Sɔlɔmɔn Edwɛne 1:1-17
1 Edwɛne nu edwɛne,* Sɔlɔmɔn edwɛne ɛne:+
2 “Maa ɔva ɔ nloa ɔvo me nloa anwo,Ɔluakɛ wɔ ɛhulolɛ edwɛkɛ ne* le kpalɛ tɛla nwanye.+
3 Wɔ nwole ne bɔ evuanlɛ kpalɛ.+
Wɔ duma le kɛ nwole evuanlɛ mɔɔ bɛlɛwola la.+
Ɛhye ati a mbɛlɛra ne mɔ kulo wɔ la.
4 Maa memboka ɛ nwo;* maa yɛnriandi.
Belemgbunli ne ɛva me ɛra ye suakunlu ɛke!
Maa yɛlie yɛ nye na yɛli fɛlɛko.
Maa yɛhanvo wɔ ɛhulolɛ edwɛkɛ ne* yɛdɛla nwanye.
Ɔnyɛ ɛzulolɛ kɛ bɛkulo* wɔ la.
5 O Gyɛlusalɛm mraalɛ, mele bile noko me nwo yɛ fɛKɛ Kidaa ɛdanlɛ azua,+ kɛ Sɔlɔmɔn ɛdanlɛ azua.+
6 Bɛmmanea me kɛ medu a,Ɔluakɛ sɛnzɛne ne a ɛmaa melu a.
Me mame amra mrenyia ne mɔ vale me nwo ɛya;Bɛyele me kɛ menea vanye egyinli ne mɔ azo,Noko me vanye egyinli ɛdeɛ ne, meannea zolɛ.
7 Wɔmɔ mɔɔ mekulo wɔ kpalɛ* la, kile meƐleka mɔɔ ɛfa wɔ mboane ne ɛkɔ adidi,+Ɛleka mɔɔ ɔdwu ewiazo a ɛmaa bɛda la.
Duzu ati a ɔwɔ kɛ meyɛ kɛ raalɛ mɔɔ ɛva ɛdanlɛ* ɛkyekye ɔ nwoWɔ ɛ gɔnwo mɔ mboane avinli ɛ?”
8 “O wɔmɔ mɔɔ ɛ nwo yɛ fɛ tɛla mraalɛ kɔsɔɔti, saa ɛnze a,Kɔlua mboane ne mɔ agyakɛ abo zoNa maa wɔ mbɔnkye mralɛ ne mɔ ɛdidi mboaneneavolɛma ne ɛdanlɛ azua ne mɔ anwo.”
9 “Me kulovolɛ, mefa wɔ metoto ɛkpɔnwɔ belɛ mɔɔ wɔ mgbɔnwɔ mɔɔ twe Falo ehwili ne mɔ anu la anwo.+
10 Ɛ nvoka nee agudeɛ* le kɛnlɛma,Ɛ kɔme nee ndweabane le kɛnlɛma.
11 Yɛbayɛ nvutuke agudeɛ* yɛamaa wɔNa yɛava dwɛtɛ fufule yɛaduodua nu.”
12 “Mekɛ mɔɔ belemgbunli ne kɛdɛnla ye ɛkponle ne anwo la,Me anatele*+ ne evuanlɛ fa ɛkɛ.
13 Me kulovolɛ ne le kɛ alufuanlɛ kodoku+Mɔɔ la me nyɛfo avinli nɔsolɛ nu la.
14 Me kulovolɛ ne le kɛ hɛna felawɔse siakɛ+Wɔ Ɛn-gidae vanye egyinli nu.”+
15 “Nea! Me kulovolɛ, ɛ nwo yɛ fɛ.
Nea! Ɛ nwo yɛ fɛ. Ɛ nye ma le kɛ abubule nye.”+
16 “Nea! Me kulovolɛ, ɛ nwo yɛ fɛ yɛɛ ɛ nwo yɛ anyelielɛ.+
Yɛ ɛkpa a le ndile amolɛ ne.
17 Yɛ sua* ndaboa ne mɔ le sida mbaka,Yɛɛ yɛ mgbunla ne mɔ le dwunipa mbaka.
Ɔbodwɛkɛ
^ Anzɛɛ “Edwɛne mɔɔ tɛla biala.”
^ Anzɛɛ “wɔ ɛhulolɛ ne mɔɔ ɛda ye ali la.”
^ Hibulu aneɛ nu, “Twe me di ɛ nzi.”
^ Anzɛɛ “yɛha wɔ ɛhulolɛ edwɛkɛ ne anwo edwɛkɛ.”
^ Ɛhye kile, mbɛlɛra ne mɔ.
^ Anzɛɛ “me ɛkɛla kulo wɔ.”
^ Anzɛɛ “nyanelilɛ ɛdanlɛ.”
^ Anzɛɛ ɔkola ɔkile, “nee enrinli mɔɔ bɛnwo la.”
^ Anzɛɛ “abotile.”
^ Hibulu aneɛ nu, “naade.”
^ Anzɛɛ “sua kpole.”
