Sɔlɔmɔn Edwɛne 6:1-13
6 “O wɔmɔ mɔɔ ɛ nwo yɛ fɛ tɛla mraalɛ kɔsɔɔti,Wɔ kulovolɛ ne ɛhɔ ni?
Nienwu a wɔ kulovolɛ ne vale a?
Maa yɛ nee wɔ ɛhɔkpondɛ ye.”
2 “Me kulovolɛ ne ɛhɔ ye tola ne anu,Ɛleka mɔɔ mbaka evuanlɛ kofie ne mɔ wɔ la,Kɛ ɔkanlea mboane wɔ ɛkɛNa yeatete aloa.+
3 Me kulovolɛ ne le me ɛdeɛ,+Yɛɛ mele ye ɛdeɛ.
Ɔlɛnea mboane wɔ aloa ne mɔ anu.”+
4 “Me kulovolɛ,+ ɛ nwo yɛ fɛ kɛ Tɛza,*+Ɛle kɛnlɛma kɛ Gyɛlusalɛm,+Ɛle kɛnlɛma kɛ sogyama mɔɔ gyigyi bɛ fɛlɛnra nwo la.+
5 Ye ɛ nye+ fi me nwo,Ɔluakɛ ɔmaa debie tɔ me nwo zo.
Wɔ enrinli le kɛ mbɔnkyeMɔɔ vi Geleade awoka zo ɛlɛtolo la.+
6 Ɛ gye le kɛ mboaneMɔɔ bɛvi ɛleka mɔɔ bɛhɔbiale bɛ bɛra la,Bɛ muala bɛwo ndalɛ,Yɛɛ bɛ nuhua ko bɔbɔ ara ɛtɛwule.
7 Ɛ nvoka le kɛ pɔmegelanate mɔɔ bɛkpuke nuWɔ ɛ ti zo aguzo ne abo.
8 Ɔbahyema 60Nee nwewe* 80Yɛɛ mbɛlɛra dɔɔnwo mɔɔ bɛnze bɛ dodo la wɔ ɛkɛ.+
9 Noko kokye ala a le me abubule+ mɔɔ di munli a.
Ɔ ngomekye a ɔla ye mame ahonle nwo a.
Yemɔ a ahenle mɔɔ wole ye la kulo ye edwɛkɛ kpalɛ a.
Mbɛlɛra ne mɔ nwu ye a bɛkanvo ye;Ɔbahyema nee nwewe* ne mɔ nwu ye, na bɛye ye ayɛlɛ.
10 ‘Nwane a le bɛlɛra ɛhye mɔɔ ɔta* kɛ aleɛbahye,Ɔ nwo yɛ fɛ kɛ siane mumua,Ɔle tagyee kɛ sɛnzɛne,Na ɔle kɛnlɛma kɛ sogyama mɔɔ gyigyi bɛ fɛlɛnra nwo la ɛ?’”+
11 “Mengɔle mbakama tola ne anu lɔ+Kɛ mekanlea ninyɛne fofolɛ mɔɔ ɛfifi bɔnza ne anu* la,Kɛ mekanlea saa vanye ɛyeye nya a,Na meanlea saa pɔmegelanate mbaka ne mɔ ɛbɔ ndotolo a.
12 Me nye zo katete me laƐnee ninyɛne ɛhye mɔ mɔɔ mekulo kɛ menea la* ɛva me ɛhɔMe menli titili ne* ehwili ne mɔ anwo.”
13 “Sia bɛla, sia bɛla, O Hyulam bɛlɛra!
Sia bɛla, sia bɛla,Amaa yɛanlea wɔ!”
“Duzu ati a bɛnea Hyulam bɛlɛra ne a?”+
“Ɔle kɛ menli ekpunli nwiɔ agolezilɛ!”*
Ɔbodwɛkɛ
^ Anzɛɛ “Sua Kɛnlɛma.”
^ Hibulu aneɛ nu, “ɔ nye wɔ aze.”
^ Anzɛɛ “ɛfifi azudenle ne anloa.”
^ Anzɛɛ “Ɛnee me ɛkɛla.”
^ Anzɛɛ “menli mɔɔ lɛ ɛhulolɛ la.”
^ Anzɛɛ “kɛ Meehaneeyem agolezilɛ.”
