Nihɛmaya 5:1-19
5 Noko, menli ne nee bɛ ye mɔ zunle kpole na bɛdendɛle bɛtiale bɛ mediema Dwuuma ne.+
2 Ɛnee bie mɔ ɛlɛka kɛ: “Yɛ nee yɛ mra mrenyia nee mraalɛ, yɛ nwo zonle kpalɛ. Ɔwɔ kɛ yɛnyia aleɛ mɔɔ yɛbali la amaa yɛadɛnla ngoane nu.”
3 Ɛnee bie mɔ noko ɛlɛka kɛ: “Yɛlɛfa yɛ ɛya avule nee yɛ vanye egyinli nee yɛ azua yɛawula awoba amaa yɛanyia aleɛ wɔ ɛhɔne mekɛ nu.”
4 Eza bie mɔ noko hanle kɛ: “Yɛbiza bosea wɔ yɛ ɛya avule nee yɛ vanye egyinli ne mɔ anwo yɛdua belemgbunli adwule ne.+
5 Yɛ nwonane nee yɛ mogya le kɛ yɛ mediema ne mɔ ɛdeɛ ne la,* yɛɛ yɛ mra ne mɔ le kɛ bɛ mra ne mɔ la; noko ɔwɔ kɛ yɛmaa yɛ mra mrenyia nee yɛ mra mraalɛ yɛ ngɛkɛlɛ, na yɛ mra mraalɛ ne mɔ bie ɛyɛ ngɛkɛlɛ+ dɛbadɛba. Noko yɛngola yɛnyɛ nwolɛ ɛhwee, ɔluakɛ yɛ ɛya avule nee yɛ vanye egyinli ne mɔ ɛpɛ ɛli awie mɔ asa anu.”
6 Mɔɔ mendele bɛ ɛzunlɛ ne nee edwɛkɛ ɛhye mɔ la, menvale ɛya kpole.
7 Ɔti menzuzule ninyɛne ɛhye mɔ anwo wɔ me ahonle nu, na me nee menli titili nee mgbanyima ne mɔ anyɛ adwenle na menzele bɛ kɛ: “Bɛ nuhua biala ɛlɛdie mpaefoa avi ɔ diema ɛkɛ.”+
Na bɛdabɛ ti, menvɛlɛle ayia kpole bie.
8 Na menzele bɛ kɛ: “Yɛbɔle mɔdenle mɔɔ kɛyɛ boɛ yɛkpɔnenle yɛ mediema Dwuuma mɔɔ bɛdɔnenle bɛ bɛmaanle maanle maanle ne mɔ la; noko kɛkala bɛtɔne bɛ mediema ne mɔ+ bieko ɔ, yɛzia yɛdɔ bɛ bieko ɔ?” Na bɛdɔle mumule, bɛandɛ bɛ nloa anu.
9 Akee menzele bɛ kɛ: “Mɔɔ bɛlɛyɛ la ɛnle kpalɛ. Asoo ɔnle kɛ bɛfa yɛ Nyamenle ne anwo ɛzulolɛ bɛdua+ na maanle maanle ne mɔ, yɛ agbɔvolɛ ambɔ yɛ aholoba ɔ?
10 Bieko, ɛnee medame, me mediema ne mɔ nee me sonvolɛma ɛlɛfɛne bɛ ezukoa nee aleɛ. Mesɛlɛ bɛ, bɛmaa yɛgyakyi mpaefoa ɛlielɛ ne.+
11 Mesɛlɛ bɛ, bɛva bɛ ɛya avule,+ bɛ vanye egyinli, bɛ ɔlivi mbaka nee bɛ azua yɛɛ ezukoa ngyɛnu ɛya ko anu ko ne,* aleɛ, nwanye fofolɛ nee nwole mɔɔ bɛlɛdie nwolɛ mpaefoa la bɛmaa bɛ ɛnɛ kenle ye.”
12 Na bɛhanle kɛ: “Yɛbava bɛ debie biala yɛamaa bɛ na yɛnrɛlie bɛ ɛhwee. Yɛbayɛ ye kɛ mɔɔ wɔha la pɛpɛɛpɛ.” Ɔti menvɛlɛle ɛsɔfoma ne memaanle mrenyia ɛhye mɔ hanle ndane kɛ bɛbali ɛwɔkɛ ɛhye azo.
13 Eza memkpokpole me tɛladeɛ* ne anu na menganle kɛ: “Awie biala mɔɔ anli ɛwɔkɛ ɛhye azo la, zɔhane ala a nɔhalɛ Nyamenle ne ɛkpokpo ye ɛvi ye sua nu nee ye agyadeɛ nwo a, wɔ adenle ɛhye azo, bɛkpokpo ye bɛmaa ye debie biala ɛvi ɔ sa.” Na asafo ne amuala hanle kɛ: “Amen!” Na bɛyele Gyihova ayɛlɛ, na menli ne yɛle mɔɔ bɛhanle la.
14 Bieko, ɔvi kenle mɔɔ Belemgbunli Atazɛzɛse+ maanle menyɛle bɛ amɛnlado+ wɔ Dwuda azɛlɛ zo, ɔvi ye ɛvolɛ 20 ne azo+ kɔdwu ye ɛvolɛ 32 ne azo,+ mɔɔ ɔle ɛvolɛ 12 la, medame anzɛɛ me mediema ne mɔ ɛtɛdile aleɛ mɔɔ ɔwɔ kɛ bɛfa bɛmaa amɛnlado ne la.+
15 Noko ɛnee amɛnladoma mɔɔ limoa me nyunlu la ɛzoa menli ne adesoa na ɛnee bɛdie dwɛtɛ fufule hyikɛle* 40 kenle ko biala bɛfa bɛtɔ aleɛ nee nwanye. Bɛ sonvolɛma ne noko sisile menli ne. Noko meanyɛ zɔ+ ɔluakɛ mesulo Nyamenle.+
16 Eza menzɔle nu a bɛyɛle bane ɛhye anwo gyima ne a, yɛɛ yɛanlie ɛya avule biala;+ me sonvolɛma ne kɔsɔɔti boɔboale bɛ nloa wɔ ɛkɛ maanle gyima ne.
17 Ɛnee Dwuuma nee mgbanyima 150, yɛɛ bɛdabɛ mɔɔ bɛvi maanle maanle ne mɔ anu bɛrale yɛ nwo ɛkɛ la di debie wɔ me ɛkponle zo.
18 Kenle ko biala, memaa bɛku ɛnlankɛ ko, mboane mɔɔ ɛlɔ la nsia nee nloma yɛdi,* na kenle bulu biala memaa bɛ nwanye ngakyile dɔɔnwo. Ɛhye amuala anzi, meanlie aleɛ mɔɔ ɔwɔ kɛ bɛfa bɛmaa amɛnlado ne la, ɔluakɛ ɛnee menli ne zo adesoa.
19 O me Nyamenle, kakye me wɔ adenle kpalɛ zo, wɔ mɔɔ meyɛ memaa menli ɛhye mɔ la kɔsɔɔti anwo.+
Ɔbodwɛkɛ
^ Hibulu aneɛ nu, “yɛ nwonane le kɛ yɛ mediema ne mɔ nwonane la.”
^ Bɛdie ezukoa ɛhye siane biala.
^ Hibulu aneɛ nu, “memkpokpole me kɛnra anu.”
^ Anzɛɛ “metua nwolɛ kakɛ.”
