Nihɛmaya 11:1-36
-
Gyɛlusalɛm yɛle menli dɔɔnwo bieko (1-36)
11 Na menli ne anu mgbanyima ne mɔ dɛnlanle Gyɛlusalɛm;+ noko menli mɔɔ hale la guale ma*+ yele abusua ko wɔ mbusua bulu biala anu kɛ bɛhɔdɛnla Gyɛlusalɛm, suakpole nwuanzanwuanza ne azo, na nuhua ngɔnla ne adɛnlɛdɛnla azuamgbole mɔɔ ɛha la azo.
2 Eza menli ne yilale mrenyia mɔɔ dule bɛ nwo maanle kɛ bɛkadɛnla Gyɛlusalɛm la.
3 Na ɛhye mɔ a le maanzinli ne anu menli titili mɔɔ dɛnlanle Gyɛlusalɛm la. (Yizilayɛma mɔɔ ɛha, ɛsɔfoma, Livaema, ɛzonlenlɛsua ne anu sonvolɛma*+ nee Sɔlɔmɔn sonvolɛma ne abozoamra,+ dɛnlanle Dwuda azuamgbole mɔɔ ɛha la azo, awie biala dɛnlanle ye azɛlɛ zo wɔ ye sua zo.+
4 Eza Dwuda nee Bɛngyaman abozoamra ne bie mɔ dɛnlanle Gyɛlusalɛm.) Dwuda abozoamra a le Ataya, Yuzaya ara, Zɛkalaya ara, Amalaya ara, Hyɛfataya ara, Mahalalɛle mɔɔ vi Pilɛze abusua nu,+
5 nee Meeyasaya ara, Bɛlɛke ara, Kɔlehozi ara, Hazaya ara, Adaya ara, Dwɔyalebe ara Zɛkalaya mɔɔ vi Hyila abusua nu la.
6 Pilɛze abozoamra kɔsɔɔti mɔɔ dɛnlanle Gyɛlusalɛm la le katakyiema 468.
7 Yɛɛ Bɛngyaman abozoamra ɛne: Salu,+ Mɛhyɛlam ara, Dwowɛde ara, Pɛdaya ara, Kolaya ara, Meeyasaya ara, Yeteɛle ara, Gyɛhyeya ara,
8 na saa ɛvi ɔ nwo zo a Gabeeyae nee Saleeyae, 928;
9 na ɛnee Zekelae ara Dwowɛle a le bɛ neavolɛ a, yɛɛ Hasɛnua ara Dwuda a le suakpole ne azo neavolɛ mɔɔ tɔ zo nwiɔ a.
10 Wɔ ɛsɔfo ne mɔ anu: Gyedeeya, Dwɔyalebe ara, Gyeeken,+
11 Sɛlaya, Helekaya ara, Mɛhyɛlam ara, Zeedɔko ara, Mɛlayɔto ara, Ahaetɛbe+ ara, ɔle adekilevolɛ wɔ nɔhalɛ Nyamenle ne sua* nu ɛkɛ,
12 nee bɛ mediema mɔɔ yɛle sua ne anwo gyima la, 822; nee Adaya, Gyɛloham ara, Pɛlalaya ara, Amezae ara, Zɛkalaya ara, Pahyɛ+ ara, Malekaegya ara
13 nee ɔ mediema, mbusua mgbanyima, 242; yɛɛ Amahyesae, Azaleɛle ara, Aazae ara, Mɛhyilɛmɔto ara, Yemɛ ara,
14 nee bɛ mediema mrenyia mɔɔ anwo yɛ se na bɛlɛ akɛnrasesebɛ la, 128; na ɛnee Zabedeɛle mɔɔ vi abusua titili bie anu la a le bɛ neavolɛ a.
15 Na wɔ Livaema ne mɔ anu: Hyɛmaya,+ Hahyɛbe ara, Azelaekam ara, Hahyabaya ara, Bɛnae ara,
16 yɛɛ Hyabɛtae+ nee Dwozabade+ le mgbanyima wɔ Livaema anu, bɛmɛ a bɛnea nɔhalɛ Nyamenle ne sua ne anwo gyima mɔɔ bɛyɛ ye wɔ alienwo la azo a;
17 nee Matanaya,+ Maeka ara, Zabedae ara, Esafe+ ara, yemɔ a li edwɛndolɛma ne ati a, ɔlile bɛ nyunlu bɛdole ayɛlɛyelɛ edwɛne wɔ asɔneyɛlɛ ne anu,+ nee Bakebukaya mɔɔ le ye boavolɛ la yɛɛ Abeda, Hyamua ara, Geelale ara, Gyɛdutɛn+ ara.
18 Livaema mɔɔ bɛwɔ suakpole nwuanzanwuanza ne azo la kɔsɔɔti le 284.
19 Na nlenkɛ mgbole sinzavolɛma a le Akɛbe, Talemɔn,+ nee bɛ mediema mɔɔ zinzale nlenkɛ mgbole ne mɔ la, 172.
20 Yizilayɛma mɔɔ hale la, ɛsɔfoma nee Livaema ne dɛnlanle Dwuda azuamgbole mɔɔ ɛha la kɔsɔɔti azo, awie biala dɛnlanle ɔdaye ye azɛlɛ* zo.
21 Ɛzonlenlɛsua ne anu sonvolɛma ne*+ dɛnlanle Ofɛle,+ na Zaeha nee Gehyepa a nleanle ɛzonlenlɛsua ne anu sonvolɛma ne* anwo zo a.
22 Livaema mɔɔ wɔ Gyɛlusalɛm la neavolɛ a le Ɛzae, Beenae ara, Hahyabaya ara, Matanaya+ ara, Mayeka mɔɔ vi Esafe abusua nu, edwɛndolɛma ne; ɔdaye a ɛnee ɔnea nɔhalɛ Nyamenle ne sua ne anu gyima ne azo a.
23 Na belemgbunli ne lile mɛla na ɔmaanle bɛyɛle ngyehyɛleɛ bɛmaanle edwɛndolɛma+ ne kɛ bɛva ninyɛne mɔɔ bɛhyia nwo la bɛmaa bɛ kenle ko biala.
24 Ɛnee Pɛtahaya, Mihyɛzɛbɛle ara, Zila ara, Dwuda ara, a le belemgbunli ne folɛtuvolɛ wɔ menli ne edwɛkɛ biala anu a.
25 Mɔɔ fale ɛleka mɔɔ bɛdɛnlanle nee bɛ egyinli ne mɔ anwo la, Dwuda abozoamra ne bie mɔ hɔdɛnlanle Keleate-aaba,+ Daebɔn nee Gyɛkabezile.+ Eza bɛdɛnlanle azua nee ɛleka mɔɔ zuozua bɛ la azo,
26 wɔ Gyɛhyua, wɔ Moleeda,+ wɔ Bɛte-pilɛte,+
27 wɔ Heeza-hyuale,+ wɔ Biyɛ-hyiba nee azua mɔɔ zuozua ye la azo,
28 wɔ Zekelage,+ wɔ Mɛkona nee azua mɔɔ zuozua ye la azo,
29 wɔ Ɛn-relemɔn,+ wɔ Zola+ nee Gyaamɔto,
30 wɔ Zanowa,+ wɔ Adulam nee ɛleka mɔɔ bɛdɛnlanle la, wɔ Leekehye+ nee ye ɛya* ne mɔ anu yɛɛ Azika+ nee azua mɔɔ zuozua ye la azo. Bɛdɛnlɛdɛnlanle Biyɛ-hyiba too bɛhɔdwule Henɛm Bɔnza+ ne anu.
31 Na Bɛngyaman abozoamra ne dɛnlanle Giba,+ Mekemahye, Ayegya, Bɛtɛle+ nee azua mɔɔ zuozua bɛ la,
32 Anatɔto,+ Nɔɔbo,+ Ananaya,
33 Heezɔ, Releema,+ Geteeyem,
34 Heedede, Zɛboyem, Nɛbalate,
35 Lɔɔdo nee Ono,+ dwinvolɛma bɔnza ne anu.
36 Na bɛmaanle Livaema mɔɔ bɛhyehyɛ bɛ nu la bie mɔ mɔɔ bɛwɔ Dwuda la hɔdɛnlanle Bɛngyaman azɛlɛ ne azo.
Ɔbodwɛkɛ
^ Nea Edwɛkɛbohilelɛ.
^ Anzɛɛ “ɛzonlenlɛsua.”
^ Anzɛɛ “ɔdaye mumua ne ye agyapadeɛ.”
^ Anzɛɛ “egyinli.”
