Sɔlɔmɔn Edwɛne 3:1-11
3 “Nɔɔzo mɔɔ mela me ɛkpa ne azo la,Memkpondɛle me* kulovolɛ ne.+
Memkpondɛle ye, noko meannwu ye.+
2 Mebadwazo mealuolua sua ne azo;Awɔdenle ne mɔ nee gua ne azo,Meakpondɛ me* kulovolɛ ne.
Memkpondɛle ye, noko meannwu ye.
3 Sinzavolɛma mɔɔ luolua sua ne azo la nwunle me.+
‘Bɛnwu me* kulovolɛ ne ɔ?’
4 Menzenle bɛ nwo ala laYɛɛ menwunle me* kulovolɛ ne a.
Menzɔle ye nu, meammaa yeangɔKɔkpula kɛ me nee ye hɔle me mame sua nu,+Na yɛwolole ahenle mɔɔ nrenzɛle me la suakunlu.
5 O Gyɛlusalɛm mraalɛ, mefa ɛbɔ nu ahɛtɛboɛ nee weɛlɛ mbelɛMeaha ndane meado bɛ nwo kɛ:
Bɛmmatwe me adwenle bɛkɔ ɛhulolɛ zo kɔkpula kɛ ye mekɛ kɛdwu.”+
6 “Duzu a le deɛ ɛhye mɔɔ vi fienemgbole ne anu ɛlɛba kɛ esike mungumungu,Mɔɔ alufuanlɛ nee ɛyɛlɛvuanlɛ,Yɛɛ gualilɛnli pawoda evuanlɛ ngakyile ɛyɛ ye mukumuku la?”+
7 “Nea! Sɔlɔmɔn apɛka ne ɔ.
Mrenyia katakyiema abulasia ɛbɔ ye ɛyia,Yizilayɛ mrenyia katakyiema,+
8 Bɛ muala bɛdedɛ konle dadeɛ,Bɛtete bɛ muala wɔ konle nu,Dadeɛ zia ko biala anwoKɛ bɛfa bɛaho bɛatia debie ɛzulolɛ biala mɔɔ bazi nɔɔzo la.”
9 “Belemgbunli Sɔlɔmɔn apɛka neMɔɔ ɔvale Lɛbanɔn mbaka ɔyɛle ɔmaanle ɔ nwo la ɔ.+
10 Ɔvale dwɛtɛ fufule a ɔyɛle ye mpila ne mɔ a,Ɛleka mɔɔ ɔfa ɔ nzi ɔkisa la le nvutuke.
Ɛleka mɔɔ ɔtɛnla la le ɛdanlɛ kɔkɔlɛ nee buluwu afonla;Yɛɛ Gyɛlusalɛm mraalɛZieziele ɔ kunlu ne kɛnlɛma.”
11 “O Zayɔn mraalɛ, bɛvinde,Bɛhɔnlea Belemgbunli SɔlɔmɔnMɔɔ zo atɔfolɛ abotile ne mɔɔ ye mame yɛle maanle ye+Wɔ kenle mɔɔ ɔgyale ɔ ye,Wɔ kenle mɔɔ ɔ nye liele la.”
