Sɔlɔmɔn Edwɛne 7:1-13
7 “O ahunlunyele bɛlɛra,Nea kɛzi ɛ gyakɛ nee mgbɔlaboa le kɛnlɛma la!
Wɔ ɛzɔlɛ ngɛnlɛma ne le kɛ agudeɛ,Dwinvolɛ asa anloa gyima.
2 Ɛ kotoa le kyɛnze kutukpunli.
Nwanye mɔɔ bɛfonlɔfonla ye la mmakpa nu ɛlɛ.
Ɛ ko le kɛ hwiiti edukueMɔɔ aloa ɛbɔ ye ɛyia la.
3 Ɛ nyɛfo nwiɔ ne le kɛ weɛlɛ mralɛ nwiɔ,Ahɛtɛboɛ ndalɛ.+
4 Ɛ kɔme+ le kɛ ɛzɛlɛ* tawa.+
Ɛ nye+ le kɛ Hɛhyebɔn nzubula ne mɔ+Mɔɔ wɔ Bate-relabem anlenkɛ kpole ne anloa la.
Ɛ bonyi le kɛ Lɛbanɔn tawa ne,Mɔɔ anye kile Damasekɛse la.
5 Ɛ ti mɔɔ gyi zo la le kɛ Kamɛle,+Yɛɛ ɛ ti zo enrinli*+ le kɛ ɛdanlɛ kɔkɔlɛ nee buluwu afonla.+
Wɔ enrinli ndendenle ne twehwe* belemgbunli ne.
6 Nea kɛzi ɛ nwo yɛ fɛ, nee kɛzi ɛ nwo yɛ anyelielɛ la,O bɛlɛra kulovolɛ, ɛtɛla debie biala!
7 Ɛgyi zo sengɔɔnwo kɛ arɛlɛ baka,Yɛɛ ɛ nyɛfo le kɛ arɛlɛ betike.*+
8 Menganle kɛ, ‘Mebavo arɛlɛ baka ne,Na meazɔ ye betike ne anu.’
Maa ɛ nyɛfo ɛyɛ kɛ vanye ma siakɛ,Wɔ ɛnwomenle ɛyɛ kɛ ampolo evuanlɛ,
9 Na ɛ nloa ɛyɛ kɛ nwanye kpalɛ.”
“Maa ɔgua bɛtɛɛ ɔmaa me kulovolɛ ne,Na ɔze bɛtɛɛ wɔ bɛdabɛ mɔɔ bɛdeda la anloa anwo.
10 Mele me kulovolɛ ne ɛdeɛ,+Yɛɛ medame ala a ɔkulo me a.
11 O me kulovolɛ, bɛla,Maa yɛhɔ ɛya ne anu lɔ;Maa yɛhɔlie yɛ menle wɔ hɛna mbaka ne mɔ abo.+
12 Maa yɛdwazo ndɛ yɛhɔ vanye egyinli ne anuYɛhɔnlea saa vanye ne ɛyeye nya a,Saa ndotolo ne mɔ ɛkpukekpuke+Na pɔmegelanate ne mɔ ɛbɔ ndotolo a.+
Ɛkɛ ne a mebala me ɛhulolɛ ne ali meahile wɔ a.+
13 Mandileki ne+ mɔ evuanlɛ ɛva ɛkɛ;Mbakama ngɛnlɛma dɔɔnwo wɔ yɛ nlenkɛ ne mɔ anloa.+
O me kulovolɛ, meva dɛba nee fofolɛ amuala,Mezie memaa wɔ.
Ɔbodwɛkɛ
^ Anzɛɛ “ɛzonle mɛne.”
^ Hibulu aneɛ nu, “Yɛɛ ɛ ti.”
^ Anzɛɛ “kyekye.”
^ Bɛdua arɛlɛ ɛhye wɔ Palesetanye.
