Nihɛmaya 10:1-39
10 Bɛdabɛ mɔɔ bɛvale bɛ sa bɛwulale kɛlata ne abo+ la ɛne:
Hakalaya ara Amɛnlado* Nihɛmaya,Akee Zɛdikaya,
2 Sɛlaya, Azalaya, Gyɛlɛmaya,
3 Pahyɛ, Amalaya, Malekaegya,
4 Hatɛhye, Hyɛbanaya, Malɛke,
5 Heelem,+ Mɛlemɔto, Obadaya,
6 Daneɛle,+ Genɛtɔn, Bɛlɛke,
7 Mɛhyɛlam, Abaegya, Megyamen,
8 Meeyazaya, Belegae nee Hyɛmaya; bɛmɛ a bɛle ɛsɔfoma a.
9 Livaema ne noko ɛne: Azanaya ara Gyɛhyua, Bɛnuwae mɔɔ boka Hɛneedade abozoamra ne mɔ anwo la, Kademeɛle,+
10 nee bɛ mediema Hyɛbanaya, Hodaya, Kɛlaeta, Pɛlaya, Heenan,
11 Mayeka, Rilihɔbo, Hahyabaya,
12 Zakɛ, Hyɛlibaya,+ Hyɛbanaya,
13 Hodaya, Beenae nee Bɛnaenu.
14 Menli ne mgbanyima: Peelɔhye, Peehate-mowabe,+ Yilam, Zatu, Beenae,
15 Bɛnae, Azegaade, Bibae,
16 Adonaegya, Begevae, Eden,
17 Etɛ, Hɛzikaya, Azɛ,
18 Hodaya, Heehyɛm, Bizae,
19 Heelefe, Anatɔto, Nibae,
20 Magepeahye, Mɛhyɛlam, Hizɛ,
21 Mihyɛzɛbɛle, Zeedɔko, Gyadua,
22 Pɛlataya, Heenan, Anaya,
23 Hohyia, Hananaya, Hahyɛbe,
24 Halohɛhye, Peleha, Hyobɛke,
25 Rilihɛm, Hahyabena, Meeyasaya,
26 Ahaegya, Heenan, Enan,
27 Malɛke, Heelem yɛɛ Beeyanaa.
28 Menli mɔɔ hale la—ɛsɔfoma, Livaema, nlenkɛ mgbole sinzavolɛma, edwɛndolɛma, ɛzonlenlɛsua ne anu sonvolɛma* nee awie biala mɔɔ ɛhwe ɔ nwo ɛvi menli mɔɔ de azɛlɛ ne azo anwo kɛ ɔdi nɔhalɛ Nyamenle ne Mɛla zo+ nee bɛ ye mɔ, bɛ mra mrenyia nee bɛ mra mraalɛ yɛɛ awie biala mɔɔ kola te ndane ne abo la—
29 hɔbokale bɛ mediema, bɛ menli titili ne mɔ anwo. Bɛhanle ndane bɛlile amonle kɛ bɛbali nɔhalɛ Nyamenle ne Mɛla ne mɔɔ bɛluale nɔhalɛ Nyamenle ne sonvolɛ Mosisi anwo zo bɛvale bɛmaanle la azo, na bɛali Gyihova, yɛ Awulae ne, mɛla kɔsɔɔti, ye ndɛnebualɛ nee ye ngyehyɛleɛ ne mɔ azo kpalɛ.
30 Yɛnrɛva yɛ mra mraalɛ yɛnrɛmaa menli mɔɔ de azɛlɛ ne azo la, yɛɛ yɛnrɛlie bɛ mra mraalɛ noko yɛnrɛmaa yɛ mra mrenyia.+
31 Saa menli mɔɔ de azɛlɛ ne azo la fa bɛ ninyɛne nee bɛ ma ngakyile ba kɛ bɛbadɔne ye wɔ Ɛnwomenlelielɛ kenle a, yɛnrɛdɔ bɛ debie biala wɔ Ɛnwomenlelielɛ kenle+ anzɛɛ kenle nwuanzanwuanza+ biala. Eza ɛvolɛ mɔɔ tɔ zo nsuu la, yɛbamaa azɛlɛ ne alie ɔ menle+ yɛɛ yɛbava kakɛ biala yɛahyɛ.+
32 Eza yɛliele yɛdole nu kɛ ɛvolɛ biala yɛ nuhua ko biala bava hyikɛle* ngyɛnu nsa anu ko araboa gyima ne mɔɔ bɛyɛ ye wɔ yɛ Nyamenle ne sua nu* la,+
33 bɛbava bɛayɛ ninyɛne ɛhye mɔ: paano ne mɔɔ bɛgua ye ekpunli ekpunli,*+ dahuu ma afɔlebɔlɛ ne,+ dahuu ɛyelalɛ afɔle ne mɔɔ bɛbɔ ye Ɛnwomenlelielɛ kenle+ nee siane fofolɛ+ nu la, ɛvoyia ngakyile ne mɔ,+ ninyɛne nwuanzanwuanza ne, ɛtane afɔlebɔlɛ ne mɔɔ bɛfa bɛkpɔda Yizilayɛma ati+ nee gyima mɔɔ bɛyɛ ye wɔ yɛ Nyamenle ne sua nu la amuala.
34 Eza yɛguale ma* kɛ mɔɔ yɛ mbusua ne mɔ de la, amaa yɛanwu ɛyɛne mɔɔ ɔwɔ kɛ ɛsɔfoma, Livaema nee menli ne fa ba yɛ Nyamenle ne sua nu ɛvolɛ biala wɔ mekɛ mɔɔ bɛhile la anu la, amaa bɛayela ye wɔ Gyihova yɛ Nyamenle ne afɔlemokyea ne azo, kɛ mɔɔ bɛhɛlɛ ye wɔ Mɛla ne anu la.+
35 Eza ɛvolɛ biala, yɛbava yɛ azɛlɛ ne azo ma mɔɔ kɛlimoa kɛbolo nee baka biala ma mɔɔ kɛlimoa kɛbolo la yɛara Gyihova sua nu,+
36 nee yɛ belamunli mralɛ yɛɛ yɛ nyɛmoa belamunli mralɛ+—kɛ mɔɔ bɛhɛlɛ ye wɔ Mɛla ne anu la—nee yɛ nlankɛ yɛɛ yɛ mboane belamunli mralɛ. Yɛbava yɛara yɛ Nyamenle ne sua nu, yɛamaa ɛsɔfoma mɔɔ sonle wɔ yɛ Nyamenle ne sua nu la.+
37 Eza yɛbava yɛ ma mɔɔ limoa la esamo,*+ yɛ ahyɛlɛdeɛ, baka biala azo ma,+ nwanye fofolɛ nee nwole,+ yɛarɛlɛ ɛsɔfoma ne wɔ ninyɛnezielɛ ɛleka* ne wɔ yɛ Nyamenle ne sua nu,+ na yɛava yɛ azɛlɛ ne azo ninyɛne ngyɛnu bulu anu ko ne yɛamaa Livaema ne,+ ɔluakɛ Livaema ne a dielie ngyɛnu bulu anu ngoko ne wɔ yɛ azuamgbole mɔɔ bɛyɛ ɛbɔ nu gyima* wɔ zo la kɔsɔɔti azo a.
38 Na ɔwɔ kɛ ɛsɔfo, Aalɔn abozoamra ne mɔ anu ko nee Livaema ne kɔ wɔ mekɛ mɔɔ Livaema ne ɛlɛdielie ngyɛnu bulu anu ngoko ne la; na ɔwɔ kɛ Livaema ne noko fa ngyɛnu bulu anu ngoko ne anu ngyɛnu bulu anu ko ne kɔ yɛ Nyamenle ne sua nu,+ ninyɛnezielɛ ɛleka ne ekpumgbunli* ne mɔ anu.
39 Na ɔwɔ kɛ Yizilayɛma nee Livaema fa bɛ ma ahyɛlɛdeɛ ne,+ nwanye fofolɛ nee nwole ne+ kɔ ninyɛnezielɛ ɛleka ne, ɛkɛ ne a ɛzonlenlɛsua ne anu ahyɛnze ne mɔ nee ɛsɔfoma mɔɔ bɛsonle, nlenkɛ mgbole sinzavolɛma nee edwɛndolɛma ne wɔ a. Yɛnrɛbu yɛ nye yɛnrɛgua yɛ Nyamenle ne sua ne azo.+
Ɔbodwɛkɛ
^ Anzɛɛ “Nɛtinɛmma.” Hibulu aneɛ nu, “bɛdabɛ mɔɔ bɛva bɛ bɛmaa.”
^ Anzɛɛ “ɛzonlenlɛsua ne anu.”
^ Ɛhye kile, paano mɔɔ bɛfa bɛkile.
^ Nea Edwɛkɛbohilelɛ.
^ Anzɛɛ “egyinli.”
^ Anzɛɛ “aleɛlilɛ ɛleka.”
^ Anzɛɛ “ɛdɔkɛ.”
^ Anzɛɛ “aleɛlilɛ ɛleka.”
