Zɛkalaya 10:1-12
10 “Bɛbiza Gyihova bɛmaa ɔmaa ezule ɛdɔ wɔ nyenyensuo mekɛ nu.
Gyihova a maa ezule munla a,Ɔdaye a ɔtɔ ezule ɔmaa bɛ a,+Na ɔmaa awie biala nyia aleɛ wɔ ye ɛya nu.
2 Ɔluakɛ tɛlafem ananze* ne mɔ ɛbɔ adalɛ;Yɛɛ bɛdabɛ mɔɔ bɛka kenle bie edwɛkɛ la ɛnwu adalɛ ɛnyelɛzodeɛnwunlɛ.
Bɛka ɛlalɛ mɔɔ nvasoɛ ɛnle zo la anwo edwɛkɛ,Yɛɛ mɔdenle mɔɔ bɛbɔ kɛ bɛkyekye bɛ rɛle la ɛyɛ mgbane.
Ɛhye ati a bɛbaluolua nu kɛ mboane la.
Bɛbanwu amaneɛ, ɔluakɛ bɛnlɛ mboaneneavolɛ.
3 Meva mboaneneavolɛma ne anwo ɛya kpole,Yɛɛ me nee adekilevoma* mɔɔ bɛle nzisi la babu mgbonda;Ɔluakɛ ɛlɔne Gyihova ɛhakyi ɔ nye wɔ ye mboane ne, Dwudama anwo zo,+Na yeyɛ bɛ kɛ ye anyunlunyia ɛkpɔnwɔ wɔ konle nu.
4 Ye ɛkɛ ne a sonla titili ne vi bara a,Tumivolɛ mɔɔ baboa ye la vi ye ɛkɛ ne a bara a,Ye ɛkɛ ne a konle ɛda vi bara a;Neavolɛ* biala bavi ye ɛkɛ ne ara, bɛ muala.
5 Na bɛbayɛ kɛ ɛlɔnema,Mɔɔ tietia awɔdenle zo ndɛtɛlɛ nu wɔ konle nu la.
Bɛbaho ɔluakɛ Gyihova nee bɛ lua;+Na bɛbamaa menli mɔɔ ka mgbɔnwɔ la anyunlu agua aze.+
6 Mebamaa Dwudama anwo ayɛ se,Na mealie Dwosefi abozoamra.+
Mebamaa bɛazia bɛara,Ɔluakɛ mebaze bɛ anwunvɔne;+Na bɛbayɛ kɛ metɛkpole bɛ ɛlɛ la;+Ɔluakɛ medame a mele Gyihova bɛ Nyamenle ne a, na mebadie bɛ.
7 Yifelaemma bayɛ kɛ konle nu katakyiema,Yɛɛ bɛ ahonle bali fɛlɛko kɛ asɛɛ bɛnlo nwanye la.+
Bɛ mra mrenyia banwu ye na bɛ nye alie;Bɛ ahonle bali fɛlɛko wɔ Gyihova anu.+
8 ‘Mebabɔ nvonloma meavɛlɛ bɛ na meaboɔboa bɛ nloa;Ɔluakɛ mebalie bɛ,+ na bɛ nwo bazo,Na bɛ nwo bahɔ zo azo.
9 Memkpondenle bɛ kɛ ma la wɔ maanle maanle ne mɔ anu ɛdeɛ,Noko bɛbahakye me wɔ moamoa;Bɛ nee bɛ mra mrenyia banyia anwosesebɛ fofolɛ na bɛazia bɛara.
10 Mebava bɛ meavi Yigyibiti azɛlɛ zo meazia mearaNa meaboɔboa bɛ nloa meavi Aselea;+Mebava bɛ meara Geleade+ nee Lɛbanɔn azɛlɛ zo,Na bɛnrɛnyia ɛleka bieko bɛnrɛmaa bɛ.+
11 Ɔbava nyanelilɛ yeaze nyevile ne anu;Na wɔ nyevile ne anu ɔbaha azɛlɛkye ne mɔ aze;+Naele basesa too yeahɔdwu ɔ bo.
Aselea anwomemaazo ne baha aze,Na Yigyibiti belemgbunli kpɔma ne bavi ɛkɛ.+
12 Mebamaa bɛ nwo ayɛ se wɔ Gyihova anu,+Na bɛbalua ye duma nu,’+ kɛ Gyihova se la ɛne.”
Ɔbodwɛkɛ
^ Anzɛɛ “mbusua nyamenle; mmonle, awozonle.”
^ Hibulu aneɛ nu, “mbɔnkye nyinli.”
^ Anzɛɛ “Gyimamenle.”
