Zɛkalaya 9:1-17
9 Nyamenle nrɛlaleɛ ɛne:
“Gyihova lɛ edwɛkɛ tia Heedelake azɛlɛ ne,Na ɔbahɔwie Damasekɛse+ anwo zo—Ɔluakɛ Gyihova anye wɔ alesamaNee Yizilayɛ mbusua ne mɔ kɔsɔɔti anwo zo+—
2 Yɛɛ ɔlɛ edwɛkɛ ɔtia Heemate+ mɔɔ ɔ nee ye bɔ ɛweɛne la,Nee Taya+ yɛɛ Saedɛn,+ ɔluakɛ bɛze nrɛlɛbɛ kpalɛ.+
3 Taya ɛzi aranemgbole.
Yeboɔboa dwɛtɛ fufule nloa kɛ munlutuNa yeboɔboa nvutuke nloa kɛ awɔdenle zo ndɛtɛlɛ la.+
4 Nea! Gyihova balie ye agyadeɛ ne mɔ,Na yeaha ye ɛlɔnema yeagua nyevile ne anu;*+Na bɛbayela ye wɔ senle nu.+
5 Ahyekɛlɔn banwu ye na yeazulo;Gaza banwu amaneɛ kpole,Yɛɛ Ɛkelɔn noko, ɔluakɛ bɛmaa mɔɔ ɔ nye la ɔ nwo zo la ɛbɔ anyiemgba.
Gaza ɛnrɛnyia belemgbunli bieko,Yɛɛ menli ɛnrɛdɛnla Ahyekɛlɔn.+
6 Nyɛvolɛ baradɛnla Ahyedɔdo,Na mebaye Filisitia anwomemaazo ne meavi ɛkɛ.+
7 Mebaye ninyɛne mɔɔ mogya wɔ nu la meavi ɔ nloa anuNa meaye kyibadeɛ ninyɛne meavi ɔ gye nu,Na awie* biala mɔɔ bɛbagyakyi ye la bayɛ yɛ Nyamenle ne ɛdeɛ;Na ɔbayɛ kɛ abusua kpanyinli la wɔ Dwuda,+Yɛɛ Ɛkelɔnoma bayɛ kɛ Gyibɛsema la.+
8 Mebadɛnla me sua ne anyunlu meazinza,+Amaa awie biala ampɛ nu wɔ ɛkɛ anzɛɛ amba ɛkɛ;Yɛɛ awie mɔɔ sisi bɛ la ɛnrɛze ɛkɛ ne bieko,+Ɔluakɛ kɛkala meva me nye menwu ye.*
9 O Zayɔn ara raalɛ, di fɛlɛko kpole.
O suakpole Gyɛlusalɛm, fa anyelielɛ tea nu.
Nea! Wɔ belemgbunli ne ɛlɛba ɛ nwo ɛkɛ.+
Ɔle tenlenenli, ɔ nee ngoanelielɛ* ɛlɛba,Ɔbɛlɛ ɔ nwo aze+ yɛɛ ɔde asoaso zo,Ɔde asoaso ralɛ zo, asoaso belɛ ra.+
10 Mebaye konle ehwili meavi YifelaemNa meaye ɛkpɔnwɔ meavi Gyɛlusalɛm.
Bɛbava konle ɛda ne mɔ bɛahɔ.
Na ɔbabɔ anzodwolɛ nolo yeahile maanle maanle ne mɔ;+Ye tumililɛ ne bavi nyevile nloa yeahɔdwu nyevile nloaNee Azule* ne anloa yeahɔdwu azɛlɛ ne ɛleka biala.+
11 Na wɔmɔ, O raalɛ, ɔlua wɔ ngyekyeleɛ ne mogya ne ati,Mebaye wɔ pilizama meavi kuma ne mɔɔ nzule ɛnle nu la anu.+
12 Bɛzia bɛhɔ aranemgbole ne anu, bɛmɛ pilizama mɔɔ bɛlɛ anyelazo la.+
‘O raalɛ,’ ɛnɛ melɛka meahile wɔ kɛ,‘Mebadua wɔ kakɛ mɔnwo.+
13 Mebakpo Dwuda kɛ me ɛda.
Na meava Yifelaem* meawula ɛda ne anu,O Zayɔn, mebadunwue ɛ mra mrenyia ne mɔ,Amaa bɛadwazo bɛatia ɛ mra mrenyia ne mɔ, O GilisiNa mebamaa wɔayɛ kɛ kovolɛ dadeɛ.’
14 Gyihova bamaa yeala ali wienyi kɛ ɔ nee ye menli ne lua,Na ye atwɛ ne bavinde ahɔ kɛ ɛsɛlɛmanye.
Na Tumivolɛ Awulae Gyihova babɔ aweɛne ne,+Na ɔbalua nyiakɛ ahumuakyima ne anu yeahɔ.
15 Ɛlɔne Gyihova bagyinla ye menli ne anzi,Kpɔvolɛma bava totoabɔ ara bɛ nwo zo, noko bɛbali kpɔvolɛma ne anwo zo konim.+
Bɛ nye balie na bɛadeɛdea nu kɛ asɛɛ bɛnlo nwanye;Na bɛbayi tetɛkɛɛ kɛ kyɛnze,Kɛ afɔlemokyea ne mgbɛnezo ne mɔ la.+
16 Kenle zɔhane, Gyihova bɛ Nyamenle ne balie bɛ,Ye menli ne, kɛ mboane ekpunli la;+Bɛbada ye azɛlɛ ne azo kɛ belemgbunli abotile zo mgbɔba.*+
17 Nea kɛzi ye kpalɛyɛlɛ ne kpole de,+Nee kɛzi ye anwofɛlɛko ne de a!
Aleɛ nee nwanye fofolɛBamaa mgbavolɛ nee mbɛlɛra akpazi.”+
Ɔbodwɛkɛ
^ Anzɛɛ ɔkola ɔkile, “nyevile ne azo.”
^ Anzɛɛ “Filisitianli.”
^ Ɔbayɛ kɛ, ye menli ne amaneɛnwunlɛ ne ɔ.
^ Anzɛɛ “nee konimlilɛ; na bɛlie ye ngoane.”
^ Ɛhye kile, Yufileti ne.
^ Ɛhye kile, ɔle kɛ ɛda mbaka.
^ Anzɛɛ “belemgbunli abotile.”