Yizikeɛle 15:1-8
-
Gyɛlusalɛm, vanye mɔɔ nvasoɛ ɛnle zo (1-8)
15 Gyihova nee me dendɛle bieko kɛ:
2 “Sonla ra, duzu a vanye baka anzɛɛ vanye baka ngane fa tɛla ɛbɔ nu mbaka mɔɔ ɛha la ɛ?
3 Asoo bɛkola bɛfa ye baka ne bie bɛyɛ gyima? Anzɛɛ menli fa bie yɛ takola na bɛkendɛhenda ahyɛnze wɔ zo ɔ?
4 Nea! Bɛfa bɛyɛ ɛyɛne bɛsɔ senle, na senle ne sɔ ɔ ti nee ɔ ti na ɔyela ye avinli ne. Asoo bɛbahola bɛava bɛayɛ gyima?
5 Mɔɔ ɛnee ɔtɛyelale bɔbɔ la, bɛangola bɛanva bɛanyɛ ɛhwee. Na kɛkala mɔɔ senle ne ɛyela ye la, yɛɛ akee bɛbahola bɛava bɛayɛ gyima a?”
6 “Ɛhye ati mɔɔ Tumivolɛ Awulae Gyihova ɛha la ɛne: ‘Kɛ mɔɔ meva vanye baka mɔɔ wɔ kpɔkɛ nu la memaa kɛ bɛva bɛyɛ ɛyɛne bɛwuda senle la, zɔhane ala a me nee menli mɔɔ de Gyɛlusalɛm la noko bali a.+
7 Medu me nye mezie bɛ nwo. Bɛnriandi bɛvi senle nu, noko senle bayela bɛ. Saa metu me nye mesie bɛ nwo a, bɛbanwu kɛ medame a mele Gyihova a.’”+
8 “‘Na mebamaa azɛlɛ ne adɔ mgbane,+ ɔluakɛ bɛanli nɔhalɛ,’+ Tumivolɛ Awulae Gyihova a se a.”