo, mengɔle zo mengyele ɛhɔne+ na menyɛle asɔne wɔ anwuma Nyamenle ne anyunlu.
5 Menganle kɛ: “O Gyihova, Nyamenle mɔɔ ɛwɔ anwuma,* Nyamenle bedevinli mɔɔ ɛ nwo yɛ ɛzulolɛ mɔɔ ɛdi wɔ ngyekyeleɛ zo na ɛda ɛlɔlɛ kpundii ali ɛkile bɛdabɛ mɔɔ bɛkulo wɔ na bɛdi wɔ mɛla ne mɔ azo la,+
6 mesɛlɛ wɔ, gyele ɛ nzo na buke ɛ nye, na tie wɔ sonvolɛ asɔne mɔɔ melɛyɛ ye ɛnɛ, alehyenlɛ nee aledwolɛ+ meamaa wɔ azonvolɛ Yizilayɛma la. Melɛka ɛtane mɔɔ Yizilayɛma ɛyɛ ɛtia wɔ la anwo edwɛkɛ meahile wɔ. Yɛyɛ ɛtane, medame nee me papa sua nu amra.+
7 Yɛyɛ ɛtane kpole yɛtia wɔ+ ɔluakɛ yɛanli wɔ mɛla, wɔ adehilelɛ nee wɔ ndɛnebualɛ mɔɔ ɛvale ɛmaanle wɔ sonvolɛ Mosisi la azo.+
8 “Mesɛlɛ wɔ, kakye edwɛkɛ ne mɔɔ ɛhanle ɛhilele* wɔ sonvolɛ Mosisi la kɛ: ‘Saa bɛanli nɔhalɛ a, mebabɔ bɛ asande wɔ maanle maanle ne mɔ anu.+
9 Noko saa bɛsia bɛba me ɛkɛ na bɛdi me mɛla ne mɔ azo bɛyɛ tieyɛ a, wɔ menli ne ɛbɔ asande ɛhɔ azɛlɛ* ne ɛleka biala bɔbɔ a, mebaboɔboa bɛ nloa+ meavi nehane na meava bɛ meara ɛleka mɔɔ meye mezie ɛkɛ ne kɛ me duma ɛdɛnla la.’+
10 Bɛle wɔ azonvolɛ nee wɔ menli mɔɔ ɛvale wɔ tumi nee wɔ anwosesebɛ kpole* ne ɛliele bɛ a.+
11 O Gyihova, mesɛlɛ wɔ, yɛ ɛnzolɛ tie wɔ sonvolɛ asɔneyɛlɛ nee wɔ azonvolɛ mɔɔ bɛkulo kɛ bɛsulo wɔ duma ne la asɔneyɛlɛ, mesɛlɛ wɔ, maa ɔwie wɔ sonvolɛ boɛ ɛnɛ, na maa nrenyia ɛhye ɛze me anwunvɔne.”+
Ɛnee mele belemgbunli ne nzasuvolɛ.+
Ɔbodwɛkɛ
^ Ɔ bo kile “Gyaa Le Arɛlekyekyelɛ.”
^ Ɛhye kile, Atazɛzɛse.
^ Anzɛɛ “Susa.”
^ Hibulu aneɛ nu, “anwuma Nyamenle.”
^ Anzɛɛ “kɔkɔbɔlɛ mɔɔ ɛvale ɛmaanle.”
^ Hibulu aneɛ nu, “anwuma.”
^ Hibulu aneɛ nu, “tumi ɛsalɛ.”
